Nutaarsiassat

04-02-2011

Aaqqiissutinut piujuaannartitsinissamik tunngavilinnut immersorneqarneq - Inatsisartut Eqqissisimatitsinermut Avatangiisinullu Ataatsimiititaliaat ulluni 31.01-02.02 2011 Finlandimi Åbomi ataatsimeersuarnermi nunanit tamalaanit peqataaffigineqartumi sinniisuutitaqarpoq

Eqqissisimatitsinermut Avatangiisinullu Ataatsimiititaliami ilaasortat, Akitsinnguaq Olsen, Siumut, aamma Knud Fleischer, Kattusseqatigiit Partiiat, ulluni 31.01-02.02 2011 najukkani nunarsuullu immikkoortuini ataasiakkaani piujuaannartitsineq aaqqissutillu piujuaannartitsinermik tunngavillit pillugit ullut pingasut ataatsimeersuarnermut iluatsilluartumut peqataapput.

Inatsisartunut ilaasortat ataatsimeersuarnermi peqataasut allat 500-ut peqatigalugit a-taatsimiinnerni assigiinngitsuni peqataasarput, qulequttat aalajangersimasut sammillugit saqqummiussallu isumassarsiorfiusinnaasut aallaavigalugit piujuaannartitsineq eqqarsaatigalugu suliniutit aaqqiissutillu assigiinngitsut aalajangersimasullu itinerusumik sammisinnaallugit. Inatsisartunut ilaasortat peqataasut annerusumik malinnaavi-gaat ataatsimiinnerit silaannaap mingutsinneqarneranik taamatullu aamma CO₂-mik aniatitsinerup annikillisinneqarsinnaaneranik sammisaqarfiusut. Ataatsimeersuarnermi eqimattakkuutaarluni ataatsimiinnerit ataatsikkut sisamat ingerlanneqartarput, taamalu peqataasut namminneq soqutigisatik tunngavigalugit ataatsimiinnerit sorliit peqataaffiginiarnerlugit aalajangertarlugu.

Suliniutit aalajangersimasut pillugit ilanngussat soqutiginartorpassuit saniatigut, ataat-simeersuarnermit ataatsimut isigalugu qulliunerusunik erseqqinnerusunik oqariartuu-teqartoqarpoq:

• Najukkani, nunarsuup immikkoortuini naalagaaffinnilu ataasiakkaani piujuaannartitsinissaq eqqarsaatigalugu nammineq aaqqissutissarsioritsi.

• Piujuaannartitsineq eqqarsaatigalugu ilinniartitsineq ilinniagaqarnerlu suliniutaananilu paasisitsiniaanerunngilaq - inuuneq tamaat ineriartorneruvoq ilinniagaqarnerullunilu.

• Avatangiisit nukissiuuteqarnerlu eqqarsaatigalugit najukkani nunarsuullu immikkoortuini piujuaannartitsinissamik suliniutit inuiaqatigiinni suliassaqartitsinermik ineriartornermillu pilersitsisarput.

• Nuna tamakekrlugu, nunap immikkoortuini najukkanilu ataatsiakkaani suliassaqarfiit pitarlugit piujuaannartitsineq aamma piujuaannartitsinermik tunnga-vilimmik ineriartortitsinerit aaqqissutillu eqqarsaatigalugit suleqatigiittoqartariaqarpoq.

• Piujuaannartitsineq eqqarsaatigalugu najukkani nunallu immikkoortuini ataasiakkaani anguniakkat aaqqissutinillu piujuaannartitsinermik tunngavilinnik suliniarneq taamaallaat iluatsissinnaapput innuttaasunit akulerusimaffigineqartunik peqataaffigineqarlutillu.

Akitsinnguaq Olsen Knud Fleischerilu ataatsimeersuarnermi peqataanermikkut Inat-sisartuni ataatsimiititaliani sulinissaminnut nutaanik isummersorneqarput, Kalaallit Nunaannilu piujuaannartitsinermik tunngavilimmik ineriartortitsinermut aaqqiissu-teqartarnissamullu killiliussanik pilersitsiniarluni suleriaqqinnissaq qilanaaralugu.

Paasissutissat oqaaseqaatillu sukumiinerusut Akitsinnguaq Olsen angallattagaq 55 04 43 aamma Knud Fleischer angallattagaq 25 59 28 attaveqarfigalugit pissar-siarineqarsinnaapput.

Ataatsimeersuarneq Nunani Avannarlerni Ministerit Siunnersuisoqatigiiffianit, finskit nunanut allanut ministeriaqarfiannit, finskit avaangiisinut ministeriaqarfiannit, Sverigemi kommuninit inatsisartunillu, Åbop illoqarfianit, Finlandimi kommunit peqatigiiffiannit allarpassuarnillu aaqqissuunneqarpoq.