2024 2023 2022 Flere år...
15-12-2022
Inatsisartut Siulittaasuata Kim Kielsenip ulloq 15. december 2022 nunatta nakorsaanera Henrik L. Hansen sølviusumik nersornaaserpaa
Inatsisartut Siulittaasuata Kim Kielsenip ulloq 15. december 2022 Hans Egedep Illuani nalliuttorsiorpalaartumik katerisimaarnermi nunatta nakorsaanera Henrik L. Hansen sølviusumik Nersornaaserpaa.
Henrik L. Hansen sølviusumik Nersornaaserneqarpoq tunillaassortunik nappaalanersuaqarneranut kommissioni Covid-19-ip tuniluunnera eqqarsaatigalugu peqqissutsimut tunngatillugu periusissamik qanorlu passunneqarnissaanut pilersaarummik, kingusinnerusukkullu tuniluunnermik nunatta pitsaasumik aniguineranut aqqutaasumik, qularnaarunniarlugu annertuumik suliaqarsimanera pissutigalugu.
Inatsisartut Siulittaasuata Henrik L.Hansen-imut oqaaseqarnermini ilaatigut erseqqissarpai:
” Ukioq 2020 naluneqanngitsutut nunarsuaq tamakkerlugu tunillaassuunneq nalitsinni siusinnerusukkut naammattoorneqarsimanngitsoq taamatullu aamma qanoq ingerlanissaa naanissaali eqqoriarneqarsinnaasimanngitsoq aallartippoq. Piffissaq tamanna imaannaasimanngilaq, aalajangiisartunut, innuttaasunut, suliffeqarfinnut minnerunngitsumillu peqqinnissaqarfimmi sulisunut, tunillaassuunneq eqqarsaatigalugu suliassanut sallerpaajusussaasimasunut. Maannalu tunillaassuunneq kingumut qiviarsinnaalereeratsigu oqartariaqarpugut ilaatigut sulilluarnikkut piffissamik ilungersunartorsiorfiusimasumik nunatta qaangiinera assut iluarisimaarsinnaagatsigu.
Virusi nunatsinnut anngutillarmat pisortallu ingerlatsinerat tamarluinnarmi allanngortittariaqalermat, aalajangiinissanut imaannaanngitsunut pisariaqartunulli atatillugu naalakkersuisunut pitsaanerpaamik siunnersuisinnaanissaq anguniarlugu ullut unnuarlu qasusuillutit sulisimavutit..”
Siulittaasoqarfik sinnerlugu
Kim Kielsen
Inatsisartut Siulittaasuat
