2024 2023 2022 Flere år...
03-08-2007
Aningaasaqarnermut Ataatsimiititaliaq Qaanaamut tikeraassaaq missingersuutillu pillugit isumasioqatigiinnini ingerlatissallugu.
Naalakkersuinikkut suliaqartunik, atorfilittanik inuussutissarsiutinillu ingerlatsisunik oqaloqatiginnittarnermigut immikkoortuni pisoqarfiusuni naalakkersuinikkut inuiaqatigiillu aningaasaqarnerannut attuumassuteqartunik paasinninnissani siunertaralugu Aningaasaqarnermut Ataatsimiititaliaq paasisassarsiorluni angalasarpoq.
2008-mi aningaasanut inatsisissatut siunnersuummut tunngatillugu missingersuutit pillugit isumasioqatigiinneq ataatsimiititaliap ingerlatissavaa. Missingersuutit pillugit isumasioqatigiinnermi aningaasanut inatsisissatut siunnersuut nutaaq ataatsimiititaliamit ataatsimut misissorneqarlunilu oqaluuserineqassaaq. Taamatut misissuineq aningaasanut inatsisissatut siunnersuutip aappassaaneerneqarnissaanut ataatsimiititaliap isumaliutissiissutissaanut tunngavigissallugu naleqqutissaaq ilaatigullu aningaasanut inatsit pillugu Inatsisartuni partiit akornanni isumaqatigiinniarnissanut ilapittuutaassalluni.
Annertunerusumik paasisaqarusukkaanni Aningaasaqarnermut Ataatsimiititaliami ilaasortat ukuusut saaffigineqarsinnaapput:
Augusta Salling (Siulit.) tlf. 55 03 10, e-mail aus@gh.gl.
Jens Lars Fleischer (Siulit. tull.) tlf. 54 91 60, e-mail jefe@uummannaq.gl.
Palle Christiansen tlf. 48 45 31, e-mail pach@gh.gl
Agathe Fontain tlf. 52 93 43, e-mail agfo@gh.gl.
Otto Jeremiassen tlf. 53 31 77, e-mail otje@kangaatsiaq.gl