2024 2023 2022 Flere år...
11-07-2015
Ulloq 10. juli 2015-imi Sisimiuni Taseralimmi nalliuttorsiorpalaartumik katerisimaarnermi Inatsisartut Siulittaasuata Lars-Emil Johansenip Hermann Berthelsen sølviusumik Nersornaaserpaa.
Inuiaqatigiinni politikikkut ukiorpassuarni piumassuseqarluni sullissisimanera tunngavigalugu Inatsisartut Siulittaasoqarfiata Hermann Berthelsen sølviusumik Nersornaaserpaa.
Hermann Berthelsenimut oqalugiaammini Lars-Emil Johansen ilaatigut
ima erseqqissaateqarpoq:
"Inuiaqatigiit ingerlateqqinneqarnissaannut politikikkut
ukiorpassuarni soqutiginnissimanerit sulilu soqutiginninnerit
aammalu ineriartorneq ilutigalugu inuiaqatigiit pitsaanerusumik
ingerlanissaannut suleqataanissamut piumassuseqarlutillu
soqutiginninnerit pillugu Siulittaasoqarfiup sølviusumik
nersornaaserpaatsit.
Inuusuttunnguullutit politikikkut ingerlatsinerit 1982-imi Siumut
inuusuttaanni siulittaasunngoravit allarnerpat, tamatumalu kingorna
1983-imiilli kommunalbestyrelsimut ilaasortanngorputit aammalu
1999-imili Sisimiunut, ullumikkut Qeqqata Kommuniusumut
borgmesterinngorputit sulilu borgmesteriullutit."
Siulittaasoqarfik sinnerlugu
Lars-Emil Johansen
Inatsisartut Siulittaasuat
Annertunerusumik paasisaqarusukkaanni saaffigineqarsinnaavoq Inatsisartut Siulittaasuat Lars-Emil Johansen, mobil +299 55 19 15.
