2024 2023 2022 Flere år...
12-12-2008
Nersornaat sølviusoq Uumannami Ole Qvistimut Borgmesterimit Jens Lars Fleischerimit tunniunneqassaaq.
Ole Qvist Nersornaat sølvimik tunineqassaaq ilaatigut nunatsinni qimussersarnerup attatiinnarnissaanik suliniuteqarujussuarsimanera pissutigalugu.
Ole Qvist qimussersarnermik soqutiginnittorujussuuvoq, ataqqinaataanullu ilaavoq taamatut ullumikkumut kultureqarnitta ingerlaannarneranut attatiinnarneqarnissaanullu soqutigisaqarnerujussuaq.
Ole Qvistip 1985-imi Qimusseq pilersitseqataaffigaa, 1987-imilu peqatigiiffik Avannaata Qimussersua pilersitseqataaffigalugu, taamaalillunilu Avannaata Qimussersuata 1988-imi siullermik ingerlanneqarsinnaaneranut sunniuteqaqataasimalluni.
Uummannarmiunut ilaatigut kommunalbestyrelsimi ilaasortatut sunniuteqarsimavortaaq, ilaatigullu kommunimi aningaasarsiornikkut inuussutissarsiutitigullu ineriartornermi siuttunut peqataasimalluni. Uummannaq Seafoodimik aallarneeqataavortaaq.
Paasisaqarnerujumasut Inatsisartut Siulittaasuannut Ruth Heilmannimut, mobil 52 08 05-mut saaffiginnissinnaapput.
