Oqaluuserisassani immikkoortoq 02-1 |
|
||
Siullermeerneqarnera | Aappassaanneerneqarnera | Pingajussaaneerneqarnera |
Ullut ataatsimiiffiusut aappaat,
pingasunngorneq 12. februar 2003, nal. 13:22
Oqaluuserisassani immikkoortoq 2
Tulluttoornerup danskisoornerullu meeqqat
atuarfianni siusinnerusukkut eqqunneqarnissaat anguniarlugu Naalakkersuisut
suliniuteqaqqullugit peqquneqarnissaannik siunnersuut.
(Inuusuttut Inatsisartuini
ilaasortaq Ib Uldum, Avannaani Iliniarnertuunngorniarfik, Aasiaat)
(Siullermeernera)
Ataatsimiinnermik aqutsisoq: Jonathan Motzfeldt, Inatsisartut
Siulittaasuat, Siumut.
Jonathan Motzfeldt, Inatsisartut Siulittaasuat, Siumut.
Taava tulliuppoq immikkoortoq 2.
Tulluttoornerup danskisoornerullu meeqqat atuarfianni siusinnerusukkut
eqqunneqarnissaat anguniarlugu Naalakkersuisut suliniuteqaqqullugit
peqquneqarnissaannit siunnersuut. Tassa qinnuigissavara siunnersuuteqartoq Ib
Uldum saqqummiusseqqullugu.
Ib Uldum, Avannaani Iliniarnertuunngorniarfik,
Aasiaat.
Siunnersuummut tunngavilersuut:
Kalaallit Nunaata ineriartortinneqarnissaanut periarfissat ilinniartitsinerullu
qaffasissusiata akornanni ataqatigiinneqarluinnarpoq.
Tikisitanik sulisoqarnissamik
pisariaqartitsinerup annikillineqarnissaa inuussutissarsiornerullu
unammillersinnaa ssuseqartup tunngavilerneqarnissaa taamalu aningaasarsiorneq
pitsaanerusoq kissaatigigutsigit Kalaallit Nunaanni ilinniartitsinerup
qaffassarneqarnissaa pingaaruteqarluinnarpoq.
Ullumnikkut inuusuttut Danmarkimi
nunarsuulluunniit ilaani allani annertunerusumik ilinniagaqarnissaminnut
naammattunik tunngavissaqarnissartik amigaatigaat. Oqaatsitigut pisinnaasat
naammattuaannanngillat.
Ajornartorsiutip taassuma
aaqqiivigineqarnissaanut piffissanngorluinnarsimavoq, taamaalillutik inuusuttut
pisinnaasaminnik atuinissaminnut periarfissaat pitsaanerulersinnaaqqullugit,
taamalu taakku namminneq Kalaallillu Nunaata siunissaat qulakkeerlugit.
Tuluttoornerup danskisoornerullu
meeqqat atuarfianni siusinnerusukkut atuartitsissutigineqartalernerisigut
atuartut takornartat oqaasiinik pisinnaasaqarnerulissapput, tamatumalu
Kalaallit Nuaata avataani ilinniarnermik ingerlatsinissaannut
pitsaanerujussuarnik periarfissaqalersissavai.
Jonathan Motzfeldt, Inatsisartut Siulittaasuat, Siumut.
Naalakkerusisut akissuteqaataat
saqqummiunneqassaaq naalakkersuisumit tassalu saqqummiussissaaq Arnatsiaq
Larsen.
Arnatsiaq Larsen, Naalakkersuisunut ilaasortaq, Inuit
Ataqatigiit, Nuuk.
Kalaallit Nunaanni
ilinniartitsinerup qaffassarneqarnissaata pingaaruteqassusia siunnersuuteqartup
erseqissarpaa.
Ilinniagaqartut Danmarkimi
imaluunniit nunarsuup ilaani allani ilinniarnermik ingerlatsinissaminnut
tunngaviisa nukittorsarneqarnissaat siunertaralugu tuluttoornerup
danskisoornerullu meeqqat atuarfianni siusinnerusukkut
atuartitsissutigineqartalernissaaat siunnersuu teqartup siunnersuutigaa.
Takornartat oqaasiinik
pisinnaasaqarnerup annertunerusumik ilinniakkat arlalippassuit
ingerlanneqarnissaannut tunngavittut pingaaruteqarnera Naalakkersuisut
isumaqatigaat. Misissu inerimmi aamma takutissimavaat danskisut amigartunik
pisinnaasaqarneq ilinniartitaanerit ilaanni maanaannaq unitsitsisarnermut
pissutaasunut ilaasoq.
Meeqqat atuarfiat pillugu peqqussut
nutaaq Inatsisartut 2002-mi akueraat. Peqqussut taassuma 1. august 2003-mi
atortuulersussap meeqqat atuarfiannik iluarsaaqqinnerup sinaakkutassai
pilersippai. Iluarsaqqinneq taanna Atuarfitsialammik taaneqarsimavoq.
Oqaatsinut tunngasunik nukittorsaaneq iluarsaaqqinnerup kinguneraa.
Kalaallit danskillu oqaasiinik
atuartitsineq ukiumili siullermi aallartittassaaq. Aammattaaq ingerlatanik
oqaatsinik allanik pisinnaasaqarnermik ineriartortitsisunik piareersaasoqassaaq
- matumani tuluit oqaasii takornartallu oqaasii allat ilanngullugit
eqqarsaatigalugit.
Ingerlatani taakkunani,
assersuutigalugu erinarsornerusinnaasuni pinnguarnerusinnaasunilu, atuartut
oqaatsit atuartitsissutigineqartorpiaat saniatigut oqaatsit allat
naalaarnissaannut misilittaaffiginissaannut sungiussisinniarneqarnissaat
siunertaavoq.
Tuluit oqaasiinik atuartitsineq
ukiut sisamaanniilli aallartineqassaaq, ukiullu arfineq pingajuanniit
takornartat oqaasii allat, soorlu tyskit franskilluunniit oqaasii, imaluunniit
- tamanna periarfissaqartillugu - oqaatsit allat neqeoruutigineqartassallutik.
Oqaatsinik atuartitsinermut
nukittorsaatitut aamma naatsorsuutigineqassaaq kalaallit danskillu oqaasiisa,
aammalu ilaatigut tuluit oqaasiisa
atuartunik tamanik atuartitsinermi atorneqartarnis‑saat
siunnersuutigineqarmat.
Taamaattumik Naalakkersuisut
isumaqarput meeqqat atuarfianni oqaatsinik atuartitsinerup massakkut
nukittorsaqqinneqarnissaa pisariaqartinneqanngitsoq, tamannalu tunngavigalugu
siunnersuutip itigartinneqarnissaa inassuteqaatigalugu.
Jonathan Motzfeldt, Inatsisartut Siulittaasuat, Siumut.
Tamanna oqaaseqarfigineqassaaq.
Tobiasine Abelsen.
Tobiasine Abelsen, Ammassallip Atuarfia, Tasiilaq.
Kultureqanermut
Ilinniartitaanermullu Ataatsimiititaliap akissutaa imaappoq:
Tulluttoornerup danskisoornerullu
meeqqat atuarfianni siusinnerusukkut eqquneqarnissaannik siunnersuut. Nuannaarutigaara Atuarfitsialammi
tuluttoorneq danskisoornerlu siusinnerusukkut eqqunneqartussaammata.
Taamaattmik oqaatigilara tulluttorneq danskisoornillu aasaru Atuarfitsialak
aallartippat siusinnerusukkut eqqunneqartussaaput. Qujanaq.
Jonathan Motzfeldt, Inatsisartut Siulittaasuat, Siumut.
Allamik oqaaseqartoqarumanngimmat
ataatsimiititaliap taamaalilluni oqaaseqaataa siullermeerneqarnerani
saqqummiunneqartoq aappassaaneerneqartinnagu ataatsimiititaliap aamma
suliareqqissagaa sulareqqitassaanullu ilanngutissaaq.