2024 2023 2022 Flere år...
16-12-2021
Pilersuinerup isumannaatsuunissaata eqqumaffigineqarnerunissaa
Aserfallatsaaliinermut aningaasaliinissaq pingaaruteqartoq Nukissiorfiit ukiumoortumik nassuiaatiminni ukiorpassuarni erseqqissaatigisarpaat. Nuummi arlaleriarluni innaallagiaarunneranit tamatta eqiiallatsinneqarpugut. Nuulli kisimi eqqugaanngilaq. Sinerissami tamarmi inuit attaveqaataarupput. Tamatuma kingunerisaanik dankortinik akiliisarfiit atorneqarsinnaajunnaarput aammalu ilaatigut politiinut peqqinnissaqarfimmullu sianertoqarsinnaajunnaarluni. Taamaattoqaqqittariaqanngilaq.
Tamanna Aningaasaqarnermut Ataatsimiititaliamit imaannaanngitsutut isigineqarpoq ajutoortoqaqqinnginneranilu aserfallatsaaliinikkut kinguaattoorutit ataatsimiititaliamit tamakkiisumik paasisaqarfigerusunneqarput.
Iliuusissatut siullertut aningaasanut inatsimmi suliassaqarfik 10-89-imi oqaasertaliussaq nr. 6 naapertorlugu (ajunaarnersuarmut aningaasaliissutit) aningaasanik atuinissaq pillugu Naalakkersuisut ataatsimiititaliamut ilisimatitsissutaat Aningaasaqarnermut Ataatsimiititaliamit tusaatissatut tiguneqarpoq. Nunatsinni tamarmi isumannaatsumik pilersuinissap attaveqaatillu qulakkeerneqarnissaannut siunissamut isigisunik iliuutsit pillugit Naalakkersuisut ataatsimiititaliamut ingerlaavartumik ilisimatitsissuteqartarnissaat ataatsimiititaliamit naatsorsuutigineqarpoq.
Aningaasaliissuteqarnissamik pisariaqartitsineq tamakkiisoq pilertortumik paasisaqarfigiumallugu suliassaqarfimmut iliuusissanut pilersaarummik tigussaasumik ataatsimiititaliaq susassaqartoq peqatigalugu tigusaqarnissani Aningaasaqarnermut Ataatsimiititaliap kissaatigaa.
Kiisalu assigiimmik akeqartitsinermik aaqqissuusseqqinnerup aalajangiiffigineqarnera pillugu ingerlaqqiffissiat uku innersuussutigineqarput:
2018-imut aningaasanut inatsit pillugu isumaqatigiissut Finanslovsaftale for FFL 2018 underskrevet KAL.pdf (naalakkersuisut.gl)
Jens Napaattooq
Aningaasaqarnermut Akileraartarnermullu Ataatsimiititaliap siulittaasua
Paasissutissat annertunerusut ataatsimiititaliap siulittaasuanut mobil +299 258866-imut saaffiginninnikkut pissarsiarineqarsinnaapput