2024 2023 2022 Flere år...
08-01-2015
Inatsisartuni e-mailit qarasaasiakkullu attaveqaatit tallimanngorpat ullup qeqqanit ataasinngorpat ullaakkumut matoqqassapput
Inatsisartut e-mailinut programiminnik taarsiilerput, tamatumalu peqatigisaanik qarasaasiakkut attaveqaatit ilaat aamma taarserneqassallutik. Tassunga atatillugu e-mailinut qitiusumik toqqorsivik (server) qarasaasiakkullu attaveqaatit ilaat tallimanngornermi 9. januar 2015, nal. 13.00 matuneqarallassapput.
Piffissap taassuma kingorna Inatsisartunut ilaasortat, partiit allatseqarfii Allattoqarfimmilu sulisut e-mailikkut atassuteqarfigineqarsinnaassanngillat. Ataasinngornermi ulloq 12. januar e-mailikkut attaveqartoqaqqissinnaalissaaq. Taamaalippat e-mailit piffissami matoqqanerup nalaani nassiunneqartut tigusisussamit tiguneqassapput.
Oqarasuaatit matusinermit sunnerneqarnissaat ilimagineqanngilaq, taamaammallu Inatsisartunut ilaasortat, partiit allatseqarfii sulisullu piffissami pineqartumi oqarasuaatikkut atassuteqarfigineqarsinnaassallutik.
Nittartagaq ina.gl matusinermit sunnerneqassasoq naatsorsuutigineqanngilaq, taamaattumillu piffissami pineqartumi taanna pisarnertut atorneqarsinnaassalluni.
Inussiarnersumik inuulluaqqusilluta
Inatsisartut Allattoqarfiat
Paasissutissat erseqqinnerusut Allattoqarfimmi paasissutissiisarnermut suliniutinullu suleqataasumut Nils Baumimut oqarasuaammut angallattakkamut +299 58 92 90-imut sianerluni pissarsiarineqarsinnaapput.