2024 2023 2022 Flere år...
19-01-2011
Ukioq manna Unnummi Kulturisiorfimmi Inatsisartut matutik nal. 16 ammariissavaat takkut-tullu eqqugassaqassallutik
Ukioq mannattaaq Unnummi Kulturisiorfimmi Inatsisartut peqataassapput. Ukiunut siusinnerusunut sanilliullugu matut siusinnerusukkut nal. 16:00 ammarneqassapput 19:00-ilu matuneqarlutik. Taamatut siusinnerusukkut ammatitsinikkut minnerunngitsumik ilaqutariit meerartallit Inatsisartunut alakkaalaarnissaannik pitsaanerusumik periarfissinniarpagut.
Nunatsinnilumi inatsisiliortut alakkartilaassallugit pissutissarpassuaqarpoq. Paasissutissiisarnermut tusagassiortunullu inimi Inatsisartut pillugit nalorsitsaarinerni marlunni peqataasut eqqugassanik eqquinissamut periarfissaqassapput.
Meeqqanut qarasaasiaq atorlugu nalorsitsaarutinik suliaqarsimavugut, paasissutissiisarnermut atortorissaarutitaatsinni umeraq toortaannarlugu paasissutissiisarfimmi ingerlanneqartussami, aalasunik titartagartalersukkamik nipitalersukkamillu meeqqat pulaarnerminni nuannersumik ilinniarfiusumillu misigisassaqartikkumallugit. Inersimasut aamma nalorsitsaarinermut peqataasinnaapput, Inatsisartut pillugit filmi minutsinik tallimanik sivisussusilik takutinneqareeraangat apeqqutit akiortorneqarnerisigut.
Inatsisartut kaffisortarfianni kalaallit kaagiannik sassaallertoqassaaq, kaffeqarluni teeqarluni meeqqanullu tamulugassaqarluni.
Tamatuma saniatigut Inatsisartut ataatsimiittarfiat alakkarneqarsinnaassaaq, Inatsisartut oqaluttarfiat qanittukkut qummukartinneqarlunilu ammukartinneqarsinnaalersimasoq nikorfaffigineqarsinnaalluni, taamatullu aamma qinikkap ataatsimiittarfimmi issiaviani issialaarneq misilinneqarsin-naassalluni. Siulittaasup allaffiani Nersornaat kuultiusoq silviusorlu saqqumitinneqassapput.
Inatsisartuni sulisut naapinneqarsinnaassapput Inatsisartunilu sulineq pillugu oqaloqatigineqarsinnaassallutik, soorlu aamma Inatsisartuni naalakkersuinikkut suliaqarneq pillugu naqitanik paasissutissiisunik saqqumisitsisoqassasoq.
Josef Motzfeldt
Inatsisartut Siulittaasuat
Paasissutissat sukumiinerusut Inatsisartut Siulittaasuat Josef Motzfeldt angallataq 55 76 41 attaveqarfigalugu pissarsiarineqarsinnaapput.