Nutaarsiassat

27-12-2007

SIULITTAASOQARFIMMIT NUTAARSIASSAQ

Ullumi decembarip 27-at 2007 Namminersornerullutik Oqartussat nersornaasiuttagaat Nersornaat sølviusoq inunnut nuimasunut sisamanut Inatsisartut Siulittaasuata Jonathan Motzfeldtip tunniutissavaa. Tunniussineq Hans Egedip Illuani nal. 14:00 pissaaq.

Nersornaaserneqassapput:

Inatsisartunut, Folketingimut Naalakkersuisunullu ilaasortaasimasoq Hans-Pavia Rosing,

Oqaasileriffiup pisortaa Carl Christian Olsen ¿Puju¿,

Kalaallit Nunaanni Timersoqatigiit Kattuffianni generalsekretæriusimasoq Jens Lennert aamma

Tusagassiortoq soraarneq siornatigullu Naalakkersuisunut ilaasortaasimasoq Stephen Heilmann.

Inussiarnersumik inuulluaqqusillunga,

Inatsisartut Siulittaasuat Jonathan Motzfeldt

Paasisaqarnerujumasut uunga saaffiginnissinnaapput:

Inatsisartut Siulittaasuat Jonathan Motzfeldt tlf. 55 37 01