2024 2023 2022 Flere år...
27-04-2012
Sanaartornermut Avatangiisinullu ataatsimiititaliaq aamma Aalisarnermut, Piniarnermut Nunalerinermullu ataatsimiititaliaq Pinngortitaleriffiup mississuutitaava nutaaq SANNA takornarniarpaat
Pinngortitaleriffiup misissuutitaava SANNA qanoq atortorissaaruteqarpa? Apeqqut taanna ataatsimiititaliami marlunni taakkunani ilaasortat ullumikkut annertunerusumik paasisaqarfigaat.
Pulaarnerup nalaani ilisimatooq AnnDorte Burmeister takornarniartitsivoq, Pinngortitaleriffiullu misissuutitoqaanut sanilliullugu pitsaangoriaatit pingaarutillit amerlasuut pillugit nassuiaavoq. Aalisarnermik, silap pissusaanik avatangiisinillu misissuinerit assigiinngitsut amerlasuut naammassineqarnissaannut SANNA aaqqissuussaallunilu atortulersugaavoq.
Umiarsuup atortui aaqqissuussaaneralu pillugu, aamma misissuinermut, sumiissusersiornermut attaveqaateqarnermullu atortut elektroniskiusut nutaaliat pillugit Ataatsimiititaliani ilaasortat tupigusupput, Ataatsimiititaliamilu ilaasortat isumaqarput umiarsuarmut immami misissuutitaamut aningaasaliineq pitsaasuusoq. Ataatsimiititaliat marlut neriuutigaat pisuussutinik aqutsineq pillugu tunngaviusumik ilisimasanik katersisinnaanermut ingerlatitseqqinnermullu aamma immami avatangiisit qulakkeerissuteqarfiginissaanut Pinngortitaleriffik suli naammassisaqarsinnaassasoq.
Sanaartornermut Avatangiisinullu ataatsimiititaliaq aamma Aalisarnermut, Piniarnermut Nunalerinermullu ataatsimiititaliaq
Paasissutissiinerusunissaq pillugu Sanaartornermut Avatangiisinullu ataatsimiititaliami siuittaasoq Naaja Nathanielsen uunga attavigineqarsinnaavoq: mobil +299 29 57 04.