2024 2023 2022 Flere år...
29-10-2010
Jonathan Motzfeldt ulloq 5. november 2010 ilisaassaaq
Inatsisartut Siulittaasuata Josef Motzfeldtip Naalakkersuisullu Siulittaasuata Kuupik Kleistip Jonathan Motzfeldtiugaluup ilaqutai isumasioreerlugit nalunaarutigivaat Inatsisartut Naalakkersuisullu siulittaasorisimasaat Palasi Jonathan Motzfeldt ilisaassammat Nuummi tallimanngornermi novembarip ulluisa tallimaanni 2010 Oqaluffik Hans Egedemi nal. 13.00 naalagiaqatigiinnermik aallartittumik.
Oqaluffik Hans Egedemi naalagiaqatigiinneq aamma Katuami 13.00-miit isiginnaarussuartigut malinnaavigineqarsinnaassaaq.
Naalagiaqatigiinnerup kingorna iliveqarfimmi issumeerinninnissamut oqaluffimmiit Katuamiillu iliveqarfimmut bussit atorlugit assartuisoqarumaarpoq.
Issumeerinnittoqareerpat kikkunnut tamanut 15.00-imiit 17.30-mut Katuami kaffeqarlunilu teeqarumaarpoq.
Ilisinissaq pillugu paasissutissat sukumiinerusut Siulittaasup Naalakkersuisoqarfianut 35 50 01-imut saaffiginnilluni pissarsiarineqarsinnaapput.
Josef Motzfeldt
Inatsisartut Siulittaasuat
Paasissutissat sukumiinerusut Inatsisartut Siulittaasuat Josef Motzfeldt angallattagaq 55 76 41 attaveqarfigalugu pissarsiarineqarsinnaapput.