2024 2023 2022 Flere år...
02-06-2006
Tusagassiorfitsigut nalunaarut
TUSAGASSIORFITSIGUT NALUNAARUT
Atortittartunut inunnillu anngiortumik nunanut eqqussuisarnernut akerliuneq
Nunani Avannarlerni Killerni Inatsisartunut ilaasortat arnat aaqqissuussaasumik atortittartoqarnermut anngiortumillu nunanut eqqussuisarnernut, tassa arnanik ukiukitsunillu atoqatigiinnikkut niuerutaasunut, nunarsuarmilu arsaalluni Tysklandimi pissartanngorniunnermut atatillugu pisussamut sakkortuumik akerliliipput FIFA-mullu kaammattuutigineqarpoq ingerlanneqartoq unitsissagaa. Tamanna ulluni maajip 31-iannit juunip aallaqqaataanut 2006-imi Nunani Avannarlerni Killerni Inatsisartunut ilaasortat arnat Qaqortumi ataatsimeersuarneranni oqaluuserineqarpoq.
Aaqqissuussaasumik atortittartoqarneq anngiortumillu nunanut eqqussuisarneq piviusuuvoq, tassa arnanik ukiukitsunillu atoqatigiinnikkut niueruteqartarneq nunat tamalaat akornanni timersornernik aaqqissuussinermi annertunerusuni pisarmat. Tamanna Nunani Avannarlerni Killerni Inatsisartunut ilaasortat arnat akuersaarneqarsinnaanngitsutut isumaqarfigaarput. Taamaattumik Tysklandimi arsamik nunarsuarmi pissartanngorniunnerup peqataaffigineqannginnissaanik svenskit Naligiisitaanermut ombudsmandiata Claes Borgströms-ip kaammattuutaa tapersersorparput. Tassunga atatillugu nunat tamalaat akornanni timersornermik suliniaqatigiiffiit aaqqissuisullu annertunerusumik akisussaanermik takutitsisariaqartut isumaqarpugut mannalu tikillugu suusupaginninneq takutinneqarsimasoq tupassutigalutigu.
Paasissutissat annertunerusut pissarsiariniarukkut ¿ allatsi Anja Hynne Nielsen oqarasuaammut: +299 48 61 62-imut attaveqarfigiuk