2024 2023 2022 Flere år...
31-10-2015
Ilaasunik angallassineq pillugu kiffartuussinissamut isumaqatigiitit sivitsorneqarnissaannik suliap killiffia Inatsisartut Aningaasaqarnermut Akileraartarnermullu Ataatsimiititaliaannit ullumi ujartorneqarpoq
Kalaallit Nunaanni ilaasunik, nassiussanik allakkanillu angallassineq pillugu kiffartuussinissamut isumaqatigiissutit atuuttut sivitsorneqarnissaannik Naalakkersuisut qinnuteqaataannut akuersissutini Aningaasaqarnermut Akileraartarnermullu Ataatsimiititaliap nassiuppaa. Naalakkersuisunut allakkat ull. 9. september 2015-imi nassiunneqarput.
Ilaasunik angallassineq pillugu kiffartuussinissamut isumaqatigiissutit taakku pillugit Naalakkersuisut sulineranni killiffik pillugu Ineqarnermut, Sanaartornermut Attaveqarnermullu Naalakkersuisoq Aningaasaqarnermut Akileraartarnermullu Ataatsimiititaliamit ullumi siunersiorneqarpoq. Piffissaalluartillugu angalanissamik pilersaarusiorsinnaannginnerup innuttaasunut ingerlatsisunullu kipiluttunartorsiortitseqqilernerata ataatsimiititaliamit arajutsisimaneqannginnera siunersiuinermut tunngaviuvoq. Kingullermisulli ataatsimiititaliap pingaartippaa pissutsit taamaalernissaat pinngitsoortinniartariaqartoq. Taamaattumillu kiffartuussinissamik isumaqatigiissutit sivitsorneqarnissaannut tunngavissat Naalakkersuisunit taperserneqarnerat ataatsimiititaliamit iluarisimaarneqarpoq. Ataatsimiititaliamillu neriuutigineqarpoq innuttaasut ingerlatsisullu 2016-imi angalanissanik maanna pilersaarusiorsinnaanngortut.
Paasissutissat annertunerusut Aningaasaqarnermut Akileraartarnermullu Ataatsimiititaliap siulittaasuanut Jens Immanuelsenimut +299 52 21 10-mutsaaffiginninnikkut pissarsiarineqarsinnaapput.