Oqaluuserisassani immikkoortoq 04-2 |
|
||
| Siullermeerneqarnera | Aappassaanneerneqarnera | Pingajussaaneerneqarnera | |
Ullut ataatsimiiffiusut pingajuat,
sisamanngorneq 13. februar 2003, 18:05
Ataatsimiinnermik aqutsisoq: Per Rosing-Petersen, Inatsisartut
Siulittaasoqarfianni ilaasortaq, Siumut.
Per Rosing-Petersen, Inatsisartut Siulittaasoqarfianni
ilaasortaq, Siumut.
Tullinnguuppoq immikkoortut sisamaat, tassalu oqaasitsinik
Pikkorissarfimmi Sisimiuniittumi tuluit danskillu oqaasiinik ilassutaasumik
pikkorissartitsinerup pilersinneqarnisaa anguniarlugu Naalakkersuisut
suliniuteqaqqullugit peqquneqarnissaannik siunnerssuut.
Taakkunani isumaliutissiissusiortuni saqqummiussissaaq
Ib Uldum, takanna.
Ib Uldum, Avannaani Illinniarnertuunngorniarfik, Aasiaat.
Qujanaq. Oqaatsinik Pikkorissarfimmi
Sisimiuniittumi tuluit danskillu oqaasiinik ilassutaasumik
pikkorissartitsinerup pilersinneqarnissaa anguniarlugu Naalakkersuisut
suliniuteqaqqullugit peqquneqarnissaannik Inuusuttut Inatsisartuisa
aalajangiiffigisassaattut siunnersuut pillugu Inuusuttut Inatsisartuisa
Kultureqarnemut Ilinniartitaanermullu Ataatsimiititaliaata isumalitissiissutaa,
Siunnersuutip aappassaaneerneqarnerani saqqummiunneqartoq.
Inuusuttut Inatsisartuisa ataatsimiititaliaat
suliarinninnermini ukuninnga inuttaqarpoq:
Jakob Lund, Stephan Montgomery-Andersen, Tupaarnaq
Binzer, Ib Uldum, Helene Egede Tobiasine Abelsenilu.
Inuusuttut Inatsisartuisa Ataatsimiititaliaanni
2003-mi siullermeerinerup kingorna Inuusuttut Inatsisartuisa
ataatsimiititaliaata siunnersuut siuliani taaneqartoq misissorpaa.
Ataatsimiititaliaq isumaqatigiittoq isumaqarpoq
ilinniartut qaffasinnerusumik ilinniagaqarnissa‑mik kissaateqartut
karakteriminnik - aamma danskisut tuluttullu - qaffassaanissaminnut sooruna‑mi
periarfissaqartariaqartut.
Ataatsimiititalialli Naalakkersuisut isumaqatigai
oqarmata periarfissaq tamanna pioreersoq, tassami namminerisamik ilinniartutut
soraarummeerutit taakku ilinniarnertuunngorniarfinni ingerlanneqarsinnaammata,
taamaalillunilu karakterit qaffassarneqarsinnaallutik.
Ilassutaasumik pikkorissartitsinerit taamaattut
pilersinneqarnissaat Sisimiuni Oqaatsinik Pikkorissarfiup soorunami
isumaliutersuutigisinnaavaa. Ataatsimiititaliarli isumaqarpoq tamatuma
pisariaqartinneqarneranik naliliisussaq tassaasoq Oqaatsinik Pikkorissarfik,
tamannalu pikkorissarfiup pisortaqarfini peqatigalugu ingerlassinnaavaa.
Ataatsimiititaliap isumaa malillugu apeqqut maani aalajangiiffigisassaanngilaq.
Tamanna tunngavigalugu siunnersuutip itigartitsissutigineqarnissaa ataatsimiititaliap
isumaqatigiissup inassutigaa.
Taama oqaaseqarluni Inuusuttut Inatsisartuisa
Kultureqarnermut Ilinniartitaanermullu Ataatsimii‑titaliaata siunnersuut
aappassaaniigassanngortippaa.
Per Rosing-Petersen, Inatsisartut Siulittaasoqarfianni
ilaasortaq, Siumut.
Ib Uldumimut qujanaq. Allamik
oqaaseqartoqarumasoqarnerluni. Taamaattoqanngilaq.
Taamalilluta taasissutigissavarput, tassalu isumaliutissiissut
toqqammavigalugu itigartitsissutigineqarnissaa, kikkut
itigartitsissutigineqarnissaanut isumaqataappat?
25.
Kikkut akerliuppat?
Soqanngilaq.
Kikkut taaseqataanngillat?
3.
Taamaalilluni siunnersuut
itigartitsissutigineqarpoq.