2024 2023 2022 Flere år...
14-11-2008
2009-mi Inuusuttut Inatsisartui januarimi ulluni 17.-miit 22.-anut 2009 ingerlanneqassaaq
Ilinniartut nunatsinni tamaneersut, Inuusuttut Inatsisartuisa namminneerlutik siunner-suutitik oqaluuserissallugit ataatsimiilerunik Inatsisartoqarfik iserterfigissavaat. Siusinnerusukkut Inuusuttut Inatsisartoqartarneranni ilinniartut siunnersuutaannut pingaarnertut qulequtaasarsimapput; "Kalaallit Nunaat Inatsisillu Tunngaviusut", "Tamat Oqartussaaqataanerat" aamma "Eqqortuliorneq Naapertuilluarnerlu". Maannakkut pingaarnertut qulequtarineqassaaq; "Nunarsuarmioqataaneq".
Inuusuttut Inatsisartuini, ataatsimiinnerup nalaani ilaasortat kisimik ulapaartus-saanngillat. Aqutsisut aamma toqqarneqartussaapput, Naalakkersuisutut atuuttussat. Aqutsisunut ilaasortaat partiit inuusuttunut suliniaqatigiiffiinit toqqarneqassapput. Inuusuttut Inatsisartuini Aqutsisunilu peqataasussat 18-it 30-illu akornanni ukioqassapput.
Inuusuttut Inatsisartuisa sulineranni inernerusut, inaarutaasumik aalajangersakkami allanneqassapput, taanna nunatsinni Inatsisartut Siulittaasuannut, nunatsinni Naalakker-suisut Siulittaasuannut aammalu Folketingip Siulittaasuanut ingerlatinneqassapput.
Inuusuttut Inatsisartuisa ataatsimiinneri tamanut ammasuupput. Inuusuttut Inatsisartui pillugit paasissutissat Inatsisartut nittartagaanni: www.landstinget.gl-imi
pissarsiarineqarsinnaapput.
Paasissutissat annertunerusut pissarsiariaraanni attavigineqarsinnaavoq Inatsisartut Siulittaasuat, Ruth Heilmann, uani oqarasuaammi: 34 61 05 imaluunniit qarasaasiakkut allalluni uunga