Oqaluuserisassani immikkoortoq 06-2 |
|||
Siullermeerneqarnera | Aappassaanneerneqarnera | Pingajussaaneerneqarnera |
Ullut
ataatsimiiffiusut arfersaneq aappaat, tallimanngorneq, 10. maj 2002 nal. 16:40
Ataatsimiinnermik
aqutsisoq: Anders Andreassen, Inatsisartut Siulittaasuata tullia, Siumut.
Jonathan
Motzfeldt, Naalakkersuisut siulittaasuat, Siumut.
Siunnersuutip
siullermeerneqarnerani Inatsisartut isumaqatigiittut inatsisissatut siunnersuut
taperserpaat. Tamatuma kingorna Inatsisartut Inuussutissarsiornermut
ataatsimiititaliaat isumaliutissiissuteqarpoq allannguutissatut siunnersuut
allanngortinnagu akuerineqaqqullugu inassutigalugu.
Atuisartunut
pisisartunullu maalaaruteqartarfittut ataatsimiititaliap allaffeqarfiata
nukittorsarneqarnerata ataatsimiititaliap akunnitsinni pingaartumillu
atuisartuni saqqumilaarnerulernissaanik kinguneqarnissaanik ataatsimiititaliap
neriuuteqarnera naalakkersuisut isumaqatigaat.
Sukumiinerusumik
oqaaseqaqqigatik Naalakkersuisut siunnersuutip matumani aappassaaneerneqarnerani
siunnersuut Inatsisartut akuersortumik pineqarnissaa siunnersuutigaat.
Anders
Andreassen, ataatsimiinnermik aqutsisoq, Inatsisartut Siulittaasuata tullia,
Siumut.
Qujanaq.
Apeqqutigissavara oqaaseqartoqarniarnersoq. Taamatut isikkoqanngilaq,
oqaatigissavaralu inatsisassarsiornermi ataatsimiititaliap isumaqatigiittumik
isumaliutissiissummini inatsisissatut siunnersuut akuersissutigineqarnissaa
inassutigaa.
Maannalu
inatsisissatut siunnersuut taasissutigissavarput.
Inatsisissatut
siunnersuummut isumaqataasut qinnuvigaakka nikueqqullugit.
23.
Akerliusut.
0.
Taaseqataanngitsut:
0.
Siunnersuutigissavara
siunnersuummut maanna ilusileriikkamisut iluseqarluni ataatsimiititaliami
suliarineqaqqigani pingajussaaniigassanngortinneqassasoq, tassunga
akerliusoqarnerluni? Naamik. Taamaalilluni akuerineqarpoq.
Qujanaq.