Oqaluuserisassani immikkoortoq 27 |
|
||
Siullermeerneqarnera | Aappassaanneerneqarnera | Pingajussaaneerneqarnera |
Ullut
ataatsimiiffiusut pingajuat, sisamanngorneq 13. februar 2003, nal. 15:15
Ataatsimiinnermik aqutsisoq: Inatsisartut Siulittaasoqarfianni ilaasortaq Per Rosing-Petersen.
Per Rosing-Petersen, Inatsisartut Siulittaasoqarfianni ilaasortaq, Siumut.
Ataatsimiineq ingerlaqqippoq. Immikkorotut tulliat tikipparput tassalu immikkortoq 27: Oqallisissiatut apeqquteqaammik siunnersuut: Siunissami Tunngaviusumik Inatsiseqa-lernissamut tunngatillugu oqaatsinik ullutsinnut naleqquttunik atuinissaq pillugu. Tassani siunnesuuteqartut sinnerlugit Birgitte Fly saqqummiussissaaq.
Birgitte Fly, Sanaartornermut Ilinniarfik,
Sisimiut.
Oqallisissiamut tunngavilersuut:
Inatsit Tunngaviusoq maannakkut
atuuttoq kikkut tamarmik oqartussaaqataatillugit inuiaqati-giittut
ingerlanitsinnut tunngaviuvoq aamma immaqa qanoq ingerlanneqarneranut. Taanna
imaqarpoq aalajangersakkanik pingaarnernik inatsisit atortussanngortinneqartut
allat tamarmik tunngavigisassaannik.
Inatsimmi Tunngaviusumi
aalajangersakkat amerlasuut allanneqarsimapput 1800-ikkut qeqqata missaani,
taamaattumik eqqumiiginanngilaq oqaasertalersuinerit oqaatsillu atorneqartut
qanganisarpalaarmata imaaliallaannarlu paasisassaasaratik.
Aalajangersakkat allat
nutaanerugaluarput kisianni oqaatsit atorneqartut paasissagaanni taava
inatsisiler inermik ilisimasaqartariaqarpoq. Ilaanni pisariaqartarpoq inatsisinik
aamma pineqartut ilaani eqqartuusinermi aalajangerneqarsimasunik
ilisimasaqarnissaq Tunngaviusumik Inatsimmi aalajangersakkat pineqartumi
tamatumani paasissagaanni.
Naalagaaffiit tunngavimmittut
inatsisaattut Tunngaviusumik Inatsit nunarsuarmi naannersat ilagaat. Immaqa
taamaallat taamak naatsigisinnaavoq oqaatsit inatsisilerinermut tunngasut
atorneqarmata, itinerusumillu nassuiarneqarnatik aalajangersakkat qanoq
isumaqarnersut. Taamaassimappat isumaqarpugut iluaqutaassasoq Tunngaviusumik
Inatsit nassuiaatinik paasiuminartunik ilaneqarsinnaappat. Tunngaviusumik
Inatsit inunnik atuaannarlugu paasineqassappat, pisariaqarpoq oqaasertat
oqaatsillu ullutsinnut naleqquttut atorneqartariaqarput, tamatuma
qularnanngitsumik kingunerissavaa Tunngaviusumik Inatsimmik ilisimasaqarnerup
annertusinera.
Imaassinnaavoq pisariaqartoq
immikkut ilisimasallit Tunngaviusumik Inatsip nutaap oqaasertaata allanner ani
atussallugit, tamaassappat qularinngilarput iluaqutaassasoq inuttaasut ilaat
suliamut peqataatikkaanni.
Per Rosing-Petersen, Inatsisartut Siulittaasoqarfianni
ilaasortaq, Siumut.
Birgitte Flymut qujanaq. Naalakkersuisut sinnerlugit
akissuteqassaaq Marie Fleischer.
Marie Fleischer, Naalakkersuisunut ilaasortaq, Demokraatit, Nuuk.
Inatsisit Tunngaviusut malittarisassaapput
inuiaqatigiit aalajangiussarisimasaatMalittarisassat aalajngersarpaat kikkut
pissaaneqarnersut inuiaqatigiit malittaruagassaanni. Malittarisassat
aalajangersagaraat qaoq ililluni pissaaneq taanna atorneqarsinnaasoq, tassa
inuiaqatigiit Inatsisit Tunngaviusut
aalajangersarpaat killilerlugulu kikkut qanoq pissaaneqartut pissaanermik
atuisinnaassasut, taavalu Inatsisit Tunngaviusut inummut ataatsimut
inatsisikkut killilersuinissamik piaarnerpaamik aalajangersaapput, kisianni
qanoq iluaqutaava inatsit illersorneqarsinnaassaguni inuiaqatigiit tamakku
illersorneqaatissatik sianiginngikkunikkit. Sumut iluaqutaassava
malittarisassaqaruni inuttaasunik illesuisut inuttaasut atuarlugit
paasisinnaassanngikkunikkit.
Eqqartuussisarnermi naalagaaffik ilisimasaqarnerup
inuttaasut suut pisussaaffiginerlugit piginnaatitaaffiginerlugillu
paasisinnaassallugit. Tassa tunngaviatigut malittarisassaq unaavoq pingaarner
paasoq malittarisassat atuarsinnaassalugit paasineqarsinnaallutik
inuttaasunillu malinneqarlutik. Taamaattumik Naalakkersuisut
isumaqataalluinnapru siunersuuteqartut oqarmata Tunngavisumik Inatsimmi oqariartaatsit ullutsinnut
naleqqunnerusariaqartut.
Oqaatsit ineriartortuarput taavalu oqariartaatsit
aamma allanngortarput innuttaasut ineriartornerat naapertorlugu. Tamatuma
kingunerivaa ullutsinni oqariartaatsit taamani ineriartornermi
malinnaasariaqartut, taamaallaat inuiaqatigiinni uninngaannartuni
Tunngaviusumik Inatsisit qaqugorsuarmut atuussinnaavoq, tassani pineqarpoq oqaatsitigut imaa eqqarsaatiglaugit.
Meeqqat skuui mikivallaalerpata taava
taarserneqartariaqartarput taamaappoq aamma Tunngavi usumik Inatsimmut
tunngatillugu.
Per Rosing-Petersen, Inatsisartut Siulittaasoqarfianni
ilaasortaq, Siumut.
Marie Fleisherimut qujavugut. Oqaaseqartoqarumasoqarnerluni.
Aggu Løvstrøm.
Aggu Løvstrøm, Isumaginninnermi Siunnersortinngorniat
Iliniarfiat, Nuuk.
Kalaallit Nunatsinni oqaatsit atukkavut pillugit
aamma inatsisiliortoqarsinnaavoq – una ana eqqaamarpiannginnakku ikoqqullunga
saaffiginikuugaluaringa saaffigisartagarput inatsiseqartoq normu massakkut
taasinnaanngilara, kisianni eqqaamavara imatut allassimasoqartoq: “Kalaallit
Nunaanni kalaallisut oqaatsit salliutinneqassappat, kisianni taamaakkaluartoq
qallunaatut oqaatsit atuarfimmi ilinniartitsissutigineqassapput.“ Qujanaq.
Per Rosing-Petersen, Inatsisartut Siulittaasoqarfianni
ilaasortaq, Siumut.
Aggu Løvstrømimut
qujanaq. Una pigunarpat Namminesornerullutik Oqartussat pillugit inatsisit
tassani § 9, imm. Siullermi taamannak allassimasoq eqqaamavara. Allamik
oqaaseqatoqarumanerluni. Taamaattoqanngilaq, taamaattumik imikkoortoq 27-p
oqaluuserineqarnera tassunga killeqarpoq.