Nutaarsiassat

11-02-2015

Shimoda Takaaki sølviusumik Nersornaaserneqartoq

Inatsisartut Siulittaasuata Lars-Emil Johansenip ullumi Nuummi Royal Greenlandimi nalliuttorsiualaarnermi Shimoda Takaaki sølviusumik Nersornaaserpaa.

Inatsisartut Siulittaasoqarfiata Shimoda sølviusumik Nersornaaserpaat aalisakkanit tunisassiat eqqarsaatigalugit nunatta Japanillu akornanni niueqatigiinneq niuernikkullu attaveqaatit siuarsarniarlugit ineriartortinniarlugillu ukiorpassuarni ilungersorluni tunniussimallunilu suliniuteqarsimanera tunngavigalugit.

Lars-Emil Johansen Shimodamut oqaaseqarnermini ilaatigut makku erseqqissarpai:

"1988-imi Royal Greenland Japanimi tuniniaanermut ingerlatseqatigiiffimmik pilersitsivoq. Taamanerniilli illit aqutsinikkut, taamatullu aamma nutaaliortarnikkut ilungersornikkullu, i-ngerlatseqatigiiffk ullumikkut tassaalersimavoq ingerlatseqatigiiffinnit Royal Greenlandimit aqunneqartunit aalisakkanit tunisassianit kiilumut RG-mi sinneqartooruteqarfiunerpaasar-toq.

Japanimiut ilisarnaataasa ilagaat pitsaassutsimik pingartitsinertik aalisakkanillu nioqqutissianik nuannarisaqarnertik, illulli japanimiut tuniaasartut ikittunnguit ilaattut japanimi niuerfinnut qaleralik eqqussimavat. Tamatuma kingorna issittup kinguppai, saattuat, suluppaakkaat arnarluillu suaat aamma eqquppatit. Tamanna ima iluatsissimatigaaq illit Shimodo siuttuuninni ingerlatseqatigiiffiup aqutap kaaviiaartitai qallunaat aningaasanngorlugit milliardit affaannit annertunerulersimallutik.

Inatsisartut Siulittaasoqarfiata tunniussimallutit sulisimaninnut qutsavigaatsit, tamatumun-nga nersorinnissutitut sølviusumik Nersornaaserlutit."

Lars-Emil Johansen

Inatsisartut Siulittaasuat

Paasissutissat sukumiinerusut Inatsisartut Siulittaasuat oqarasuaat55 19 15 attaveqarfigalugu pissarsiarineqarsinnaapput.