2024 2023 2022 Flere år...
04-09-2007
Inatsisartut Ilaqutariinnermut Ataatsimiititaliaat ulluni 5.-8. september 2007 Illoqqortoormiunut angalassaaq.
2001-imili isumaginninnermut tunngasunut Inatsisartuni politikerinit Illoqqortoormiut tikeraarneqarsimanngitsut tikeraarneqarnissaat ataatsimiititaliamit qangali pilersaarutigineqarsismavoq.
inuusuttuaqqallu, utoqqaat, innarluutillit kommunimilu siusinaartumik soraarnerussutisiallit atugaasa ilisimasaqarfiginerulernissaat tikeraarnerup pingaarnertut siunertaraa Meeqqat, taamaaliornikkut nunatsinni isumaginninnermut inatsiseqarnerup atuutsinneqarnera illoqarfimmilu malittarisassat atuuttut aqutsivigineqarnerat sukumiinerusumik Ilaqutariinnermut Ataatsimiititaliamit paasisaqarfigineqartuarsinnaaniassammat.
Piffinni misilittakkat pillugit ataavartumik Ilaqutariinnermut Ataatsimiititaliap ilisimasarnerunissaa pingaaruteqarpoq, taamaaliornikkut inatsiseqarnerup naapertuuttumik aaqqissuunneqarsimanersoq immikkullu siunertarineqartut naammassineqarsimanersut ataatsimiititaliamit qulakkeerneqarsimajuaanaqqullugu.
Kommunalbestyrelsimik ataatsimeeqateqarnerup suliffeqarfinnillu takuniaanerup saniatigut Ilaqutariinnermut Ataatsimiititaliami ilaasortat peqataasut innuttanik nalinginnaasumik ataatsimiisitsissapput, taamaaliornikkut tikeraarnermi kommunimi innuttaasut Inatsisartut isumaginninnermut tunngasuni politikeriinik oqaloqateqarnissaminnut periarfissaqassammata.
Annertunerusumik paasisaqarusukkuit ¿ Ilaqutariinnermut Ataatsimiititaliami ilaasortat uku attaveqarfigisinnaavatit:
Inatsisartunut ilaasortaq Emilie Olsen, Siulittaasoq, telefon: 34 62 58, mobil 52 86 64
Inatsisartunut ilaasortaq Ruth Heilmann, telefon: 34 62 30, mobil 52 08 05
Inatsisartunut ilaasortaq Agathe Fontain, telefon: 34 62 26, mobil 48 45 31
Inatsisartunut ilaasortaq Astrid Fleischer Rex, telefon: 34 62 44, mobil 48 35 29