2024 2023 2022 Flere år...
05-12-2012
Malik Høeghip 60-iliinerani nersorinnissut
Taalliortoq, erinniortoq nipilersortartoq Malik Høegh 60-iliilluni inuuissiorpoq.
Nunatta oqaluttuarisaanerani nutaajunerusumi taalliortut erinniortullu "illiniliortuisa" nuimanersaasa ersarinnerit ilaat ullumi inuuissiortoq Inatsisartut sinnerlugit pilluaqquara.
1960-70-ikkunni nunarsuarmi inuusuttut akornanni pissutsinut atuuttunut akuersaaginnartuunnginnerup nalaani aalassassimaartitsinermik Malik peqatinilu taalliamikkut erinniamikkullu nunatsinnut apuussisuupput.
Taalliamini inuup kinaassutsiminik qularutiginnittuusariaqannginnera pingaartitaatut ersarittuaannarpoq. Taama suliamini sumiuussuseq pingaarnerutinnagu inuit tamatta sumiuugutta assigiimmik ataqqinassuseqarluta inunngorsimanerput uppernarsaaserniagaraa.
Taamalu inuiaqaterput inuuissiortoq nunamut inuiannullu aalajangersimasunut pituttuinngikkaluarluni sumit naggueqarnini tunngavigalugu nunarsuarmiuusutut eqqarsartaaseqarluni maligassiuisuunini nersorneqaatissaasa ilagilluinnarpaat.
Malik Høegh 1993-imi Namminersornerullutik Oqartussat kulturimut nersornaasiuttagaanik tunineqarpoq.
Josef Motzfeldt
Inatsisartut Siulittaasuat
Paasissutissat sukumiinerusut Inatsisartut Siulittaasuat Josef Motzfeldt angallattagaq 55 76 41 attaveqarfigalugu pissarsiarineqarsinnaapput.