2024 2023 2022 Flere år...
28-07-2020
Kukkunersiuinermut Ataatsimiititaliaq nipisattassiissutut qaffanneqarneranni suliaq pillugu killiffik.
Naalakkersuisut nipisattassiissutit qaffaaviginissaannik suliaqarnerannut Naalakkersuisut Siulittaasuata suliamut attuumassuteqarsinnaaneranik apeqqut pillugu allakkiaq, eqqartuussissuserisoqarfimmit Poul Schmidtimit suliarineqarsimasoq Kukkunersiuinermut Ataatsimiititaliap tiguaa oqaluuseralugulu.
Suliaq suliallu ingerlanera pillugu nassuiaammik suliaqarnissani Kukkunersiuinermut Ataatsimiititaliap ataatsimiinnermini kingullermi aalajangiuppaa. Nassuiaat naammassineqariaruni Inatsisartunut ilaasortanut nassiunneqarumaarpoq.
Tassunga atatillugu suliamut aalajangersimasumut tunngatillugu pissutsit piviusut aallaavigalugit qaammarsaanissaq ataatsimiititaliap suliassarigaa erseqqissaatigissallugu ataatsimiititaliamit kissaatigineqarpoq. Ataatsimiititaliaq suliamik misissuinermini pissutsinik isornartorsiugassaqqissunik nassaassagaluaruni taava pissutsit taamaattut
uparuarneqassapput. Taamaalilluni ataatsimiititaliaq suliami inerniliinanilu eqqartuussisutut inissinneq ajorpoq. Kukkunersiuinermut Ataatsimiititaliaq suliamik misissuinerminut atatillugu isornartorsiuilluni oqaaseqarpat, qanoq pissutsit isornartuusinnaasut Kukkunersiuinermut Ataatsimiititaliamit uparuarneqartut Naalakkersuisunut ilaasortanut akisussaasunut naalakkersuinikkut kinguneqartinneqassanersut Inatsisartunit kingorna aalajangerneqartussaavoq.
Naalakkersuinikkut akulerunnani taamaallaat suliamut tunngatillugu inatsisartoqarnikkut sullissinissaq Kukkunersiuinermut Ataatsimiititaliamit siunertaajuarpoq, tassa inuttut naalakkersuinikkullu pissutsit apeqqutaatinnagit.
Erik Jensen
Kukkunersiuinermut Ataatsimiititaliami Siulittaasoq
Paasisaqarnerujumalluni ataatsimiititaliap siulittaasua oqarasuaammut ugguuna attavigineqarsinnaavoq; (+299) 53 04 08