2024 2023 2022 Flere år...
18-05-2006
Permanent Forum-ip tallimassaanik ataatsimiinnerani Johan Lund Olsen oqalugiartoq
Johan Lund Olsenip oqalugiaataa kalaallisut (pdf-fil)
Nunanut Allanut Sillimaniarnermullu Ataatsimiititaliap Permanent Forum-ip tallimassaanik ataatsimiinnerani Johan Lund Olsen oqalugiarpoq
Inatsisartut Nunanut Allanut Sillimaniarnermullu Ataatsimiititaliaat piffissami ulloq 12. majimit 22. majimut 2006 New York-imut Washington-imullu paasisassarsiorluni angalavoq. Ataatsimiititaliap ulluni taakkunani Naalagaaffiit Peqatigiit Nunap Inoqqaavinut Permanent Forum-iata tallimassaanik ataatsimiinnera malinnaavigaa.
Ullumi pingasunngornermi ulloq 17. majimi Naalagaaffiit Peqatigiit ataanni Nunap Inoqqaavisa Permanent Forum-iata tallimassaanik ataatsimiinnerani Inatsisartut ataatsimiititaliaanni siulittaasuugallartoq Johan Lund Olsen Danmarki Kalaallillu Nunaat sinnerlugit oqalugiarpoq. Tassani Naalagaaffiit Peqatigiit Nunap inoqqaavinut atasumik 2015-imut anguniakkat piviusunngortinniarneqarneranni Nunap Inoqqaavisa Permanent Forum-imiata sulineranut ingerlasumut tapersiineq saqqummiuppaa.
Issittumi nunap inoqqaavisa inuuniarnikkut atugaannut annertuumik sunniuteqalereersumik silaannaap allannguutai Johan Lund Olsen-ip maluginiaqquai. Silaannaap allanngoriartornerata nassatarisaanik unammilligassat imaannaanngitsut angisuullu annertunerujussuarmik nunarsuarmi inuiaqatigiinnit suleqatigiiffiunerunissaat kaammattuutigaa.
Nunap inoqqaavi pillugit paasissutissatut atugassat annertuut tamatigoortullu naalakkersuinikkut suliniarnerup anguniagaqarnerullu inerisarnissaannut atuuttunngortinnissaannullu aalajangiisuulluinnartuupput ¿ soorlu Naalagaaffiit Peqatigiit 2015-imut anguniagai nunallu inoqqaavinut pingaarutillit suliniutit allat. Matumani nunap inoqqaaviisa Issittumilu Siunnersuisoqatigiinni nunat akornanni suleqatigiinneq aqqutigalugu issittumi nunap inoqqaavisa inuuniarnikkut atugaasa misissuiffigineqarnerat ingerlasoq Johan Lund Olsen-ip eqqaavaa.
Februar 2006-imi Nuummi immikkut ilisimasallit peqatigiinnerit pillugit immikkut isumasioqatiigiissimanerat Johan Lund Olsen eqqaavaa, qulequtaqartoq: Naalagaaffiit Peqatigiit nunarsuarmi nunap inoqqaavinut ukiut qulikkaat aappaannut peqatigiinnerinut siunniussat. Nunap inoqqaavisa naalagaaffiillu, Naalagaaffiit Peqatigiit aaqqissuussaanerata nunallu akornanni kattuffiit, naalakkersuisunut attuumassuteqanngitsumik suliniaqatigiiffiit allallu suliniuteqartut akornanni naligiimmik peqatigiinnissap pingaaruteqarnera taamatullu nunap inoqqaaviisa nammineq aalajangiisinnaatitaanissaannut piginnaatitaanissaannut nunap inoqqaavinut piginnaatitaaffiit nunakkuutaartumik nunallu tamalaat akornanni ataqatigiissumik tunngaviusumik tunngavissaanissaat erseqqissaatigalugu.
Kalaallit Nunaata Danmarkillu akornanni nammineernerulernissamik isumaqatigiinniarnerit ingerlanneqartut Johan Lund Olsen-ip oqalutturai, nammineernerulernissamut inuit nammineq aalajangiisinnaatitaanerisa piviusunngortinniarneqarneranni alloriarnertut taaneqarsinnaasut.
Naalagaaffiit Peqatigiit Permanent Forum-iani ilaasortat kiisalu Inatsisartunut ilaasortat/naalagaaffinnut attuumassuteqanngitsumik suliniaqatigiiffiit sinniisui Permanent Forum-imi peqataasut ataatsimiititaliap ullumi kingusinnerusukkut ataatsimeeqatigissavai.
Angalanermi peqataapput Johan Lund Olsen, Marie Fleischer aamma Tommy Marø.
Paasissutissat annertunerusut ¿ ataatsimiititaliamut siulittaasuugallartoq Johan Lund Olsen oqarasuaammut uunga attavigalugu pissarsiarineqarsinnaapput: +299 55 54 85