2024 2023 2022 Flere år...
12-05-2020
Inuussutissarsiornermut Aatsitassanullu Ataatsimiititaliaq ammasumik siunersiuinermut aggersaasoq
Aningaasaqarnermut Aatsitassanullu Naalakkersuisoq Inuussutissarsiornermut Aatsitassanullu Ataatsimiititaliamit ammasumik siunersiuinermut aggersarneqarpoq. Ammasumik siunersiuineq pingaartumik Naalakkersuisut coronap ajornartorsiortitsinerani aatsitassarsiorluni suliffissuaqarnermut iliuuserisaannut, amerikamiut suliniutinut aningaasaliissutaannut kiisalu aatsitassanik radiop qinngualaneranik akulinnik aatsitassarsiorluni suliniutinut tunngassuteqassaaq.
Sisamanngornermi ulloq 14. maj 2020, nal. 13.00 siunersiuisoqassaaq.
Ammasumik siunersiuinerit nalinginnaasumik tusagassiortut saniatigut sioqqutsilluni nalunaarnikkut tamanit najuuffigineqarsinnaasaraluarput. Coronalli ajornartorsiortitsinera pissutigalugu sapinngisamik najuuttut killilersimaarniarlugit ulloq 14. maj siunersiuinermi tusagassiortut kisimik najuunnissamut qaaqquneqassasut aalajangiunneqarsimavoq.
Henrik Fleischer
Inuussutissarsiornermut Aatsitassanullu Ataatsimiititaliami Siulittaasoq
Paasisaqarnerujumalluni ataatsimiititaliap Siulittaasua oqarasuaatikkut uunga saaffigineqarsinnaavoq: 52 72 82
Siunersiuinerup qanorpiaq ingerlanneqarnissaa pillugu paasisaqarumalluni Inatsisartut Allattoqarfiat oqarasuaatikkut uunga saaffigineqarsinnaavoq: 34 61 25