Oqaluuserisassani immikkoortoq 28-1 |
|
||
| Siullermeerneqarnera | Aappassaanneerneqarnera | Pingajussaaneerneqarnera | |
Ullut ataatsimiiffiusut aappaat,
pingasunngorneq 12. februar 2003, nal. 13:37
Ataatsimiinnermik aqutsisoq: Jonathan Motzfeldt, Inatsisartut Siulittaasuat aamma, Per Rosing-Petersen,
Inatsisartut Siulittaasoqarfianni ilaasortaq, Siumut.
Jonathan Motzfeldt, Inatsisartut Siulittaasuat, Siumut.
Immikkoortoq 28, oqallisissiatut apeqquteqaammik
siunnersuut: Ilinniagaqartut taamaatiinnartartut amerlanerujussuat pillugu
oqallisissiaq. Taanna tassa Naalakkersuisunit immikkut akissuteqarfigineqarani
maani inimit oqallisigineqarnissaa ammavoq.
Tassani kikkulluunniit tassa sooranami
oqaaseqarsinnaanerat ammatitaavoq.
Saqqummiussissaaq Jakob Lund.
Jakob Lund, Ilisimatusarfik, Nuuk.
Kalaallit Nunaanni ilinniartut maannaannaq
unitsitsisartut amerlavallaarn er<t pissutigalugu saqqummiilaarniarpunga.
Amerlanerit isumaqatigiissutigiissutigisinnaavaat
ilinniartitaanerit qaffasissusiat apeqqutaatinnagu, meeqqat atuarfiat
pitsanngorsarsimasumiit qaffasinnerusumik ilinniartitaanernut Nunatsinni
inuiaqatigiinnut pingaaruteqartorujussuit aamma tamakku pingaarnertut
salliutinneqassapput.
Kisianni tamatumunnga ilutigitillugu
ilinniartitaanermi annertuumik ajornartorsiuteqartoqarpoq: Meeqqat atuarfianni
qaffasissuseq appasippoq, aamma meeqqat atuarfianni atuartut ingerlaqqillutik
ilinniarnissaminnut atorfissaqartitaannik naammattumik
piginnaasaqartilernissaat angujuminaatsinneqarpoq. Tamakku saniatigut
ilinniarfinni amerlasuuni ajornartorsiutigineqarpoq ilinniartut
taamaatiinnartartut amerlavallaarnerat.
Ajornartorsiutinut tamakkununnga suna
patsisaasinnaava? Meeqqat inuusuttullu inuttut atugarisaasa atuarnerat qanoq
sunniuteqarfigaa? Annertunerusumik isiginiarneqassanerpa isumaginninnermut
politikkip aamma ilinniartitaanermut politikkip imminnut
attuumassuteqarsinnaanerat?
Oqallilluarnissassinnik kissaallusi.
Jonathan Motzfeldt, Inatsisartut Siulittaasuat.
Jakob Lundimut qujavugut.
Meeqqat inuusuttullu inuttut atugarisaasa
atuarnerat qanoq sunniuteqarfigaat? Annertunerusumik isiginiarneqassanerpa
isumaginninnermut politikkip aamma ilinniartitaanermut politikkip imminnut
attuumassuteqarsinnaanerat?
Apeqqutit taakkua inimi maani tassa taamaalillugit
saqqummiuneqarput.
Siulliulluni oqaaseqarumavoq Naja Stefani.
Naja Stefani, Naalakkersuisunut ilaasortaq, Atassutip
Inuusuttai, Sisimiut.
Immikkoortoq 28-mut oqallisissiatut apeqquteqaammi
siunnersuut ilinniagaqartut taamaatiinnartartut amerlanerujussuat pillugu
oqallisissiaq.
Isummat siunnersuutillu saqqummiunneqartut
aallaavigalugit soqutiginnilluta malinnaavigissavagut kingornalu
aalajangiiffigalugit. Taamaattumik uku misissueqqissaarnermi HS-Analysip
misissueqqissaarsimanerani atuagassiaq agguaapparput, pivarsi ilaa, taanna
misissorneqarsinaavoq.
Taavalu oqaaseqaateqarfigilaasavara aamma,
angerlarsimaffinni toqqissisimasumik atugaqarnikkut, atuarfimmi angusat
pitsaanerulersinneqarsinnaapput, taamaalillunilu ilinniakkamik
naammassinnissinnaanerup periarfissaqarnerulersinneqarsinnaalluni.
Aamma pingaaruteqarpoq danskisut piginnaaneq
pitsaasuuppat, maanngaannaq unitsitsisarneq killilersimaneqarsin naasoq.
Ilinniartitaanikkut sutigut tamatigut
pitsaangorsaataassaaq ilinniutit amerlanerit danskisut allassimasarmata,
aammattaaq siunnersuutip pitsanngorsarnerisigut, tassa meeqqat
ilinniarfeqarfinnilu taamaalillutik unitsitsiinnartarnerit
killilersorneqarsinnaasapput.
Jonathan Motzfeldt, Inatsisartut Siulittaasuat, Siumut.
Taava tulliulluni oqaaseqarumavoq Helene Egede.
Helene Egede, Perorsaanermik Ilinniarfik, Ilulissat.
Uanga isumaqarpunga atuartut maanngaannaq uniinnartarnerat pillugu siunnersorneqarneq ajormata, tassalu aamma angajoqqaat siunnersorluarnissaat meeqqat, meeraq vuggestuemiinneraniit angajoqqaat suleqatigalugit toqqissisimanissaat pillugu, meeqqallu siunissaa eqqarsaatigalugu, toqqissisimasumik atuarluaruni inuuneqaruni naammassilluarnissaa eqqarsaatigalugu.
Per Rosing-Petersen, Inatsisartut Siulittaasoqarfianni ilaasortaq, Siumut.
Tulliuppoq Johanne Olsen Kreutzmann.
Johanne Olsen Kreutzmann, Ilismatusarfik, Nuuk.
Soqutiginartorujussuuvoq oqallisissiaq aamma
pingaaruteqartorujussuuvoq oqallisigissallutigu.
Nalunngilarput meeqqat atuarfianni
iluatsilluarsimasoq ukiorparujussuarni ingerlasoq, atuartut annerit
sulifeqarfinni misiliitinneqartartut, praktikertinneqarlutik, kisianni taanna
sulinermut tunngasuuvoq, iluatsilluartuuvoq, kisiannili ilinniarfeqarfinni
misiliineq ajorpugut, taavalu immaqa paasissutissinneqatarnerput meeqqat
atuarfinninngaanniilli annikippallaartarluni ilinniarfeqarfiit qanoq
ilinniartitseriaaseqartarnersut, ilinniartut inooriaaseq qanoq ittuunersoq
piareersimaffiginatsigu aallartarsimasinnaanerput peqqutaaqataasimasinnaavoq
angerlarsilertarnitsinnut.
Kalaallit Nunaanni nalinginnaasuuvoq amerlanerpaat
ilinniariartortariaqartarmata ilaquttatik q imallugit, immaqa amerlanerpaat
namminneq iganeq misilissimasanngilaalluunniit, nammineq errorsineq immaqa
annertunerusumik ilisimasaqarfiginngilaat. Inersimasuaqqatut inuuneq
aallartittarpaat immaqa piareersarsimaneqanngikkaluarlutik taamatut
aallartinneqarnissaminnut, immaqalu taama inuusuttuaranngoreertigigaluarlutik
angajoqqaavisa naluarpoq qanoq piareersareersartigisimaneraat inuusuttut
aallartussatut atuariartortussat.
Pingaaruteqarpoq ilinniagaqariartorlutik aallartartut
immaqa angajoqqaavini, ilaqutaanut qaninnerpaasunit
tusarniaaffigineqarsinnaasarnissaat ilumut piukkunnaateqarnersoq
ilinniariartorniarluni qinnuteqartoq inuttut inersimasuaqqatut akisussaaffimmik
tigumminnissinnaanersoq. Piumasaqaatinut atugariligassaminut kollegiani
inuunissaminut allanullu ullaakkut nammineerluni makittarnissaminut
atuarfimmullu ilinniarfigiligassaminut misilittagaqareernersoq
atuakkereriaatsinut ilinniariaatsinut assigiinngitsunut, isummersueriaatsinut
allaat tunngatillugu, misilittagaqarnersoq piukkunnarnersorlu
ilinniarfeqarfimmut qinnuteqarnissaanut apeqquteqarsinnaanissarput
qinnuteqartitsinermi ilanngullugu immaqa misiliutigineqarsinnaasoq, tassami
akisoorujussuuvoq taamaatsiinnartarneq, inuiaqatigiit nammattuaannarsinnaanngilarput
taanna, qanoq iliuuseqarfigisariaqarparput, pitsanngorsartariaqarparput
aperaluta ilumut qinnuteqartoq naleqquppa. Qujanaq.
Per Rosing-Petersen, Inatsisartut Siulittaasoqarfianni
ilaasortaq, Siumut.
Johanne Olsen Kreutzmannimut qujanaq.
Allamik nappaasoqanngimmat aperissavara
siunnersuuteqartoq Jakob Lund oqaaseqaqqikkumanersoq?
Jakob Lund takanna.
Jakob Lund, Ilisimatusarfik, Nuuk.
Uanga nammineq oqallisissiannut
ilassuteqalaarniarpunga; imaakkami Kalaallit
Nunaanni ilinniartitseriaaseq annertoorujussuarmik ilinniarfinnik
illoqarfimmiit allamiittuninngaanniit atuisorujussuummat, soorlu
kollegianiittarnissaq nammineq angerlarsimaffigisamiit kostskolimiittarnissaq
ersissutigineqartarpoq.
Isumaqarpunga Kalaallit Nunaanni
ilinniartitseriaaseq marlunnik issiavinnut issiasoq, taava aappa
annertuallaamik ilinniartitsiviit atuarfiit angerlarsimaffigisaminngaanniit
ungasippallaat atorneqartartut, taavalu tassani immaqa ilinniarnissaq
pisariaqarpoq.
Aamma nalunngilara New Zealandimi
ilinniartitseriaaseq, soorlu ilaqutariinnik tapersersuisartunik ilinniartunut
atatitsisartoq, taava kulturimik allaasumik ilinniarsinnaasammata,
taamaalilluni ilaqutaasut, isaassalerlugu „tapersersorsinnagaamiuk“, taavalu
paarisinnaallugu ilinniartoq, taavalu annertuumik pisariaqarami ilinniartup
nammineq pitsaasumik misigisimanissaa atuarfimmiinnermini, taavalu
isumaqarlunga Kalaallit Nunaanni ilinniartitseriaatsimut tunngatillugu
taamannak paaqqinnissinnaaneq aamma soqutiginnissinnaaneq ilinniartumut
takutinneqartariaqartoq.
Tassa ilinniakkat saniatigut paaqqinnissinnaaneq
pivara, taava ilinniartup inuuneranut ilinniarfimmi tassani allanut ilaagaami,
taavalu imaaliallaannaq aaqqissuussinermi aaqqiissutissaata ilaattut atorneqarsinnalluni,
taamaalilluni ilinniartut maannaannaq taamaatittarnerannut
annikillisaataasinnaalluni.
Per Rosing-Petersen, Inatsisartut Siulittaasoqarfianni
ilaasortaq, Siumut.
Jakob Lundimut qujanaq.
Taamaalilluni immikkoortoq 28 tassunga
naammassillugu oqaluuserineqarpoq.