2024 2023 2022 Flere år...
29-06-2022
Aqqalukasik Kanuthsenimik eqqaaniut.
Inatsisartunut ilaasortaasimasoq Aqqalukasik Kanuthsen tallimanngornerup juunip ulluisa 24-ata unnuaani 2022 69-inik ukioqarluni toqukkut qimaguppoq.
Aqqalukasik Kanuthsen 1953-imi Qaqortumi inunngorpoq. Teknisk assistentitut ilinniarsimavoq ukiorpassuarnilu siullermik Upernaviarsummi siunnersortitut kingusinnerusukkullu qitiusumik allaffeqarfimmi savaateqarnermut nunalerninermullu tunngasunut siunnersortitut sulisimalluni.
Naalakkersuisunik tunngasunik suliaqarnermini Aqqalukasik qinigaaffinni arlalinni Qaqortumi kommunalbestyrelsimut ilaasortaasarsimavoq. 1988-imiit 1991-imut taamatullu aamma 2003-miit 2005-imut (sinniisussatut) Inatsisartunut ilaasortaavoq.
Ilaatigut Aqqalukasik Kanuthsen aktiaateqarluni ingerlatseqatigiiffinni Namminersornerullutik Oqartussanit pigineqartuni assigiinngitsuni siulersuisunut ilaasortaaffeqartarsimavoq. Taamaalilluni 1994-imiit 2000-imut South Greenland Tourism A/S-imi siulersuisunut ilaasortaasimavoq, taamatullu aamma 1999-imiit 2002-mit INI A/S-imi siulersuisunut siulittaasuusimalluni. 2006-imiit 2007-imut Neqi A/S-ip siulersuisuinut siulittaasuuvoq KNI A/S-imilu siulersuisunut ilaasortaalluni.
Ukiut ingerlanerni taamatuttaaq Aqqalukasik partiimini tatigisaalluni qinigaaffinnik pingaarutilinnik assigiinngitsunik atuuffeqartarsimavoq.
Nulia ilaqutaalu qamanga pisumik misiginneqatigaavut.
Eqqaaneqarnera ataqqinartuuli.
Inatsisartut Siulittaasuat
Kim Kielsen