2024 2023 2022 Flere år...
06-07-2015
Ulloq 5. juli 2015-imi Vejlemi nalliuttorsiorpalaartumik katerisimaarnermi Inatsisartut Siulittaasuata Lars-Emil Johansenip Daniel Skifte kuultiusumik Nersornaaserpaa.
Inuiaqatigiinni politikikkut ukiorpassuarni piumassuseqarluni sullissisimanera tunngavigalugu Inatsisartut Siulittaasoqarfiata Daniel Skifte kuultiusumik Nersornaaserpaa.
Daniel Skiftemut oqalugiaammini Lars-Emil Johansen ilaatigut ima
erseqqissaateqarpoq:
"Siullermik Inatsisartunut ilaasortanngornerit
kingusinnerusukkullu Naalakkersuisunngornerit aammalu
Inatsisartunut Siulittaasunngornerit aqqutigalugit 1982-imili
politikimut piumassuseqarluarlutit akuusimanerit pillugu
Siulittaasoqarfiup kuultiusumik nersornaaserpaatit. Taakku
Kalaallit Nunaanni politikikkut atuuffiit qaffasinnersaraat,
taamaalillutillu Kalaallit Nunaat ullumikkut ilisimasarput
ineriartortitseqataaffigisimavat."
Siulittaasoqarfik sinnerlugu
Lars-Emil Johansen
Inatsisartut Siulittaasuat
Annertunerusumik paasisaqarusukkaanni saaffigineqarsinnaavoq Inatsisartut Siulittaasuat Lars-Emil Johansen, mobil +299 55 19 15.