2024 2023 2022 Flere år...
11-03-2008
Nersornaasiineq pillugu ilisimatitsissut
Sanasut naalagaat Christian Lennert, "Akánguaq´", Sisimiut, marsip aappaat 2008 Nammiinersornerullutik Oqartussat Nersornaataannik sølviusumik nersornaaserneqarpoq. Nersornaat Inatsisartut Siulittaasoqarfiat sinnerlugu Naalakkersuisut Siulittaasuata Hans Enoksenip Hotel Sisimiuni nalliuttorsiualaarnermi tunniuppaa.
Sanasut naalagaat Christian Lennert, "Akánguaq`", ukiut 50 sinnerlugit namminersortutut sanasunut naalagaasimavoq, taamaammallu sanaartornermut tunngasut ineriartorneranni annertuumik sunniuteqarsimalluni, suliffiutaami piffissap ingerlanerani aamma illussanik titartaasarfittut, imermut kiassarnermullu attaveqaatilerinikkut, VVS-mi suliaqarnikkut, qalipaasutullu suliffittut ineriartorsimammat. Taamaalillunilu suliffiutaa ukiut ingerlanerini nunaqqaterpasuatta ilinniarnerminnik naammassinnittarnerannik taakkunanilu sulilertarnerannik kinguneqartarsimavoq suliaqarfnnilu taakkunani maligassiuisuusimalluni.
Paasisaqarnerujumasut Inatsisartut Siulittaasuat Ruth Heilmann, mobil: 52 08 05, attavigisinnaavaat.