Oqaluuserisassani immikkoortoq 13-1 |
|
||
Siullermeerneqarnera | Aappassaanneerneqarnera | Pingajussaaneerneqarnera |
Ullut ataatsimiiffiusut aqqaneq pingajuat,
marlunngorneq aprilip 30-at 2002
Ataatsimiinnermik aqutsisoq: Daniel Skifte, Inatsisartut Siulittaasuat,
Atassut.
Daniel Skifte, Inatsisartut Siulittaasuat, Atassut.
Siullermeerneqarnera tassani
Aningaasaqarnermi Naalakkersuisoq oqaaseqassaaq.
Augusta Salling, Aningaasaqarnermut Naalakkersuisoq, Atassut.
Qujanaq.
Aningaasarsiani akileraarutit pillugit Inatsisartut inatsisaat naapertorlugu
Inatsisartut ukiup 2002-p affaani siullermik ataatsimiinnerminik 2003-mut
akileraarutitigut il.il. ilanngaatissat aaliangersartussaavaat.
Ilanngaatit il.il. makku pineqarput:
Inummut
ilanngaat '32, imm. 1
Ilanngaat
aalajangersimasoq '16, imm. 2
Aningaasarsiat
piit akileraaruteqataasussaanngitsut '15, imm. 2
Akissarsiortunut
killilimmik akileraartussaasunut ilanngaat aaliangersimasoq '2, imm. 2
Kommuninut
ataatsimut akileraarut '28A, imm.2
Ilanngaatit ataasiakkaat il.il.
iseqqinnerusumik nassuiarneqarneranut qanoq sunniuteqartarnerannut kiisalu
ukiuni siuliini qanoq angissusilerneqartarneranut atatillugu saqqummiussinermi
ilanngussaq imm. 1 innersuussutigitinneqassaaq.
Taamatuttaaq ilanngussaq 2-mi
nassuiaateqarfigineqarput 2003-mi aningaasarsiat tunngavissaattut
naatsorsuutigisat.
Naalakkersuisut sinnerlugit
inassutigissavara 2003-mut akileraarutitigut il.il. ilanngaatissat ima
angissusilerneqassasut.
Inummut
ilanngaat 40.000 kr. ukiumut.
Ilanngaat
aalajangersimasoq 8.000 kr. ukiumut.
Aningaasarsiat
piit akileraaruteqaataasussaanngitsut 5.000 kr. ukiumut.
Killilimmut
akileraartussaasunut ilanngaat 1.000 kr. ukiumut.
Kommunimut
ataatsimut akileraarut 4%.
Taamaalilluni 2003-mut ilanngaatissat
il.il. 2002-mut ilanngaatissatulli angissusilernissaat inassutigineqarpoq.
2003-mi kommuninut ataatsimut akileraarutip
allanngornagu 4%-inut angissuseqarnissaa Kalaallit Nunaanni Kommuneqarfiit
Kattuffiata isumaqataaffigaa.
Aallaqqaataani oqaatigeriikkattut
paasissutissat sukumiinerusut pillugit soqutiginnittut ilanngussanut 1-mut
2-mullu innersuutigalugit Naalakkersuisut sinnerlugit siunnersuutigissavara
siunnersuutip aappassaaneerneqannginnerani Akileraartarnermut
Ataatsimiititaliap oqaluuserissagaa suleriaatsip '32-at naapertorlugu. Qujanaq.
Anders Andreassen, ataatsimiinnermik aqutsisoq, Inatsisartut
Siulittaasuata tullia, Siumut.
Qujanaq. Maannalu partiit,
Kattusseqatigiit attaviitsullu oqaaseqartussaat oqaaseqassapput. Siulliulluni
oqaaseqassaaq Simon Olsen, Siumut.
Simon Olsen, Siumup oqaaseqartua.
Akileraarutissat ilanngaatissat pillugit
Naalakkersuisut siunnersuutaat Siumumiit imatut oqaaseqarfigissavarput.
Inatsisartut inatsisaat naapertorlugu
ukioq manna ukiup affaani siullermi ataatsimiinnermi 2003-mut akileraarutitigut
il.il. ilanngaatissat aalajangersarneqartussaapput.
Tamanna tunngavigalugu pineqartoq
erseqqissumik '-inik immikkoortunillu taakkatuilluni
takussutissiorneqarput. Taamatuttaarlu aamma aningaasartaasa annertussusissaat
ilanngullugit.
Siumumiit maluginiarluakkatta ilagaat
KANOKOKA 2003-mut Kommuninut ataatsimut akileraarutip allanngornagu 4%-imut
annertususilerneqarnissaa isumaqataaffigigaa.
Taamatut Naalakkersuisunut
siunnersuutigineqartumut akuersaartumik oqaaseqarluta aappassaaneerneqanginnerani
akileraartaraartarnermi akitsu... ataatsimiititaliamut ingerlateqqinnissaa
inassutigissavarput.
Anders Andreassen, ataatsimiinnermik aqutsisoq, Inatsisartut
Siulittaasuata tullia, Siumut.
Qujanaq. Tulliulluni oqaaseqassaaq Daniel
Skifte, Atassut. Tulliukkumaarpoq Johan Lund-Olsen, Inuit Ataqatigiit.
Daniel Skifte, Inatsisartut Siulittaasuat, Atassut.
Atassut isumaqataavoq akuerseqataassalluni
akileraarutinut tunngatillugu ilanngaatip 2003-mut tunngatillugu
siunnersuutigineqartumut.
Imatut paasillugu: Akileraarutinut
ilanngaat maannamut 2002-mut atuutsinneqartoq allanngortinnagu
ingerlaannassaaq.
Atassutip maluginiarsimavaa nunatsinni
Kommunit Kattuffiata maannakkutut kommunit akileraaruteqarnerat 4%-iusoq.
Allannguuteqarani 2003-mi ingerlatiinnarneqarniarmat. Tamannalu Atassummiit nuannaarutigaarput.
Atassutip akileraarutinut tunngatillugu
isumaa tassaavoq nunatsinni akileraarutinut inatsisiliornerup tungaata
ilusilersorneqarnera paasiuminartuussasoq pisariitsummillu
atorneqarsinnaasuusariaqartoq. Taamaalillutimmi innuttaasut
ajornartorsiutitaqanngitsumik akileraarutinut immersuinissaannut
qaqugukkulluunniit taakkununnga suliariuminartuuniassammat.
Atassummiit taamatut oqaaseqarluta
Naalakkersuisut siunnersuutaat taperserparput aammalu Akileraartarnermut ataatsimiititaliami
suliarineqassappat ajorinagu.
Anders Andreassen, ataatsimiinnermik aqutsisoq, Inatsisartut
Siulittaasuata tullia, Siumut.
Qujanaq. Tulliulluni oqaaseqassaaq Johan Lund-Olsen, Inuit Ataqatigiit. Tulliukkumaarpoq Mads-Peter Grĝnvold, Kattusseqatigiit.
Johan Lund-Olsen, Inuit Ataqatigiit.
Qujanaq. Pisarneq malillugu Inatsisartut upernaakkut ataatsimiinneranni aningaasarsiani akileraarutit pillugit Inatsisartut inatsisaat ukiumut 2003-mi januarip aallaqqaataaniit atuutilertussaq Naalakkersuisunit saqqummiunneqarpoq.
Inuit Ataqatigiit maluginiarparput ukiumut 2003-mut akileraarutitigut ilanngaatissat il.il. pillugit Naalakkesuisunit saqqummiunneqartut ukiup mannamut sanilliullugit siunnersuutigineqartut allannguuteqanngitsut.
Tamanna tunngavigalugu Inuit Ataqatigiit siuliani immikkoortoq 96-imi oqaaseqaatigut innersuussutiutigalugit oqaatigissavarput aappassaaneerinnissap tungaanut Inuit Ataqatigiit allannguuteqarnissamik siunnersuuteqarnissaminnut piareersimammata.
Taamatullu oqaaseqarluta Inuit Ataqatigiinniit aamma uagut Inatsisartut akileraartarnermut akitsuusiisarnermillu ataatsimiititaliaannut suliap ingerlateqqinnissaa kaammattuutigissavarput.
Aammalu kaammattuutigissavarput sanngiinnerusortatta inuuniarnermini atugarissaalernissaat siunertaralugu Naalakkersuisut saqqummiussaannut tunngatillugu ataatsimiititaliaq allannguutissamik aamma siunnersuuteqarniarnissami tassani aamma peqataaniarumaartut suliap aappassaaneerneqannginnerani.
Anders Andreassen, ataatsimiinnermik aqutsisoq, Inatsisartut Siulittaasuata tullia, Siumut.
Qujanaq. Tulliulluni oqaaseqassaaq Mads-Peter Grĝnvold, Kattusseqatigiit.
Mads-Peter Grĝnvold, Kattusseqatigiit.
Kattusseqatigiinniit misissoreerlugu imatut oqaaseqarfigissavarput.
2003-mut akileraarutitigut ilanngaatitigullu pillugit aalajangiiffigisassatut siunnersuut annerusumik oqaaseqarfiginagu Kattusseqatigiinniit taperserparput.
Taamatut oqaaseqarluta Naalakkersuisut 2003-mut akileraarutissat ilanngaatissat pillugit aalajangiiffigisassatut siunnersuut Kattusseqatigiinniit ilassilluarparput.
Anders Andreassen, ataatsimiinnermik aqutsisoq, Inatsisartut Siulittaasuata tullia, Siumut.
Qujanaq. Tulliulluni oqaaseqassaaq Otto Steenholdt, attaviitsoq.
Otto Steenholdt, attaviitsoq.
Siunnersuummut akuersaarpunga.
Anders Andreassen, ataatsimiinnermik aqutsisoq, Inatsisartut Siulittaasuata tullia, Siumut.
Naatsoq ersarissoq, aap. Taavalu
maannakkut akissuteqassaaq Aningaasaqarnermut Naalakkersuisoq.
Augusta Salling, Aningaasaqarnermut Naalakkersuisoq, Atassut.
Partiit, Kattusseqatigiit attaviitsullu
akissuteqarneranut qujavunga. Aammalu amerlanerussuteqarluartut tapersiinerat
qutsatigalugu. Annertunerusumik oqaaseqassanngilanga. Qujanaq