Oqaluuserisassani immikkoortoq 10-3 |
|
||
Siullermeerneqarnera | Aappassaanneerneqarnera | Pingajussaaneerneqarnera |
Ataatsimiinnermi aqutsisoq: Johan Lund Olsen, Inatsisartut
Siulittaasuat:
Johan Lund Olsen, Inatsisartut Siulittaasuat:
Taavalu immikkoortoq 10 maannakkut
tullinnguuppoq, tassalu inuussutissarsiutinut ilinniartitaanerit
inuussutissarsiutinullu pikkorissartitsisarnerit pillugit Inatsisartut
peqqussutissaattut siunnersuut, aamma pingajussaaniigassarput, tassani
saqqummiussissaaq Kultureqarnermut, Atuartitaanermut Ilisimatusarnermullu
Naalakkersuisoq, takanna.
Lise Lennert, Kultureqarnermut, Atuartitaanermut
Ilisimartusarnermullu Naalakkersuisoq:
Siunnersuutip
aappassaaneerneqarnerani Inatsisartut tamarmiullutik akuersissutigaat,
siunnersuut Naalakkersuisut allannguutissatut siunnersuutaannik allanngortillugu
pingajussaaneerneqarnissaanut ingerlateqqinneqassasoq. Taamaattumik matumuuna
siunnersuutip inaarutaasumik akuersissutigineqarnissaa Naalakkersuisut
inassutigaat. Qujanaq.
Mogens Kleist, Kattusseqatigiit oqaaseqartuat:
Kattusseqatigiinniit peqqussutissap
pingajussaanneerneranut tapersersuinerput innersuutigerusupparput,
peqqussutissap atuutilernissaanut tunngatillugu. Taamatut oqaaseqarluta
siunnersuummut akuersaaqataaniarpugut.
Lise Lennert, Kultureqarnermut,
Ilinniartitaanermut Ilisimartusarnermullu Naalakkersuisoq:
Taasissutigilertinnagu isumaqarpunga
pissusissamisuussasoq Kulturemut Ilinniartitaanermullu Ataatsimiititaliaq
qutsavigissallugu, taamatut suliap ingerlanneqarnerani sukumiisumik
sulilluarsimammata taavalu aamma iluarsisassat eqqumaffigisimammatigit,
qutsavigerusuppakka, qujanaq.
Johan Lund Olsen, Inatsisartut Siulittaasuat:
Qujanaq, taavalu
oqaaseqartoqaqqissanngimmat taava tassa taamaalilluta taasissutigissavarput. Inuussutissarsiutinut
ilinniartitaanerit inuussutissarsiutinullu pikkorissartitsisarnerit pillugit
Inatsisartut peqqussutaannut siunnersuut taamatut pingajussaaneerneqarnerani
isumaqataasut qinnuigissuakka nikueqqullugit.
28
Johan Lund Olsen, Inatsisartut Siulittaasuat:
Tassa inimi najuuttut tamarmik
akuerseqataapput. Taamaalilluta tassa ingerlaqqissinnaanngorpugut.