Oqaluuserisassani immikkoortoq 29-2 |
|
||
Siullermeerneqarnera | Aappassaanneerneqarnera | Pingajussaaneerneqarnera |
Ullut ataatsimiiffiusut pingajuat,
sisamanngorneq 13. februar 2003, nal. 18:29
Ataatsimiinnermik aqutsisoq: Inatsisartut Siulittaasoqarfianni
ilaasortaq Per Rosing-Petersen, Siumut.
Per Rosing-Petersen, Inatsisartut Siulittaasoqarfianni
ilaasortaq, Siumut.
Taava tullianut, immikkoortoq 29, Naalakkersuisut
pisussaatinneqarput Ilimmarfiup, Kalaallit Nunaanni universiteteqarfik
pilersinneqarnissaa sulissutigimeqassasoq.
Tassani isumaliutissiissusiortoqarnikuuvoq,
Ineqarnermut, Nalunaarasuartaatitigut Attaveqarnermut, Attaveqarnermut
Pilersuinermullu aamma Angallannermut Ataatsimiititaliaq, tassanilu
ataatsimiititaliaq sinnerlugu saqqummiissooq Henriette Malakiassen, takanna.
Henriette Malakiassen, Ineqarnermut, Nalunaarasuartaatitigut
Attaveqarnermut, Attaveqarnermut Pilersuinermullu aamma Angallannermut Ataatsimiititaliaq.
Qujanaq, Inuusuuut Inatsisartuisa
ataatsimiititaliaata siunnersuut IIA2003-mi siullermeerneqareermat
misissuataarpaa.
Attaveqarnermut Ineqarnermullu ataatsimiititaliap
siunnersuuteqartoq isumaqatigaa oqarmat
qa ffasinnerusumik ilinniarfimmik aammalu ilinniakkat qaffasinnerusut
ineriartortittuarni ssaannik Nunarput pisariaqartitsisoq. Qaffasinnerusumik
ilinniarfissat ilisimatusarnerillu nunatsinnut attuumassutillit
tunngavissinneqarnissaat pingaartuuvoq.
Ataatsimiititaliattaaq Ilimmarfimmik
pilersitsinissap annertuumik aningaasartuuteqarnermik nassataqartussaanera
ilisimaaraa, tamatumalu allat akigalugit salliutittariaqarnissaa
ilisimaaralugu, soorlu nunatsinni meeqqat atuarfiinik iluarsaartuussinissanit.
Ataatsimiititaliap iluarsartuussinissat
pingaarnerusutut isigigamigit, kissaatigaa meeqqat atuarfiinik
iluarsartuussinissamut pilersaarummik aalajangersimasumik
pilersitsisoqartinnagu, Ilimmarfimmik suliniutaasut ingerlanneqassanngitsut.
Tamanna
tunngavingalugu ataatsimiititaliap isumaqatigiittup siunnersuutip
itigartitsissutigineqarnissaa inassuteqaatigaa.
Taamaalilluni Inuusuttut Inatsisartuisa
Attaveqarnermut Ineqarnermullu Ataatsimiititaliaata siunnersuut
aappassaaniigassanngortippaa.
Per Rosing-Petersen, Inatsisartut Siulittaasoqarfianni
ilaasortaq, Siumut.
Henriette Malakiassenimut qujanaq, Jakob
Lund oqaaseqarumavoq, takanna.
Jakob Lund, Ilisimatusarfik, Nuuk.
Ilimmarfiup isumaqatiginnginneranut ukua
tunngaviginiarneqarput, tassa ima oqaaseqartoqarpoq, Ilimmarfik aammalu meeqqat
atuarfiisa iluarsartuuteqqinnissannut akissaqartoqannginnera, ani
ngaasassaqartoqannginera, kisianni taamatut inissiiniartoqarnera uggornarpoq,
arlaannaalluunnit ataasiinnaq taasariaqaripput, kisiannili isumaqarpunga
nunatsinni ilinniarsimasunik sulisussaaleqinerup nalaani
pisariaqarluinnartuusoq Ilimmarfik aammalu ilinniaqqinnissamut periarfissat
amerlineqarnissaanut taanna anguniarneqarnissaa pisariaqarluinnartoq.
Taassuma saniatigut meeqqat atuarfiini aammalu
ilinniaqqiffissanik periarfissaqarnissaq taamatut inissineqartillugu allaat
toqqusassiisoqarpoq oqarluni, ilinniaqqinniarpit imaluunniit meeqqat atuarfii
pioreersut iluarsartuunnissaanut kissaateqarneruit. Taamaammat
itigartinneqarnissaa kissaatigivara.
Per Rosing-Petersen, Inatsisartut Siulittaasoqarfianni
ilaasortaq, Siumut.
Taasisitsissaagut, tassanilu toqqammiussaaq
isumaliutissiissut itigartitsisoqarnissaa.
Qassit itigartitsisoqarnissaanik isumaqataappat?
14-it.
Qassit akerliuppat?
12.
Qassit taaseqataanngillat?
2.
Taamaasilluni siunnersuut
itigartitsissutigineqarpoq.