Nutaarsiassat


2021 2020 2019 Flere år...

09-01-2014

Peter Beckip sølviusumik Nersornaaserneqarnera

Ullumi Københavnimi Kalaallit Nunaata Aallatitaqarfiani ukiortaami ilassinninnermi nalliuttorsiorpalaartumik katerisimaarnermi Inatsisartut Siulittaasuata Lars-Emil Johansenip Peter Beck sølviusumik Nersornaaserpaa.

 

Inatsisartut Siulittaasoqarfiata Peter Beck sølviusumik Nersornaaserpaa Namminersornerulluni Oqartussaanerup aammalu Namminersorluni Oqartussaanerup nalaanni inuiaqatigiinni iluarsartuussinernik annertuunik pingaarutilinnillu arlalippassuarnik aallartitsinerni piffissami sivisuumi nersortarialimmik suliaqarsimanera pillugu.

 

Siulittaasup Peter Beckimut oqalugiaateqarnermini ilaatigut makku oqaatigai:

 

"1988-imi taamani Aningaasaqarnermut Pisortaqarfimmi maanna aningaasaqarnermut naalakkersuisoqarfiusumi pisortatut atorfinitsinneqarputit, taamani suliassavit siullersarisimavaat Kalaallit Nunaata siullerpaamik aningaasarliulernissaata pinngitsoortinniarnissaa, tamatumani tigoriaannarnik aningaasassaqarnissaq qulakkeerniarlugu nunani allani aningaaserivinnit annertoorujussuarmik taarsigassarsisoqarlunilu sinerissamut qanittumi raajarniarnerup aaqqissuussaanikkut naleqqussarneqarnerani akiitsorineqartut akilersorneqartussaallutik.  

 

Ukiut ingerlanerini ataatsimiititaliarpassuarni isumalioqatigiissitarpassuarnilu peqataasarputit. (.) Aningaasaqarneq qulakkeerniarlugu suliatigut annertuumik piginnaasatit ilisimasatillu Kalaallit Nunaata qularutissaanngitsumik iluaqutigilluarpai, tamatumanilu aningaasaqarnerup siunissamut ungasissumut qulakkeerunneqarnissaa qitiutittuarsimavat."

 

 

Lars-Emil Johansen

Inatsisartut Siulittaasuat

 

Annertunerusumik paasisaqarusukkaanni saaffigineqarsinnaavoq Inatsisartut Siulittaasuat Lars-Emil Johansen, mobil +299 55 19 15.