Oqaluuserisassani immikkoortoq 32-1 |
|
||
Siullermeerneqarnera | Aappassaanneerneqarnera | Pingajussaaneerneqarnera |
Pingasunngorneq 21. maj 1997, nal. 15.30
Ataatsimiinnermik aqutsisoq: Hans Enoksen, Siulittaasoqarfik.
Marianne Jensen, Peqqinnissamut, Avatangiisinut Ilisimatusarnermullu Naalakkersuisoq:
1994-imi
Inatsisartut Imaani avatangiisit illersorneqarnissaat pillugu inatsisartut
peqqussutaat, tre sĝmilinik killeqarfiup iluani, tassa imartani nunatta
oqartussaaffigisaani, atuuttoq, aamma ATre sĝmilinik killeqarfiup avataani
immatigut avatangiisinik mingutsitsinaveersaarineq pillugu inatsisip Kalaallit
Nunaannut atortuulersinneqarnissaanik peqqussut@ akuersissutigaat. Inatsisiliornerit taakku marluk
imminnut tapertariipput. Inatsisiliornernut tamanut attuuppoq malittarisassat
annertuumik nunat tamalaat akornanni isumaqatigiissutinik tunngaveqarmata.
Peqqussutip qulaani pineqartup
atortuulersinneqarnerani paragrafit ataasiakkaat aalajangiivigineqarallaannarput
kingusinnersusukkut atortuulersussatut, taakkununnga ' 27 ilanngullugu.
1996-imi ukiakkut ataatsimiinnermi
Inatsisartut akuersissutigaat Uuliamik mingutsitsisinnaaneq pillugu
upalugaarismanissaq, akiuiniarnissaq suleqatigiinnissarlu pillugit nunat
tamalaat isumaqatigiisutaannut, OPRC-konventionimik taaneqartartumut,
1990-imeersumut Kalaallit Nunaat tamakkiisumik akuersissasoq. Peqatigitillugu
Inatsisartut aalajangerpaat MARPOL-konventioni pillugu
aalajangiigallarsimanerit ilaat atorunnaarsinneqassasut, taamaattorli imeq
kuuffitsigut iginneqartartoq pillugu aalajangiigallarsimaneq
atuutsiinnarneqarluni. Taamaalilluni ' 27-ip nalunaarutitaatalu atortuulersinneqarnera suliassaqarfimmi
pineqartumi nunat tamalaat akornanni sukumiisumik malittarisassaqartitsinerup
timitalerniarneqarneranik tunngaveqarpoq.
AImaatigut avatangiisinik
mingutsitsinaveersaarnissaq pillugu inatsisip Kalaallit Nunaannut atortuulersinneqarnissaanik
peqqussummi ' 27-ip
atortuulersinneqarnissaanik peqqussut@ -mut kiisalu umiarsuit uuliamik mingutsitsisoqarnissaanut
piareersimanissaannut pilersaarutit pillugit nalunaarutissamut missingiut
matumuuna inatsisartunut akuersissutigisassanngorlugit Naalak-kersuisunit
saqqummiupagut. Peqqussut nalunaarutitaa ilanngullug imartami
oqartussaaffigisami 3 aamma 12 sĝmilip akornanni atuutissaaq umiarsuarnut
uuliamik assartuutinut 150 BRT sinnerlugu angissusilinnut kiisalu umiarsuarnut
allanut 400 BRT sinnerlugu angissusilinnut.
Nalunaarummi takuneqarsinnaasutut
matumani pineqartut uuliamik mingutsitsisoqartillugu umiarsuarni anginerusuni
suleriaatsit attaveqaqatigiinnermilu aqqutissat timitalerneqarneri.
Ilisimatitsisutigineqarsinnaavoq umiarsuit pineqartut amerlanersaat maannangaaq
nalunaarummi piumasaqaatinik naammassinnereersimammata.
Peqqussutip atulerneranut atatillugu
annertuunik aningaasatigut nassataqarnissaa naatsorsuutigineqanngilaq.
Peqqussutissasut siunnersuut
nalunaarutitaa ilanngullugu Inuussutissarsiornermut, Angallannermut
Pilersuinermullu Pisortaqarfimmut, Aalisarnermut, Piniarnermut Nunalerinermullu
Pisortaqarfimmut, Aningaasaqarnermut Pisortaqarfimmut, APK-mut, RAL-imut,
Royal Greenlandimut KNI Pilersuisoq A/S-imullu tusarniaassutigineqarsimavoq.
Tusarniaanermi akissutinik peqqussutip atortuulersinneqarnissaanut
akerliusunik takkuttoqanngilaq.
Naalakkersuisut sinnerlugit
Inatsisartunut siunnersuutigisavara peqqussut pillugu inaarutaasumik oqaaseqaateqartoqartinnagu peqqussut
Avatangiisinut Eqqissisimatitsinermullu Ataatsimiititaliami
suliarineqaqqaassasoq.
Niels Mattaaq, Siumup oqaaseqartua:
Imaatigut avatangiisinik
mingutsitsinaveersaarnissaq pillugu inatsisassap suliarineqarnerani arlaleriartumik
apeqqut paragraf 27-mut tunngasoq attorneqartarsimavoq. Tamatumani ilaatigut
1996-mi OPRC-konvention-mi pineqartut, tassa taaneqareersutut uuliamik
mingutsitsisinnaaneq pillugu upalungaarsimanissaq 1990-mili saqqummiussaq,
nunatsinnit akuerineqareersimammat.
Peqqussutissaq pineqartoq
nalunaarutitaa ilanngullugu umiarsuarnut aalajangersimasunik angussusilinnut
imartatsinni 3 sĝmil aamma 12 sĝmil akornanni mingutsitsisoqarnissaannut
piareersimasussanut tunngassuteqarput. Piumasaqaatit umiarsuarnit taamaattunit
naammassineqartussat taakkartorneqarsimapput, qularnanngitsumik aningaasatigut
aamma naliliiffigineqartariaqartut.
Siumut-miit taamatut oqaaseqarluta
atulersitsinissaq isumaqatigigaluarlugu tapersersorumallugulu oqareerluta,
isumaqatigaarput avatangiisit pillugit ataatsimiititaliamik
misissorneqarnissaa, isumaqatigiissutinut allanut assigiinngitsutigut
attuumassutai erseqqisarneqaqqullugit.
Jakob Sivertsen, Atassutip
oqaaseqartua:
Ukiuni kingullerne nunatta imartaani
avatangiisit mingutsinneqannginnissaat anguniarlugit inatsisartut
peqqussutissaannik suliaqartarsimavugut, soorlu 1994-mi nunatta imartaani
sĝmil-it pingasut iluanni uagut nammineq oqartussaaffigisatsinni, kiisalu
sĝmil-nik pingasunik killeqarfitta avataani imaap mingutsinneqannginnissaa
anguniarlugu peqqussut Inatsisartuni akuersis-sutigisimavarput.
Taamaaliornermut peqqutaanerpaavoq nunat tamalaat akornanni isumaqatigiissummik
tunngaveqarmata.
Umiarsuit uuliamik
mingutitsisoqarsinnaanissaanut piareersimanissaannut pilersaarutit pillugit
nalunaarutissamut missingiummut Inatsisartut oqaaseqaatissaannik siunnersuut
Naalakkersuisumit saqqummiunneqartoq Atassut-mit ilassilluarparput.
Nunatta silaannaata peqqarniissusia
eqqarsaatigalugu, nunatsinni umiarsuit uuliamik assartuutitut atorneqartut
nunatta imartaanut sikorsuaqartaqisumut sarfartoqisumullu
naleqqussartuarsimanissat Atassut-mit assut pingaartipparput, nunatta
sineriaani uuliamik mingutsitsineqassagaluarpat ajunaarnersuarmik
kinguneqarsinnaanera pinaveersimatinneqartariaqarmat, nunatta imartaa
inuuniarnitsinnut aningaasarsiornitsinnullu pinngitsoorsinnaannginnatsigu.
Nunatsinni illoqarfiit
alliartorillugit eqqakkat kuuffiisa atorneqarnerat annertusiartuinnartuussavoq,
tamakkulu imaanut ataneqartinneqartut nalunngilarput, matumuuna Atassut-mit
piumasarissavarput eqqakkat kuuffii imartatsinnut mingutsitsinnaanerat
Naalakkersuisunit eqqumaffigineqaqqullugu.
Peqqussutissatut siunnersuut
susassaqartunut tamanut tusarniaassutigineqarsimavoq, akerliusulillu
takkuttoqarsimanngitsoq oqaatigineqarpoq, taamaammat umiarsuit uuliamik
mingutsitsisoqarnissaanut piareersimanissaannut pilersaarutit pillugit
nalunaarutissamut missingiummut Inatsisartut oqaaseqaatissaannut siunnersuut,
annertunerusumik oqaaseqarginagu, pisariaqassappat avatangiisinut
ataatsimiititaliami suliarineqaqqaarnissaanik Naalakkersuisup kissaatigisaa
aamma Atassut-mit akuersaarparput.
Evald Brĝnlund, Inuit Ataqatigiit
oqaaseqartuat:
Ukiut pingasut matuma siornatigut,
tassalu 1994-mi Kalaallit Nunatta avataani 3 sĝmil-it iluanni kiisalu 3
sĝmil-it avataani imaatigut avatangiisinik mingutsitsinaveersaarnissaq pillugu
peqqussut maani inimi akuersissutigineqarpoq.
Taamanilu paragraf 27
aalajangiiffigineqarallaannarpoq kingusinnerususukkut atortuulersinneqarnissaa
naatsorsuutigineqarluni.
Nunat tamalaat akornanni uuliamik
mingutstsisoqarsinnaaneq pillugu upalungaarsimaniarneq kiisalu akiuiniarnissaq suleqatigiinnissarlu
pillugit OPRC-konvention-mik taaneqartartoq ukiarmi maani ataatsimiinnermissaaq
inatsisartunit akuersissutigineqarpoq.
Nunatta imartaani uuliamik, tamatta
kissaatiginngisatinnik, mingutsitsisoqariataassagaluarpat nalunngilarput inuiaqatigiinnut
kalaallinut qanoq nuanniitsigisumik tamanna kinguneqartussaassasoq, ingammik
sikorsuit akornanni taamatut pisoqariataartoqassagaluarpat. Tassami uagut
kalaallit inuiaat nunatta imartaani inuussutissanik annertuumik
pisariaqartitsineq pingaartitaraarput pingaartilluassallutigulumi.
Taamaattumik imartatsinni
mingutsitsisoqarnissaanik piareersimanissaq pisariaqarluinnarmat, ilaatigut
ukiaq ataatsimiinnermi oqaaserisimasavut innersuussutigiutigalugit
siunnersuummut tamakkiisumik isumaqataanerput Inuit Ataqatigiinniit
nalunaarutigaarput.
Soorunami pisariaqarssappat
avatangiisinut ataaatsimiititaliamut ingerlateqqinniissaa ammaffigalutigu.
Bjarne Kreutzmann, Akulliit Partiiat:
Peqqussut oqaluuserineqartoq 1994-mi
atortulersinneqarmat paragraffinut ataasiaakkaanut tunngatillugu immikkut
aalajangiigallartoqarpoq, tassa taakku kingusinnerusukkut atortuulersinneqassasut.
1996-mi ukiakkut ataasimiinnermi
isumaqatigiissutigineqarpoq, nunat tamalaat isumaqatigiissutaanni
1990-meersumi Kalaallit Nunaannut tunngatillugu immikkut aalajangiigallarneq
atorunnaassasoq.
Taamaattumik Akulliit Partiiata
inassutigissavaa, inaarutaasumik oqaaseqaateqarnissaq pitinnagu peqqussutip
Avatangiisiit pillugit Ataatsimiititaliamut ingerlatitaqarnissaanik qinnuteqaat
akuerineqassasoq.
Anthon Frederiksen, Kattusseqatigiit:
Imaatigut avatagiisinik
mingutsitsinaveersaarnissaq pillugu inatsisip Kalaallit Nunatsinnut
atortuulersinneqarnissaanik peqqussummi paragraf 27-ip
atortuulersinneqarnissaanik peqqussummut, kiisalu umiarsuit olie-mik
mingutsitsisoqarnissaanut piareersimanissaannut pilersaarutit pillugit
nalunaarutissamut missingiut Kattusseqatigiinniit paasilluarlugu akuersaarpara,
taamaattumillu annerusumik oqaaseqarnanga, Naalakkersuisup siunnersuutaa
isumaqatigaara.
Marianne Jensen, Peqqinnissamut,
Avatangiisinut Ilisimatusarnermullu Naalakkersuisoq:
Tassa avatagiisitta uani imartatta
illersorneqarnissaanut pitsanngorsaanissaamut alloriaqqinniarneq
Naalakkersuisut siunnersuutigisaat partiinit tamanit aammalu kattusseqatigiinni
taperserneqarmat qujassutigivara aammalu ilanngullugu oqaatigiinnassallugu
arlaanik aperqutissaqartoqaruni nalornissuteqartoqarpalluunniit soorunami
naatsorsuutigigakku taanna Ataatsimiissitaliami sammineqasinnaajumaartut.
Qujanaq.
Lars Karl Jensen, Siumut:
Aap, una soqutiginartorujussuuvoq aammalu
uggornarpoq imaqa avataaninngaaniit tusarnaartoqannginera pillugu
ersarissaaffigineqanngimmata paragraf-it assigiingitsut. Ilaatigummi sakkortuumik
pillaanissamut tunngavissaasut aamma inatsisimmi tassani eqqatorneqarput tassa
uuliamik mingutsitsisoqarsimappat kikkut qanoq pineqarsinnaaneri uani
taakkartorneqarlutik.
Tassunga tunngatillugu inassutigissavara piaartumik
taassuma inuiaqatigiinnut paasissutissiissutigineqarnissaa. Taavalu aamma
immaqa tassunga attuumasinnaasoq, uanga siornaangorpoq
siunnersuuteqarnikuuvunga uulikoorfiit nappartat maannakkut illoqarfinni
maaniinnarmiittut ilaatigullu ikuallasarfinnut qanittunnguamiittut qanoq
iliuuseqarfiginiarneqarnissaat aamma erqarsaatigineqartariaqalersoq.
Inatsiliornikkut suna tamaat
illersortussaavarput pissusissamisoortoq tamanna aammalu inatsisit
malittinneqarnissaat nakkutigisusaallutigu, taamaatumillu aamma paarlattuanik
maangaannat ileriarlugit nunami mingutsitsinnaanerat
pinaveersaartariaqarlutigillu.
Neriuppunga ukua
ersarissaassutigineqarumaartut oqaatigisattuut paragraf-ni pineqartut sakkortuumik
pineqaatissiinerit, tassa maangaannaq eqqaanermik nassataqarsimappat kikkut
tamakkuninnga erqorneqartarnerat inuiaqatigiit umiarsuaatillillu
paasisariaqarmatigit.
Hans Enoksen, Ataatsimiinnermik aqutsisoq,
Siumut:
Taamaalilluni immikkortoq 32 naamaassivoq,
imaatigut mingutsitsinaveersarnissaq inatsisit Kalaallit Nunaanut
atortuulersinneqarnissaanut peqqussummi paragraf 27-ip atortuulersinneqarnissaanik
peqqussut, taava tassangaannit Ataatsimiisitaliamut ingerlateqqinneqassaaq.
Taavalu maannakkut pingasunngornikkut
apeqquteqaatit tikippagut, tassanilu siullermik apeqquteqaateqassaaq
Maliinannguaq M. Mĝlgaard. Apeqqutigaa Sisimiuniit Avanersuarmut qamuteralaat
atorlugit angalaneq.
Oqaluuserisaq naammassivoq.