2024 2023 2022 Flere år...
03-04-2006
Nersornaat sølviusumik nersornaasiineq 1. april 2006
Ville Siegstad sivisuumik pimoorussilluni nuannaartunartumillu sulisimanini nersorneqaatigaa. Piffissami nutaanerusumi qimussertarnermi pissarsuit ilagaat, taamaalillunilu inissisimanera nallersimaneqarani.
Tupinnaannartumik nukissaqarluni nuannaartunartumik iliuuseqarumatunera qimussertarnerup soqutigineqarnerata ingerlanneqarneratalu annertusiartorsimaneranut annertuumik ataqqinaatigaa.
Avannaata Qimussersua aallartinneqarmalli (Qeqertarsuup tunuani kisimi ingerlanneqartarallarmat) kisiartaalluni kommunini tamani pissartanngortarsimanermigut taamanili siuttunngorsimavoq. Aamma 1989-imiilli kommunini pissartanngorniulluni sukkaniuttarnerni kisiartaalluni tamatigut annguttarsimavoq.
Timersuutip iluani peqatigiiffilerinermi Ville Siegstad ukiorpassuarni peqataasimavoq amerlasuunut iluaqutaasumik. Kalaallit Nunaanni Qimussertartut Kattuffiata Ville Siegstad kulturikkut kingornutap taassuma pigiinnarnissaanut annertuumik suliniuteqarsimaneranut ataqqinaammik ilaasortatut toqqarsimavaa.
Inatsisartuni siulittaasup tulliata siulliup Agathe Fontainip Namminersornerullutik Oqartussat saqqarmiuliuttagaat Nersornaat sølviusoq Namminersornerullutik Oqartussat sinnerlugit Sisimiuni ulloq 1. april 2006 Ville Siegstadimut tunniuppaa.