2024 2023 2022 Flere år...
10-03-2015
Nunat Avannarliit Siunnersuisoqatigiiffiat 2015-mut Pinngortitamut Avatangiisinullu tunngatillugu nersornaasigassanik inassuteqaqqusivoq
Nunat Avannarliit siunnersuisooqatigiffiata Pinngortitamut Avatangiisinullu tunngatillugu nersornaasiuttakkani 2015-ni 21-saat tunniutissavaa.
Maanna piffissanngorpoq Nunat Avannarliit siunnersuisooqatigiffiata Pinngortitamut Avatangiisinullu tunngatillugu nersornaasiuttagaanut piukkunnartunik innersuussinissamut nersornaat danskit koruuninngorlugit 350.000-inik aningaasaannik naleqarpoq.
Nunat Avannarliit siunnersuisooqatigiffiata Pinngortitamut Avatangiisinullu tunngatillugu nersornaasiuttagaat kattuffimmut, suliffeqarfimmut imaluunniit inummut sammisamini suliaminiluunniit maligassiuisumut isumassarsiullaqqissumulluunniit allatulluunniit pinngortitamut avatangiisimullu tunngatillugit suliniuteqarsimasunut tunniunneqartarpoq. Tunisassiamik ineriartortitsinerusinnaavoq, isumassarsiaalluniluunniit imaluunniit siunissami nunani avannarlerni avatangiisinut silaannakkut ulorianartorsiortitsisinnaasunik annikillisaataasinnaasunik suliamik allartitsinerusinnaalluni.
Nersornaaserneqartussanut innersuussinermi killissarititaasoq kingulleq tassaavoq ataasinngorneq 13. april 2015.
Innersuussutigineqartut allattorsimaffiat 2015-mi aasap ingerlanerani saqqummiunneqassaaq. Ajugaasoq saqqummiunneqassaaq ajugaasorlu Nunat Avannarliit siunnersuisooqatigiffiata atatsimiinnerani oktober 2015-ni akissarsitinneqassalluni.
Siunnersuutit nassiussinnaavat uunga:
Paasissutissanik annertunerusumik pissarsiniaraanni Johannes Magnus Nordisk Rådemi attaveqaateqarnermut immikkoortumi joma@norden.org. atorlugu pissarsiarineqarsinnaavoq.