2024 2023 2022 Flere år...
04-10-2006
Arferit ukiukkut Kalaallit Nunaanniittartut aammalu EU-programmi 'Northern Periphery Programme'
Arferit ukiukkut Kalaallit Nunaanniittartut aammalu EU-programmi 'Northern Periphery Programme'
Qilalugaq qaqortaq, qilalugaq qernertaq arfivillu pillugit atuakkamik saqqummersitsineq
Inatsisartunut ilaasortat Pinngortitaleriffimmit qilalugaq qaqortaq, qilalugaq qernertaq arfivillu pillugit atuakkamik saqqummersitsinermut atatillugu ilasseqatigiinnissamut sisamanngorneq 5. oktober aggersarneqarsimapput. Atuagaq Seniorforsker Dr.scient Mads Peter Heide-Jørgensenimit aammalu Post.doc. Kristin Laidremit atuakkiarineqartoq atuarfinni atugassianngorlugu kalaallisut qallunaatullu saqqummersinneqarpoq kiisalu tunisassatut kalaallisut, qallunaatut tuluttullu saqqummersinneqarluni.
EU-programmi 'Northern Periphery Programme' pillugu paasissutissiineq
Inatsisartunut ilaasortat aammalu suliffeqarfiit allat anginerusut, ilinniarfiit, kommunit, kulturikkut suliffeqarfiit Naalakkersuisunullu ilaasortat peqatigalugit EU-programmi 'Northern Periphery Programme' pillugu Katuami paasissutissiinissamut sisamanngorneq 5. oktober pisussamut qaaqquneqarsimapput.
Kalaallit Nunaata 2001-imiilli EU-programmi 'Northern Periphery Programme' (NPP) peqataaffigisarsimavaa. Taanna issittumi avannarlermi nunanut Atlantikullu avannarpasissuani nunanut sammititaavoq, nunat taakku silap pissusaanik peqqarniitsumik atugaqarnertik ilisarnaatigaat aammalu ikittuinnarnik imminnullu avinngarusimasunik innuttaqarnertik. Nunat pineqartut tassaapput Kalaallit Nunaat, Savalimmiut, Island, Sverige, Norge aamma Finland.
EU-programmi 'Northern Periphery Programme' pillugu paasissutissiinermi pisussat
1) Tikilluaqqusineq programmillu paasissutissiiffiginera, Nunanut Allanut Pisortaqarfimmit
2 Northern Periphery Programmi sunaana, aamma sooq Kalaallit Nunaat peqataava? Saqqummiussissaaq Kaspar Lytthans, Immikkoortortaqarfimmi siunnersorti Kalaallit Nunaat Savalimmiullu sinnerlugit.
3) Northern Periphery Programmimut Kalaallit Nunaannit peqataasimanermit misilittakkat.
Siusinnerusukkut peqataasimasumit - saqqummiussisussaq suli qulakkeerneqanngilaq
4) Qanoq ililluni aningaasanik suleqatissanillu nassaarniartoqarsinnaava?
Northern Periphery Programmip allattoqarfianit - saqqummiussisussaq suli qulakkeerneqanngilaq