Oqaluuserisassani immikkoortoq 38-9 |
|
||
Siullermeerneqarnera | Aappassaanneerneqarnera | Pingajussaaneerneqarnera |
Ullut ataatsimiifiusut sisamaat,
tallimangnorneq 14. februar 2003, nal. 10:24
Ataatsimiinnermik aqutsisoq: Jonathan Motzfeldt, Inatsisartut
Siulittaasuat, Siumut
Jonathan Motzfeldt, Inatsisartut Siulittaasuat, Siumut.
Taava tikipparput immikkoortoq 9, tassanilu
saqqummiissaaq Marie Fleischer.
Marie Fleischer, Naalakkersuisunut ilaasortaq, Demokraatit, Nuuk.
Ilinniagaqartut akeqanngitsumik atuarnissamut
inissamik pissarsisinnaanissamut inuuniarnikkullu isumagineqarnissamut
akiliuteqarfiunngitsumik piginnaatitaapput. Inuuniarnikkut isumagineqarnerup
ilaa ilinniagaqarneq naammassineqanngippat piffissamulluunniit erseqqissumut
killikkap iluani inuiaqatigiit kalaallit soqutigisaannut atorneqanngippat
taasigassarsiassatut akilersorneqartussatut tunniunneqarsinnaapput. Tassa
taanna immikkoortoq 6, 7, 8-mi aalajangersakkani tunngaveqarluni immikkoortoq 9
saqqummiunneqarnikuuvoq.
Jonathan Motzfeldt, Inatsisartut Siulittaasuat, Siumut.
Immikkoortoq 9 oqaaseqarfiginiarneqarpa.
Taamaanngilaq, taaava maannakkut taasissutigissavarput ilinniagaqartut
akeqanngitsumik atuarnissamut inissamik pissarsisinnaanissamut inuuniarnikkullu
isumagineqarnissamut akiliuteqarfiunngitsumik piginnaatitaapput. Inuuniarnikkut
isumagineqarnerup ilaa ilinniagaqarneq naammassineqanngippat
piffissamulluunniit erseqqissumut killikkap iluani inuiaqatigiit kalaallit
soqutigisaannut atorneqanngippat taasigassarsiassatut akilersorneqartussatut
tunniunneqarsinnaapput.
Tamatuminnga isumaqataasut qinnuigissavakka
nikueqqullugit.
22.
Akerliusoqarpa?
1.
Taasinngitsoortoqarpa?
5.
Taamaalilluni amerlanerusunik akuerineqarpoq
immikkoortoq 9.