2024 2023 2022 Flere år...
06-05-2010
Inatsisartut Siulittaasuata Kitsia Berthelsen aamma Rosine Heilmann sølviusumik Nersornaaserai
Inatsisartut Siulittaasuata Josef Motzfeldtip ullumi soraarninngorsimasoq Kitsia Berthelsen aamma Rosine Heilmann sølviusumik Nersornaaserpai.
Kitsia Berthelsen sølviusumik Nersornaaserneqarpoq piffissami sivisuumi annertuumillu piorsarsimassuseq eqqarsaatigalugu nersortarialimmik sullissisimammat. Kitsia inuunermini sivisuumik peqatigiiffilerinermut annertuumik attuumassuteqarlunilu peqataasimavoq. Peqatigiiffilerinermi suliarisimasarpassui eqqarsaatigalugit Peqatigiinniani, ilaatigut siulittaasuusarluni, peqataasimanera immikkut taaneqartariaqarpoq, soorlu aamma ilagiit sinniisaannut ilaasortatut, ajoqitut kiisalu kalaallisuut tammatsaaliorlugit sulisimaneri taaneqartariaqartut.
Rosine Heilmann sølviusumik Nersornaaserneqarpoq erinarsoqatigiinni NIPE-mi piffissami sivisuumi annertuumillu suliaqarsimanera pissutigalugu. Erinarsoqatigiinni aqutsisutut sulineq annertusinnaavoq, qularnaranilu aamma akunnerpassuit nammineq piumassutsimik akissarsiaqaranilu atorneqarsimassasut. Erinarsoqatigiinnik aqutsisuuneq aamma inuppassuit nalliuttorsiornerini peqataanermik najuunnermillu kinguneqartarsimavoq, taamatullu aamma ulluni assoruuffiusuni ilungersuumminartunilu soorlu ilisinertut ittuni nuannaalersitsisarsimalluni, nersornaasiinermut ilaatigut tunngavilersuutigineqarput.
Nersornaasiinerit Hans Egedep Illuani ingerlanneqarput.
