Oqaluuserisassani immikkoortoq 38-1 |
|
||
| Siullermeerneqarnera | Aappassaanneerneqarnera | Pingajussaaneerneqarnera | |
Ullut ataasimiiffiusut sisamaat
tallimanngorneq 14. februar 2003, nal. 10:11
Ataatsimiinnermik aqutsisoq: Jonathan Motzfeldt, Inatsisartut
Siulittaasuat, Siumut.
Marie Fleischer, Naalakkersuisunut ilaasortaq, Demokraatit, Nuuk.
Naalakkersuisut misilissimavaat immikkoortut
isumallu Inuusuttut Inatsisartuisa saqqummiussimasaat katersorniarlugit. Tassa neriuppunga
ataatsimoortumik tunngaviit periutsinut Kalaallit Nunaanni Tunngaviusumik
Inatsisissamut atortussat, kisianni oqaatigissvara oqaatsit atorneqartut
oqaasiliorneqartullu nalinginnaasumik inatsisiliornermi atorneqartartussaapput,
tassa imaappoq, sapinngisamik pisariinnerpaamik periusissat taavalu aamma
siunissami inatsiliortarnissamut programmit naatsorsorniarsimavagut, tassa
siulleq:
Nunatta inatsisaasigut eqqissineq,
kiiffaanngissuseqarneq kikkullu tamarmik oqartussaaqataanerat qulakkeerneqassapput,
innuttallu tunngavissaqanngitsumik assigiinngisitsinermik pineqarnissaannut
sernissorneqassallutik.
Tassani uani pineqarpoq atoqatigiinnermik,
suiaassutsikkut upperisakkullu assigiingissueq pillugit
immikkoortiterisoqassanngitsoq imaluunniit assigiinngisitsisoqassanngitsoq.
Qujanaq.
Jonathan Motzfeldt, Inatsisartut Siulittaasuat, Siumut.
Tassa saqqummiussani imikkortoq siulleq, Nunatta
inatsisaasigut eqqissineq, kiiffaanngissuseqarneq kikkullu tamarmik
oqartussaaqataanerat qulakkeerneqassapput, innuttallu tunngavissaqanngitsumik
assigiinngisitsinermik pineqarnissaannut sernissorneqassallutik.
Taanna saqqummiussaq immikkoortoq siulleq
oqaasissaqarfigineqarnerpoq. Taamaanngippat taasissutigissavarput.
Taava taasannut tassunga saqqummiussamut
isumaqataasut qinnuigissavakka nikueqqullugit.
27-t (tamarmik).
Tamatumunnga akerliusoqarpa?
Naamik.
Taasinngitsoortoqarpa?
Naamik.
Taamaalilluni immikkoortoq 1 akuerineqarpoq.