Oqaluuserisassani immikkoortoq 32-1 |
|
||
| Siullermeerneqarnera | Aappassaanneerneqarnera | Pingajussaaneerneqarnera | |
Ullut ataatsimiiffiusut pingajuat,
sisamanngorneq 13. februar 2003, nal. 15:30
Ataatsimiinnermik aqutsisoq: Inatsisartut Siulittaasiqarfianni
ilaasortaq Per Rosing-Petersen, Siumut.
Per Rosing-Petersen, Inatsisartut Siulittaasoqarfianni
ilaasortaq, Siumut.
Maannakut tullinnguupoq immikkortoq 32 - Tassani
malugeqqqussavara aalajangiiffigisassatut siunnersuutitut allassimagaluartoq
kisianni oqallisissiatut siunnersuutaavoq imatullu qulequtaqarluni:
Naalakkersuisut pisussaatinneqarput Kalaallit Nunaanni innuttaasut danskisut
oqaluttut aamma kalaallisut oqaluttut naligiilluinnarmik pineqalernissaat
Inatsit Tunngaviusoq aqqutigalugu qulakkeerneqarnissaa sulissutigissallugu.
Tassannga saqqummiisuussaaq Carl-Emil Fencker.
Carl-Emil Fencker, Qeqqani Ilinniarnertuunngorniarfik, Nuuk.
Siunnesuummut tunngavilersuut:
Piviusutut akuerineqartariaqarpoq Nunatsinni
inuiaqatigiit marluinnik oqaaseqartuusut. Innuttaasuni amerlanerussuteqartut kalaallisut
oqaatsit atugarineruaat, ikinnerussuteqagangaatsiartut danskisut oqaluttuupput
kalaallisullu oqalussinnaanatik. Innuttaasut akornanni amerlavallaanngitsut
kalaallisut danskisullu oqaluttuupput.
Inuiaqatigiinnut pitsaanerpaajussagaluartoq ersarilluinnartoq
tassaavoq oqaatsit ataatsit assigiimmik atorneqarsinnaasuugaluarpata.
Tamatumali siunissami qaninnerusumi anguneqarnissaa ajornakusoorpoq.
Taamaattumik nunatta aamma inuiaqatigiit kalaallit ineriartortinnissaat
qulakkeerniarlugit aalajangiisariaqarpugut pissutsit piviusut ullutsinni
atuuttut tunngavigalugit.
Kalaallisut danskisullu oqaluttut
naligiilluinnartumik pineqalernissaannut makku pisariaqarput:
Oqaatsinik taakkunannga oqaasillit tamarmik
namminneq oqaatsitik atorlugit tunngaviusumik atuartitaasarnissaat
neqeroorutigineqartariaqarpoq, oqaatsit taakku tamarmik sumi tamani pisortat
allaffeqarfiini atorneqartarnissaat, soorlu Inatsisartuni, taamatuttaarlu
pisortat oqartussaaffiinit paasissutissiisarneq nutaarsiassaqartitsivinniillu
nutaarsiassat oqaatsit taakku marluk atorlugit saqqummiunneqartarnissaat.
Per Rosing-Petersen, Inatsisartut Siulittaasoqarfianni
ilaasortaq, Siumut.
Naalakkersuisut sinnerlugit akissuteqassaaq
Arnatsiaq Larsen.
Arnatsiaq Larsen, Naalakkersuisunut ilaasortaq, Inuit
Ataqatigiit, Nuuk.
Tassa uani siunnersuummi ammarsimavarput Kalaallit
Nunaanni Tunngaviusumik Inatsit pillugu oqallinnisssaq aamma qallunaanut
atuuttariaqartoq. Siunnersuummi ajornartorsiutit sammineqartut maannakkorpiaq
pineqartut uagutsinnullu kalluaasoq apeqqutaanani qanoq oqaaseqartuunerluta.
Naalakkersuisut akissummik saqqummiussaqanngillat
allakkiamik, ajornartorsiummut tassunga isummesumik aammalu aaqqiissutissamik
siunnesuummi pineqartumi, Naalakkersuisulli taarsiullugu oqallinnermut
soqutiginissapput malinaassapput taavalu aamma immikkut Naalakkersuisuni
ilaasortat ataasiakkaat nammineq oqalliseqataasinnaapput namminnerlu inuttut
isummatik aalajangiussatik saqqummiussinnaallugit.
Siunnersuutit taakkununngalu oqaaseqaatigineqartut
oqallinnerup nalaani Naalakkersuisuni oqallisigineqassapput taavalu
inaarutaasumik dokumentimut ilanngunniarneqassallutik tassani
imaalineqartussaallutik Kalaallit Nunaanni Tunngavisumik Inatsimmi
aalajangersakkat Naalakkersuisut kissaatigigaat kikkut tamarmik
oqallilluassasut.
Per Rosing-Petersen, Inatsisartut Siulittaasoqarfianni
ilaasortaq, Siumut.
Arnatsiaq Larsenimut qujanaq. Taava tullinnguuppoq
Jakob Lund.
Jakob Lund, Ilisimatusarfik, Nuuk.
Isumaqarpunga tassunga saqqummiussamut qulequtaq
eqquumiilaalaartoq, taavalu aamma oqariartaatsit assigiinngitsut
akulerussuunneqarput, tassa inuiaqatigiinni ajornartorsiutit uani
saqqummiunneqartut qanoq ilillutik aaqqinnissaat saqqummiussami
takujuminaatsippara. Tassa imaannginnerpa ajornartorsiutit maani arlallit
kalaaleqarpoq kalaallisut oqalussinnaanngitsut, taava tassani ajornartorsiut
aaqqinniarparput kalaallisut taakku ilinniartillugit. Taava taamaattoqassappat
takujuminaatsilaarpara qanoq ililluni taanna anguniagaq anguneqarsinnaass
anersoq.
Kalaallisut qallunaatullu oqaluttut
naligiilluinnarmik naligiisikkutsigit taamaalilluni anguniarneqarunnaasagami
kalaallisut oqalunneq Kalaallit Nunaanni tunngaviussasoq, taamaammat pingaar
tuuvoq aalajangiussimassallugu Kalaallit Nunaat kalaallisullu oqaaseqarneq
pingaarnerpaajutinnissaa. Soorunami kalaallisut oqalussinnaanngitsunut
tamakkununnga neqeroorteqassaaq arlaatigut kalaallisut oqalunniarnissamik,
kisianni tassanngaanniillu kalaallisut qallunatullu naligiisinnissaat suli
ungasittorujuuvoq, taavalu immaqa ajornartorsiutigineqartut uani
saqqummiunneqartut immaqa atuartitsinermut tunnganerupput.
Soorlu immaqa siunnersuuteqartut uani
anguniarneqartoq piginnaaneqarluartunik marluinnik oqaasilinnik Kalaallit
Nunaanni – tassa kalaallisuinnaq oqaasilinnit kalaallisuinnaq oqaasit atorlugit
– qallunaatuinnaq oqaasilinnik qallunaatut. Uani oqaatsinik ilinniartitsineq
immaqa ullumikkornit pitsaanerusariaqarpoq, kisianni aammaarlunga
erseqqissaatigisariaqarpara Kalaallit Nunaanni kalallisut oqaatsit
pingaarnerpaassasut, taavalu aamma kalaallisut qallunaatullu maani Kalaallit
Nunaanni oqaluttoqartariaqanngikkaluartoq.
Per Rosing-Petersen, Inatsisartut Siulittaasoqarfianni
ilaasortaq, Siumut.
Jakob Lundimut qujavugut. Ânâ-Grethe Mathiassen, takanna.
Ânâ-Grethe Mathiassen, Perorsaanermik Ilinniarfik,
Ilulissat.
Isumaqarpunga uanga ullutsinni
pingaartinnerusariaqaripput kalaallisut oqaaseqarnerput. Soorunami qallunat
ajattornianngikkaluarparput aamma ullutsinni qallunaatut oqalunneq
atortorujussuuarput. Ajattorneqanngillat aamma qallunaatut ilinniarneq
atuarfinni pitsangorsarneqartariaqarpoq nunanut allanut atuariartortarneq
tunngavigalugu. Ippassaaninnguakkuni Qanoruukkut tusarparput efterkoleriartrtut
qallunaatut pgiinnaanikippallaarmatagooq Danmarkiliartariaqanngitsulluunniit.
Soorlu aamma tamakkua aamma pitsanngorsaneqartariaqarput.
Ilinniartitaaneq
pitsanngorsarneqartariaqarami qallunaaut ilinniartisineq atuarfinni kiissalu
tuluttut oqaatsillu allat pitsaasumik ilinniartitsissutigineqartariaqalernissaat
taanna anguniarneqartussaavoq.
Kisiannili aamma
pingaaruteqartorujusuupput kalaallisut oqaatsitta pigiuarnissaat. Aamma tamanna
anguniarneqarpoq. Qallunaat nunaanninngaanniit qallunaat tikittut maannga pikkorissartinneqartarput
kalaallisut unnukkut atuarnerni, tamanna naammattuukulasorujussuuara tikisitat
qallunaatut ilinniartarput soorlu ilinniartitsisusut inulerisullu allat.
Taamaammat massakkut ingerlarsornerput pitsangoriartuaarpoq kisiannili atuartisinerup
tungaatigut pitsaanerusumik ingerlasariaqarluni taavalu tikittut kalaallisut
ilinniarnissaannik kaammattorneqartariaqarlutik.
Per Rosing-Petersen, Inatsisartut Siulittaasoqarfianni
ilaasortaq, Siumut.
Ânâ-Grethe Mathiassenimut qujanaq.
Tullinnguuppoq Poul Olsen, takanna.
Poul Olsen, Naalakkersuisunut ilaasortaq, Siumup
Inusuttai, Sisimiut.
Isumaqarpunga ersarissumik
tunngavilimmillu oqaatsit pillugit politikkimik sanasoqartariaqartoq.
Eqqarsaatigisariaqarparput aamma minitaaqajaajuaannartut oqaatsit pillugit
oqallittoqaleraangat, tassami immaqa immitsinnut isigeqqajaalertarpugut
oqaatsit pillugit oqallittoqaleraangat.
Assersuutigalugu Qanorooq
qallunaatut allagartalersorunnaarniarlugu siunnesuuteqartoqarmat nilliasoqarpoq
oqaatigilluaannarlugu qallunaanik nilliasoqarpoq tamanna kusananngilluinnarpoq.
Akerlianilli taakkua nilliasut
eqqarsaatigisimanerpaat kalaallit qallunaatut oqalussinnaanngitsut unnuk
naallugu aallakaatitassiat qallunaatut oqaasertalersorneqartut imaluunniit
allagartalersoerneqartut kalaallinit paasineqarsinnaanngitsut
paaserusunneqaraluartulli. Assersuutigalugu: “Nakorsap susassaqarfii”,
kalaallit qallunaatut oqalussinnaanngitsut amerlasoorpassuit
soqutigigalluarpaat paasisinnaanaguli.
Immitsinnut qiviartariaqarpugut
oqallisileraangatta immitsinnuinnaq eqqarsaatigivallaarnata. Qujanaq.
Per Rosing-Petersen, Inatsisartut Siulittaasoqarfianni
ilaasortaq, Siumut.
Poul Olsenimut qujanaq.
Tullinnguuppoq Arnatsisaq Larsen.
Arnatsiaq Larsen, Naalakkersuisunut ilaasortaq, Inuit
Ataqatigiit, Nuuk.
Uanga isumaqarpunga nammineq isumaga
malillugu namminersulivinniarutta kalaallisut oqaatsigut salliutittariaqarigut.
Kisiannili aamma maannakkut imatut inissisimagatta ilinniassagutta
qaffasissumik qallunaatut oqaluttariaqarpugut.
Taava maannakkut malunnarami
meeqqat, inuusuttut inuusuttuaqqat, tassa imaappoq kinguaariit nikeriarfianni
qallunaatut oqaluttupilussuit. Isumaqarpunga kalaallisut oqaatsit aamma
salliutinneqartariaqartut.
Per Rosing-Petersen, Inatsisartut Siulittaasoqarfianni
ilaasortaq, Siumut.
Arnatsiaq Larsenimu qujanaq.
Tullinnguuppoq Stephan Montgomery-Andersen.
Stephan Montgomery-Andersen, Qeqqani Ilinniarnertuunngorniarfik,
Nuuk.
Uanga isumaqarpung Poul Olsenip
oqaatigisaatuut pingaartorujussuusoq uagutsinnut eqqarsaatigisassasugut,
taavalu ilassuteqalaarusuppunga soorlu ikinnerussuteqartut isigineqassappata
aamma amerlanerussuteqassagamik taava aamma kalaaleqarami qallunaatuulli
oqaatsitigut pikkorinngitsut, taavalu aamma arlaani
ilinniagaqarsinnaanngitstut. Isumaqarpunga naligiissitaaneq
pitsanngortineqarsinnaasoq soorlu kalaallisut qallunaatullu – qallunaatut
aallakaatitat kalaallisut allagartalersortariaqartut taavalu aamma kalaallisut
aallakaatitat qallunaatut allagartalersortariaqartut, taamaalilluta
naligiissitaaneq ikorserneqassagami.
Taava Jakob Lundi oqarpoq, immaqa
siunnersuutigut tunngavilersorluarpalaarsimanngik-kigut imaluunniit
saqqummiussimavagut imannak soorlu oqallinnissamik aallartitsiniarluta taavalu
inuit isummatik saqqummiullugit uani oqarnatik siunnersuut
allanngortikkusunnerullugu, taava uani soorlu kamassaarilaarnerusumik
siunnersuuteqaru-sunneruvunga oqallinnermik aallartitserusulluta.
Per Rosing-Petersen, Inatsisartut Siulittaasoqarfianni
ilaasortaq, Siumut.
Tullinnguuppoq Marie Fleischer.
Marie Fleischer, Naalakkesuisunut ilaasortaq,
Demokraatit, Nuuk.
Isuamqarpunga soorunamiissasoq
oqaatsit pingaarnerpaat Kalaallit Nunaani tassa kalaallisuujussasut, tassa uani
mianerisariaqarparput soorlu nuannaartorisaqartarpugut ajunngilaq
kalaallisuinnaq oqalukkuit, taava suut tamaasa naammassisinnaavatit, taavalu
oqaaseq kalaallisut atornaversaaginnarlugu, kisianni isuma immaqa taanna
kukkusuuvoq taamannak soorlu – qallunaatullu tuluttullu imaattoraanni soorlu
nuannaartorisaqartarpugut – ajunngilaq – taavalu Kalaallit Nunaanni kalaallisut
oqalunniarnissaq siumoorpoq tassa immaqa meeqqat atuarfia tassani
qallunaatoornermi agguaqatigiissillugu 6 karaktererivaat taaavalu ilinniartut
qallunaatut tuluttullu ilinniagaqaqqissagunik ilinniartitsisussanik amigaateqarpugut.
Per Rosing-Petersen, Inatsisartut Siulittaasoqarfianni
ilaasortaq, Siumut.
Marie Fleischerimut qujanaq. Allanik
oqaaseqartoqarniarnerluni – Aggu Løvstrøm.
Aggu Løvstrøm, Isumaginninnermi
Siunnersortinngorniat Ilinniarfiat, Nuuk.
Qujanaq. Taanna inatsit
piumanikuusara „Lov om Grønlands Hjemmestyre“
§ 9 ilaasorsinnaavara, issuaneq aallartippoq: „Kalaallit oqaasii
pingaarnersaallutik oqaasiussapput, danskit oqaasii peqqissaartumik
ilinniartitsissutigineqassapput,“ issuaaneq naavoq. Taamatut allassimasoq
takugaanni eqqarsaammernartorujussuuvoq kalaallimmi oqaasii? Uanga isumaga
malillugu oqaatsigut aatsaat ilikkarluaqqaarutsigit nammineq „modersprog“
taamatut – kingornussagut oqaatsit nammineq ilikkaqqaarlugit taava aatsaat
oqaatsit allat iliniarsinnaaneri paasilluarsinnaanerilu
sakkugilluarsinnaavagut, oqaatsinut ilinniarnissatsinnut allanit.
Inatsisiliornermi isumaga malillugu
pingaaruteqarpoq aamma tamakku eqqartussagaanni soorlu oqaasertalersornissaat
inatsisi pingaaruteqarpoq. Taava aperinikuuvunga Rigsombudmandi qallunaaq
sooruna taama allassimasoq, akissutisivunga imatut pikkunaatsuukujullunga:
tassami inatsimmi allassimasoqartariaqarmat oqaatsit pillugit. Taava tassa
imaappoq inatsisiliortariaqarpugut uagut oqaatsigut pillugit sukumiisumik paasiuminartumillu.
Qujanaq.
Per Rosing-Petersen, Inatsisartut Siulittaasoqarfianni
ilaasortaq, Siumut.
Aggu Løvstrømmimut qujanaq.
Ilisimatitsuutigilaaginnassavara ukua inatsisit Namminersornerullutik
Oqartussat inatsisaat Inatsisartuni aalajangiiffigienqarsinnaanngima
folketingip inatsiseri mmagit taannalu aamma qinesiviup kingullermi
Inatsisartuni oqaluuserineqariaraluarmat itigartitsissutigineqarnikuuvoq
folketingip inatsigigimmagu, Folketingip taamaallaat
aalajangiiffigisinnaammagu.
Tullinnguuppoq Karen Steenholdt, takanna,
Karen Steenholdt, Ilinniarfissuaq, Nuuk.
Oqaatsigut kialluunniit oqaasii eqqartorneqartillugit kalalalit uagut oqaatsigut eqqaaneqaraangata qamuuna annerujussuartarpugut, eqqarsarluta qallunaasartorsuit qatsuppakka. Kisianni oqaatsit pinngortarput ”modersmål” imaappoq kalaaliuguma, tuluuguma afrikamiuugumaluunniit anaanaallunga meeqqama saninniittup milutsitama oqaatsikka ilikkaqqaassavi, tassa taama isumaqarpoq.
Kalaallit uagut oqaatsigut tassaapput kalaallit oqaasii, kalaallimik anaanaqarama. Kisianni ugguuna annernartarpoq kalaallit oqaatsigut atuleraangatsigit akoorparlaarlugit, tassa taana qamunga isertitassaput. Sorliinuku oqaatsit atorniarikka? Qallunaatut oqalunniarpunga, aap qallunaatuinnaq. Kalaallisut oqalunniarpunga, aap kalaallisut oqalullanga akoorpallaarnaveersaarlugit.
Eqqarsaatigisalerniartigu akoorivallaarnanga oqaluttalerniarlunga, kisianni kialliinniit pinngitsoorsinnaanngilai oqaatsit allat qallunaatut, tuluttut, franskisut sutut oqaatsit kialluunniit kialluunniit ullutsinni pinngitsoorsinnaanngilai.
Uaniliuna kisimi apeqqutaaginnartartoq akimmiffiulluni kalaallisut oqaatsigut atuleraangatsigit akoorivallaarnerujussuaq atoruulertaratsigu.
Per Rosing-Petersen, Inatsisartut Siulittaasoqarfianni ilaasortaq, Siumut.
Karen Steenholdtimut qujanaq. Tullinnguuppoq Naja Stefani.
Naja Steffani, Naalakkersuisunut ilaasortaq, Atassutip Inuusuttai, Sisimiut.
Saqqummiussisut eqqarsaatigalugit uanga oqaaseqarfigilaarusuppara kalaallisut oqaatsigut pingaanerpaajuartinnissaat nunatsinni taavalu ilinniartitsernermut tunngatillugu qallunaat oqaasii ilaatinneqareerput “Atuarfitsialammut” taavalu tuluttut oqaatsit iliniarlernissaat aamma ilaareerluni, kisiannili pisortsqarfinni assigiinngitsuni soorlu allagarsigutta arlaanut tunngasuusinnaavoq immaqa INI A/S-iminngaanniit ajoraluartumik qallunaatuua siulliullugu allassianeqartarpoq aatsaallu kalaallisuua kingulliulluni. Tassa kalaallit oqaatsit salliutinneqarneranut akerliusoq. Isumaqarpunga uanga taamatut allagarsisarnissami kalaallisut oqaatsigut salliutineqarlutik kalaallisut allassimasut siulliusariaqartut.
Per Rosing-Petersen, Inatsisartut Siulittaasoqarfianni ilaasortaq, Siumut.
Naja Stefanimut
qujanaq. Tullinnguuppoq
Ânâ-Grethe Mathiassen, takanna.
Ânâ-Grethe Mathiassen, Persorsaanermik Ilinniarfik,
Ilulissat.
Per Rosing-Petersennip eqqaavaa
upernaaq itigarsimallutik ataatsimiinniaraluaramik oqaatsit pillugit inatsisit,
taakkuuku pigitit ilaa? Itigarsimagaanni periarfissaqarpoq aallartitaqarpugut
folke tingimi ilaasortat marluk. Itigarsimagaanni oqaatsinik
inatsisiliorniarnermiingerlateqqinneqarsinnaapput taakkununnga, taakkuninngalu
anguniarsaralugu uagut nammineq oqaatsinut inatsisileqalernissarput.
Per Rosing-Petersen, Inatsisartut Siulittaasoqarfianni
ilaasortaq, Siumut.
Ânâ-Grethe Mathiassenimut qujanaq.
Tullinnguuppoq Philipus Maqe, takanna. Ânâ-Grethe Mathiassenip oqaasiinut
ilanngullugu ilassutigilaaginnarsinnaavara ilumoorpoq Folketingimut
ilaasortaatitaqarpugut marluk, taakkualu soqutigigunikku taanna suliassaq
ingerlateqqissiinna agaat, taanna ilumoorpoq.
Philipus Maqe, Knud Rasmussenip Højskolia,
Sisimiut.
Maani kalaalerpassuaqarpoq
qallunaatut oqalussinnaanngitsunik, taavalu
suliffeqarluni qallunaatuinnaq oqaluffiusunik. Kalaallit taakku
qallunaartut oqalussinnaanngitsut paasiniaagaangamik oqarfigitittarput –
aappaata paasisinnaanagu suliffimmi sumiluunniit qallunaanik naalagaqartut.
Isumaqarpunga uanga kalaallit oqaasii aamma siulliuutittariaqartut.
Per Rosing-Petersen, Inatsisartut Siulittaasoqarfianni
ilaasortaq, Siumut.
Philipus Maqemut qujanaq. Allamik
oqaaseqartoqarniarnerluni - Poul Olsen, takanna.
Poul Olsen, Naalakkersuisunut ilaasortaq, Siumup
Inuusuttai, Siumut.
Oqaatsit pilugit
oqaluuserisaqarnitsinni 70-ikkunni massakkut inersimsaunngoriartortut
ajornartorsiutaat taanna eqqumaffiginialaasavarput. Taamani
kalaalinngorsaanersuaq qulequtararlugu eqqussiniartoqalilalrmat, aamma
massakkut taanna qulequtaralugu ingerlatsisoqareermat.
Taamani meeraasut inuusuttuusut ima
eqqarsarsimapput, aap, qujanarmi immaqa imaallaat danskisut
ilinniaqqisanngilanga, kalaallisuinnarooq ingerlalerpugut. Massakkut
ajornartorsiutaa sunniuppoq, inuusuttorpassuit inersimasunngoriartulersut
amerlasuut qallunaatut oqalussinnaanngillat imaluunniit annikitsuinnarmik
oqalussinnaapput.
Qulequtaq massakkut eqqunneqaqqittoq
eqqarsaatigalugu taanna mianesosrfigisariaqarparput, tassami pinngitsoorata
sukkulluunniit danskisut tuluttullu imaluunniit oqaatsit allat
atorfissaqartittuartussaagatsigit.
Per Rosing-Petersen, Inatsisartut Siulittaasoqarfianni
ilaasortaq.
Poul Olsenimut qujanaaq. Juliane
Henningsen tullinnguuppoq.
Juliane Henningsen, Avannaani
Ilinniarnertuunngorniarfik, Aasiaat.
Isumaqarpunga soorunalimi kalaallisut
aamma ingerlattuaannartariaqaripput nammineq oqaaserigatsigit. Kisianni
eqqarsaatigissagaanni ilinniarnertuunngorniarluni atuaraanni soorlu klassip
iluani takuneqarsinnaavoq qallunaatut pisinnaanerusallit
ingerlalluarnerusartut, imaassinnaagaluartoq uffa kalaallisut oqlauttuiit
taakku pikkorikkaluarlutik imannak annissinnaaneq ajorpaat qanoq
isumaqarnerlutik, taammaattumik pisinnaanngittutupajuk isigineqalertarnerat
taanna qaangerniarlugu soorlu qallunaatut ilininarnerup suli annertunerusumik pingaartinneqartuugaluaruni
assorsuaq kalaallit angusarisartagaaat assorujuk qaffassangaluarput, taavalu
immaqa sorlu eqqarsartariaaserput kalaallit piginnaasaat annikitsut immaqa
allanngorsinnaassalluni.
Soorlu kalaallit qallunaatut
piginnaasaat ingerlaqatigiissikkaanni kalaallisut qallunaatullu iliniarneq
taava tamaasa ineriartuaartillugit aallaqqaataaniik angusarput
pitsaanerussagaluarpoq.
Per Rosing-Petersen, Inatsisartut Siulittaasoqarfianni
ilaasortaq, Siumut.
Juliane Henningsenimut qujanaq.
Allamik oqaaseqartoqarumasoqarnerluni – Birgitte Fly, takanna.
Birgitte Fly, Sanaartornermik Ilinniarfik,
Sisimiut.
Oqaatsit oqalliisigitillugit
puigoqqunanngikkaluarpoq kalaallit kulturerput, taassumami kalaallisut
oqaatsigut ilusilersornerikuummagit. Kalaallit oqaasii aamma immikkut
tulluarsagaapput, taakku lu aamma ataqqisariaqaraluarpagut.
Per Rosing-Petersen, Inatsisartut Siulittaasoqarfianni
ilaasortaq, Siumut.
Birgitte Flymut qujanaq, Carl-Emil
Fencker, takanna.
Carl-Emil Fencker, Qeqqani Ilinniarnertuunngorniarfik,
Nuuk.
Naligiilluinnaqqissaamik
inissisimanissamik eqqarsaatigineqarpoq taakkua assigiinngitsunik oqaasillit
tamarmik assigiimmik periarfissinneqarnissaat. assersuutiginnarlugu
Ilinniarnertuunngorniarfimmi A, B aamma C-mi
gruppinut assigiinngitsunut inissisosrneqarsinnaapput kalaallisut
ilinniartitsissutit, taamaalillutillu oqaatsit marluk taakku
naligiinnerulernissaat angunairneqartariaqarpoq, soorlu assersuutigalugu
kalaallisut ilinniarfissat nalunassusaat pingasuuppata assigiinngitsut aamma qallunaatut
ilinniarfissat nalunassusaat pingasut assigiinngitsuusariaqarput, taamaalilluni
naligiimmik periarfissaqarnissaruna taanna pigipput tassuunaatigut.
Per Rosing-Petersen, Inatsisartut Siulittaasoqarfianni
ilaasortaq, Siumut.
Allamik oqaaseqatoqarumasoqarnerluni.
Arnatsiaq Larsen.
Arnatsiaq Larsen, Naalakkersuisunut ilaasortaq, Inuit
Ataqatigiit, Nuuk.
Apeqqutiginiarluguuna
imaaliortoqarsinnaannginnersoq soorlu Ilinniarnertuunngorniarfimmi
immaqaluunniit ilinniarfinni allani
ilinniartitsisut kalaallinik taarsersorneqarnissaat immaqaluunniit maannamiit
piareersalersinnannginerluta?
Per Rosing-Petersen, Inatsisartut Siulittaasoqarfianni
ilaasortaq, Siumut.
Arnatsisaq Larsenimut qujanaq,
tullinnguuppoq Henriette Malakiassen.
Henriette Malakiassen, Isumaginninnermi
Siunnersortinngorniat Ilinniarfiat, Nuuk.
Qujanaq. Eqqaaneqarmanuna
kalaallisut oqlaunnerusut imaluunniit qallunaatut pikkorlunnerit
malinnaaniarnerminni ajornakusoortarnerat. Makkumi atuakkat atorneqartartut,
atuakkalluunniit qiviaannaraanni tamamik qallunaatuujupput, sualuppoq
qaffasinnerusumik ilinniarluni. Aamma pisariaqalinnginerpoq atuakkat atugassiat
kalaallisuunngortinneqarsin-naaneri?
Per Rosing-Petersen, Inatsisartut Siulittaasoqarfianni
ilaasortaq, Siumut.
Henriette Malakiassenimut qujanaq,
tullinnguuppoq Jens Nielsen. Takanna.
Jens Nielsen, Sanaartornermik Ilinniarfik,
Sisimiut.
Arnatsiamuna oqaaserisaanut
erseqqissaatigerusukkiga eqqarsaatigineqartariaqartoq taamanna
Ilinniarnertuunngorniarluni iliniarfinni kalaaliinnarnik ilinniartitsisunik
taarsersuiniaraanni ajornartorsitinik malitseqarsinnaassasoq nununat allanut
ilinniariaqqinnermi. Taanna eqqumaffigineqartariaqarpoq.
Taavalu saniatigut Poul Olsenip
saqqummiussaa taamatut nutaarsiassatigut saqqummiussorneqartuni taakkua
qallunaatut Qanoruup oqaasetalersorneranut oqaaseqaataasut nutaarsiassat allat
aal lakaatinneqartartut unnuup ingerlanerani kalaallisut
allagartalersorneqannginneri, taakku oqaaseqaatigissallugit
tulluusorinanngitsutut isigiginga imannak ajornartorsiummik
marloriaatinngortitsinerinnaagami taanna aaqqiinerunnginnami Qanoruup
qallunaatut allaggartalersorunnaarnerani.
Per Rosing-Petersen, Inatsisartut Siulittaasoqarfianni
ilaasortaq, Siumut.
Jens Nielsenimut qujanaq,
tullinnguuppoq Stephan Montgomery Andersesn.
Stephan Montgomery Andersen, Qeqqani Ilinniarnertuunngorniarfik,
Nuuk.
Siullermik oqaatigerusuppara
Stephanimik ateqarpunga, taava oqaatigerusuppara uanga Jensitut isumaqarpunga
ajornakusuussasoq kalaallisut ilinniartitsisunik ilinniarnissaa, kisianni
kalaallit ilinniartariaqarput kalaallisut oqalussinnaasunik
iliniartoqartariaqarpoq taava taanna aaqqikkutsigu ilinniartitsisunik
peqalissaagut.
Per Rosing-Petersen, Inatsisartut Siulittaasoqarfianni
ilaasortaq, Siumut.
Stephan Montgomery Andersenimut
qujanaq. Tullinnguuppoq Naja Stefani, takanna. Aappassaaniilerami
naatsunnguamik.
Naja Stefani, Naalakkersuisunut ilaasortaq,
Atassutip Inuusuttai, Sisimiut.
Kalaallit oqaasii pingaarnertut
taamatut Kalallit Nunatsinni inatsisinut ilaatinneqarnerani, taanna
ataqqisariaqarparput. Taavalu kisianni Poulip oqarneratut qallunaat oqaasii
aamma puigorneqassannginnamik, soorlu iliniaqqiffinni qallunaat oqaasii
pingaartinneqartorujussuupput, pisinnaasariaqarput, qallunaatut
oqalussinnasariaqarpugut. Taamaammat meeqqat atuarfiat
“Atuarfitsialanngorneani” qallunaatut ilinniartitaalerneq uanga
nuannaarutigisorujussuuvara, aallaqqaataaniilli
ilinniartitsissutigineqalissammat.
Taamaalilluni immaqa qallunaatut
piginnaasallit ullumikkut ajornartorsiutaaneri ukiut qulit qaangiuppata immaqa
annikilleriarsimassaaq, taamaammat taanna eqqaamalasssavarsi” taanna
Atuarfitsialaap” ingerlanneqarnera augustiminngaanniit aallartittussaq,
iluaqutaasinnaasaaq, meeqqat atuarfianni qallunaatut ilinniartitaasalerneq siuartinneqarpat.
Per Rosing-Petersen, Inatsisartut Siulittaasoqarfianni
ilaasortaq, Siumut.
Naja Stefanimut qujanaq.
Tullinnguuppoq Aggu Løvstrøm aappassaanik, takanna.
Aggu Løvstrøm, Isumaginninnermi
Siunnersortinngorniat Ilinniarfiat, Nuuk.
Nunatsinni soorlu oqaatsigut
pillugit nunani allanisut inatsiseqassagalurata imatut taasagaat
“integrationslov” oqaatsit pillugit. Soorlu Qallunaat Nunaanni nalunngilarput
taamaattoqartoq. Qimaasorpassuit tikikkaangata qallunaatut
ilinniartinneqartarput inatsiseqarnertik aallaavig alug, kisianni uagut
nunatsinni tamakkuninnga soqannginnerput assut eqqarsaatiginarpoq.
Uagut nunatsinni nammineerluta
taakunatullu aaqqissuussaqarsimasuugutta ajornannginerusumik immaqa
imaattorsinnaagaluarpugut, unalu uunga ataillugu soorlu kalaallit
qallunaatuinaq oqaasillit aamma immaqa taama ittumik inatsiseqartuugutta,
tsoorlu akulisussinnaanermut inatsiti atorlugu aamma taakkua
periarfissinneqarsimassagaluarput kalaallinut akuliussinnaalertillugit oqaatsit
atorlugit.
Per Rosing-Petersen, Inatsisartut Siulittaasoqarfianni
ilaasortaq, Siumut.
Aggu Løvstrømimut qujanaq,
Tullinnguuppoq Poul Olsen, pingajussaaniilerami naatsunnguamik.
Poul Olsen, Naalakkersuisunut ilaasortaq, Siumup
Inuusuttai, Sisimiut.
Qujanaq. Natsunnguussaaq.
Aatsaanguaruna qamuuna ilukkut nuannaajummingarama una eqqarsaatigaara Stephan
uunga qaqilluni kalaallisut oqlaulermat, piumassuseqarluni ila ajornanngik.
Paasissaapput oqaasii tamarmik. Nuanneq. Kikkut tamarmik piumassuseqarunik
kalaallisut ilikkarsinnaapput.
Unaanna aamma Jens Nielsenip tikitaa
paatsooqqunagu imaanngimmat akerlerisaqartunga, unaana
erseqqissaatiginiaannarlugu tamatta immitsinnut ataqqeqatigiittariaqartugut,
immitsinnuinnaq eqqarsaatiginata aamma ikkua eqqarsaatigisariaqarpagut, taanna
erseqqissarniaannarlugu. Qujanaq.
Per Rosing-Petersen, Inatsisartut Siulittaaspoqarfianni
ilaasortaq, Siumut.
Poul Olsenimut qujanaq,
tullinnguuppoq Arnatsiaq Larsen, aamma pingajussaaniilerami naatsukullammik,
takanna.
Arnatsisaq Larsen, Naalakkersuisuni ilaasortaq, Inuit
Ataqatigiit, Nuuk.
Una erseqqisaassutigilaassavara Jens Nielsenimut.
Qanormiuna qallunaat qallunaatuinaq ilinniartitsisut, sooq? Taavalu unaana
pigiganga imaanngitsoq aqagu ilinniartitsisut kalaallinik tamarmik
taarserneqassasut, ukiut arlallit qaangiuppata taamaaliortoqarsinnaavoq.
Kisianni malunnarpoq kalaallit oqaasii suli pingaarnertut tullertut
isigineqartut, suli qallunaat oqaasii illersorneqarput uanga tunginniit
isigalugu.
Per Rosing-Petersen, Inatsisartut Siulittaasoqarfianni
ilaasortaq, Siumut.
Arnatsiaq
Larsenimut qujanaq. Allanik oqaaseqartoqaruamsoqanngilaq. Malunnarpoq
imikkoortoq 32 oqaatsinut tunngasoq annertuumik soqutigineqartoq. Taava
immikkoortoq 32 tassunga killippoq.