Kalaallit Nunaanni Inatsisartut

Oqaluuserisassani immikkoortoq 21		[ Ataatsimiinnerit ] [ Tilbage ] [ Op ] [ Næste ]
Siullermeerneqarnera	Aappassaanneerneqarnera		Pingajussaaneerneqarnera

Ulloq ataatsimiiffiusoq siulleq,  marlunngorneq 11. februar 2003, nal. 10:10

 

 

Oqaluuserisassani immikkoortoq 21       

 

 

Ilinniagaqarfigisami, assersuutigalugu SPS-imi, meeraqanngikkaanni nammineq inigisami sooq ineqartoqarsinnaanngila?

(Inuusuttut Inatsisartuini ilaasortaq Helene Egede, Perorsaanermi Ilinniarfik)

 

 

Ataatsimiinnermik aqutsisoq: Jonathan Motzfeldt, Inatsisartut Siulittaasuat, Siumut.

 

 

Helene Egede, Perorsaanermik Ilinniarfik, Ilulissat.

Immikkoortoq 21. Iliniagaqarfinni, assersuutigalugu SPS-imi meeraqarani najugaqarneq, inigisamilu sooq ineqartarnersut kolligiani?

 

Jonathan Motzfeldt, Inatsisartut Siulittaasuat, Siumut.

Apeqqutitut taanna akineqartussaassaaq. Taava tulliuppoq Juliane Henningsen, taava tullitissaaq aamma Ib Uldum.

 

Juliane Henningsen, Avannaani Ilinniarnertuunngorniarfik, Aasiaat.

Tele namminersortunngorsarniarlugu telemilu ingerlatseqatigiiffiit allat aqqutigalugit unammilleqati giinnerup eqqunneqarnissaa anguniarlugu Naalakkersuisut suliniuteqaqqullugit peqquneqarnissaannik Inuusuttut Inatsisartuinut siunnersuut.

 

Jonathan Motzfeldt, Inatsisartut Siulittaasuat, Siumut.

Taanna Niuernermut Inuussutissarsiornermullu Ataatsimiititaliamut ingerlanneqassaaq. Tulliuppoq Ib Uldum, tulliutissaarlu Juliane Henningsen.

Ib Uldum, Iliniarnertuunngorniarfik, Aasiaat.

Inuussutisarsiutinut aningaasalersuiffittut aningaasaateqarfimmik nunaut allanut nunami tunisassiorfinnut anigaasalersueqataasinnaasumik pilersitsisoqarnissaat anguniarlugu suliniuteqaqqullugit Naalakkersuisut peqquneqarnissaannik Inuusuttut Inatsisartuinut aalakjangiiffigisassatut siunnesuut.

 

Jonathan Motzfeldt, Inatsisartut Siulittaasuat, Siumut.

Taanna ingerlateqqinneqarpoq Niuernermut Inuussutissarsiornermullu Ataatsimiititaliamut. Taava tuliuppoq Juliane Henningsen.

 

Juliane Henningsen, Avannaani Ilinniarnertuunngorniarfik, Aasiaat.

Inuusuttut Inatsisartuini aalajangiiffigisassatutu siunnesuut: Naalakkersuisut pisussaatinneqarput suliffissaaleqisut sanaartornermi ilinniarnissaminnik neqeroorfigineqarnissaat sulissutigissallugu, taamaalilluta iluarsaaqqinneq ingammik ineqarfiit kollegiallu eqqarsaatigalugit aallartinniassagatsigu.

 

Jonathan Motzfeldt, Inatsisartut Siulittaasuat, Siumut.

Suliassaq taanna ingerlatinneqarpoq Ilaqutariinnut Peqqinnissamullu Ataatsimiititaliamut. Tulliutissaaq Poul Olsen immikkoortoq 3.