2024 2023 2022 Flere år...
08-10-2010
Aalisarnermut Ataatsimiititaliamit aallartitat aalisarneq pillugu saqqummersitsinermut peqataajartorlutik Sisimiuliarput
Aalisarnermut Ataatsimiititaliamit aallartitat tassaasut Hans Aronsen (IA) aamma Finn Karlsen (S) ulluni 8. - 12. oktober Sisimiuniissapput.
Angalanissami siunertarineqarpoq aalisarnerup iluani ineriartornerup nutaajunerpaap paasisaqarfiginissaa siunertaralugu aalisarneq pillugu Sisimiuni ulloq 9. oktober saqqummersitsinermi peqataanissaq. Angalaneq ilaatigut Qeqqata Kommuniani Inuussutissarsiornermut Ataatsimiititaliap, aalisarnermik suliffeqarfiit aammalu najukkami aalisartut piniartullu peqatigiiffiisa sinniisuinik aallartitat naapeqateqarnissaannut periarfissiissaaq.
Suliassaqarfimmi iluani pisunik malinnaanissaq Aalisarnermut Ataatsimiititaliamit pingaartinneqarpoq, taamaalilluni ilisimalikkat tamakku inatsisinik suliaqarnermi aamma aningaasanut inatsisissatut siunnersuummut atatillugu aalajangiinissanut aammalu suliassaqarfiup iluani iliuuserisassanut tunngavittut atorneqarsinnaaqqullugit. Taamaalillutillu aallartitat Nuummut utersimaleriarunik angalanerminni pissarsiatik paasissutissiissutigineqartullu Aalisarnermut Ataatsimiititaliap sinneranut ingerlateqqissavaat.
Paasissutissanik annertunerusut siulittaasumut Hans Aronsenimut tlf. +299 53 82 27-mut imaluunniit Finn Karlsenimut tlf. +299 54 71 52-mut saaffiginninnikkut pissarsiarineqarsinnaapput.