Oqaluuserisassani immikkoortoq 04-1 |
|
||
| Siullermeerneqarnera | Aappassaanneerneqarnera | Pingajussaaneerneqarnera | |
Ullut
ataatsimiiffiusut aappaat, pingasunngorneq 12. februar 2003, nal. 13:50
Ataatsimiinnermik aqutsisoq: Jonathan Motzfeldt, Inatsisartut Siulittaasiuat, Siumut.
Jonathan Motzfeldt, Inatsisartut Siulittaasiuat, Siumut.
Tulliuppoq immikkortoq 4 - Oqaatsinik Pikkorissarfimmi sisimiuniittumi tuluit danskillu oqaasiinik ilassutaasumik pikkorissartitsinerup pilersinneqarnissaa anguniarlugu Naalakkersuisut suliniuteqaqqullugit peqquneqarnissaannik siunnersuut. Tamatuminnga siunnesuuteqartoq Poul Olsen saqqummiussissaaq.
Poul Olsen, Naalakkersuisunut ilaasortaq, Siumup Inuusuttai, Sisimiut.
Tusartuarparput nalunagulu kalaallit ilinniarnertuunngorniarluni ilinniarnermik naammassinnissi‑masut danskit tuluillu oqaasiinik ajornartorsiuteqartartut., tamannalu annertunerusumik ilinniagaqarnissamik kissaateqarnermut ingerlatsinermullu atatillugu ajornartorsiutissaqalersitsigajuttarpoq.
Ullumikkut annertunerusumik ilinniagaqarnermik ingerlatsinissaminnik kissaateqartunut matematikkimi, fysikimi kemimilu ilassutaasumik pikkorissartitsinerit Sisimiuni ingerlanneqartarput.
Annertunerusumik ilinniagaqarnermik ingerlatsinissaq kissaatigigaanni Kalaallit Nunaanni danskisoornermi tuluttoornermilu ka‑rakterinik pitsanngorsaaviusiunnaasoq amigaatigaarput.
Tamatuma aaqqissutissaanik nassaartariaqarpugut, taamaattumillu nammineernissaq siunertaralugu inuusuttunut annertunerusumik ilinniarnerminnik ingerlatsisinnaasunut piareersarfiup pilersinneqarnissaanut periarfissanik pilersitsisariaqarpugut.
Siunertaq taana Oqaatsinik Pikkorissarfiup Sisimiuniittup ator‑neqarneratigut piviusunngortissinnaavarput. Taamaattumik Oqaatsinik Pikkorissarfimmi Sisimiuniittumi danskit tuluillu oqaasiinik ilassutaasumik pikkorissartitsinermik pilersitsisoqarnissaanik aalajangiisoqartariaqarpoq.
Jonathan Motzfeldt, Inatsisartut Siulittaasuat, Siumut.
Tamatumunnga Naalakkersuisut akissutaat saqqummiuneqassaaq Marie Fleischerimit.
Marie Fleischer, Naalakkersuisuni ilaasortaq, Demokraatit, Nuuk.
Oqaatsinik Pikkorissarfimmi Sisimiuniittumi tuluttut danskillu oqaasiinik ilassutaasumik pikkorissartarnissamik pilersitsinissamik siunnersuut akissuteqarfigissavara.
Siunnersuuteqartumit tikkuarneqarneqartutut inuusuttorpassuit annertunerusumik ilinniartitsinermi ingerlariaqqinnissaminnut oqaatsitigut tunngavissat amigaatigaat.
Oqaatsinilli Pikkorissarsiup Sisimiuniittup Danmarkimi oqaatsinut højskolernissat neqeroorutigisarpai, taakkunanilu takornartat oqaasii danskit, tuluit, tyskit, franskit allallu oqaasii ilinniarneqarsinnaallutik.
Taamatut højskolimiinneq qaammatit sisamaniit qulinut sivisussuseqarsinnaavoq, tapiiffigineqarsinnaatitaalunilu. Makkununnga tapiissuteqartoqarsinnaavoq:
Kommunip najugarivitap højskolillu akornanni angalaneq, kiisalu naammassinerup kingorna
uterluni angalaneq.
Atortussat Oqaatsinik Pikkorissarfik isumasioqatigalugu ingerlatsinissamut pisariaqartutut
højskolimit nalilerneqartut 60%-ii.
Qaammammut
kaasarfimmiut 1.850 kr.-t Namminersornerullutik Oqartussanit. Aningaasat
taakku
atorlugit ilaatigut kaasarfimmiunut, atisanut (matumani timersornermi atisat
pisariaqartut
ilanngullugit eqqarsaatigalugit), eroorsinermut, angalanernut, atortussanut
allanut
il.il. aningaasartuutit tamarmik matuneqartassapput.
Najugaqarnermut
aningaasartuutit ilaat, naalagaaffimmit tapiissutit sinnerlugit
amerlassuseqartut.
Paasisassarsiornerit angalanerillu pinngitsoorani peqataaffigineqartussat.
Oqaatsinik Pikkorissarfiup nammineq danskit,
tuluit kalaallillu oqaasiinik takornartat oqaasiitut isigalugit
pikkorissartitsinerit aamma neqeroorutigisarpai.
Pikkorissarnerilli taakku ilassutaasumik
pikkorissarnivittut isigineqarsinnaanngillat, tassa karakterinik
qaffassaanissamik periarfissiisuunatillu qaffasinnerusumik misilitsinnissamut
periarfissiinngillat. Taamaattorli ilinniartut ilinniarnermik namminerisatut
ingerlatsisutut ilinniarnertuunngorniarfimmi soraarummeerutaasartut
qaffaseqataannik misilitsinnissamut nalunaarnissaminnut periarfissaqarput,
taamaaliornikkullu karakterit siusinnerusukkut angusimasat
qaffassarneqarsinnaallutik. Fagimut aalajangersimasuinnaq peqataanissaq
nalunaarutigineqarsimappat, fagi taanna kisimi soraarummeerfigineqarsinnaavoq.
Taamaalilluni qanga ilinniarnertuunngorniarluni angusaasimasoq
qaffassarneqarsinnaanngilaq, taamaaliornikkulli ilinniartup oqaatsitigut
piginnaassusaa pitsanngoriarsimaneranut uppernarsaarneqarsinnaalluni.
Taamaattumik Naalakkersuisut isumaqarput
annertunerusumik ilinniagaqarnermut piareersaatitut oqaatsinik atuartitsinermut
neqeroorutinik amerlanerusunik massakkut pilersitsisoqarnissaa
pisariaqartinneqanngitsoq. Siunnersuutip tamanna tunngavialugu
itigartinneqarnisaa Naalakkersuisut inassuteqaat igaat.
Jonathan Motzfeldt, Inatsisartut Siulittaasuat, Siumut.
Taava ataatsimiititaliaq sinnerlugu oqaaseqassaaq
Helene Egede.
Helene Egede, Perorsaanermik Ilinniarfik, Ilulissat.
Uagut Kultureqarnermut Ilinniartitaanermullu Ataatsimiititaliami isumaqatigiippugut sinerissami peqareermat soorlu aftenskolini aammalu GU-ni pikkorissarnissanik taakkuninnga neqerooruteqareermat Sisimiuni oqaatsinik pikkorissarfimmi nammineq taakku aaqqissuullugu suliarisnnaammassuk.
Jonathan Motzfeldt, Inatsisartut Siulittaasuat, Siumut.
Allanik oqaaseqarfigineqarumanngimmat taava taamaalilluni aamma siullermeerneqarnera naammassivoq Kultureqarnermut Iliniartitaanermullu Ataatsimiititaliamut ingerlateqqinneqarluni.