Nutaarsiassat


2019 2018 2017 Flere år...

26-09-2019

Islandip Præsidentia H. E. Guðni Th. Jóhannesson Inatsisartunut pulaartoq

Inatsisartut Siulittaasuata ulloq 24. september Islandip præsidentia H. E. Guðni Th. Jóhannesson nulialu Eliza Reid Inatsisartuni pulaartorai.

 

Inatsisartut Siulittaasuata præsidenti nulialu Inatsisartut ataatsimiittarfiannut isertippai aningaasanut inatsit pillugu oqallinnermik sivikitsumik malinnaasinniarlugit, tamatumani 2017-imi Kalaallit Nunaata avannaani pinngortitami ajunaarnersuaqarnerup kingorna Islandip pingaartumillu Præsidentip Kalaallit Nunaannut aningaasaqarnikkut tapiissuteqarnerannut ataatsimiinnermik aqutsisup Inatsisartut tamaasa sinnerlugit qujaffigai.

 

Inatsisartut Siulittaasuata oqaatigaa:

”Inatsisartut inersuarmi ataatsimiinnerisa nalaani Inatsisartut præsidentimik pulaartumik tikilluaqqusisinnaanerat qaqutigoortuuvoq, taamaattumik inersuarmi Inatsisartut ataatsimiinnerisa nalaani ataqqinartut Islandip præsidentiata nuliatalu Inatsisartunut tikilluaqqisinnaanerat immikkut nuannaarutissaavoq.”

 

Inatsisartut Siulittaasuata ataatsimiittarfik Erling Høeghimi Præsidentip ingiallortaasalu Inatsisartunut pulaarnertik Inatsisartut Siulittaasuannik ataatsimiittarfimmi Erling Høeghimi kaffisoqatigiilluni ataatsimeeqateqarnermik naggaserpaat.

 

Vivian Motzfeldt

Inatsisartut Siulittaasuat