Oqaluuserisassani immikkoortoq 02 |
|||
Siullermeerneqarnera | Aappassaanneerneqarnera | Pingajussaaneerneqarnera |
Ulloq
ataatsimiiffik siulleq, tallimanngorneq septembarip 21-at 2001, nal. 11.20
Ataatsimiinnermik
aqutsisoq: Anders Andreassen, Siulittaasoqarfimmi ilaasortaq, Siumut.
Anders
Andreassen, Siulittaasoqarfimmi ilaasortaq, Siumut.
Tassa
soorunami aallarniutigalugu inatsisartuni ilaasortat qujaffiginiarpakka
Inatsisartut siulittaasuattut tatigalunga qinermannga. Aamma
neriorsuutigissavara soorunami qinigaaffimmik tatigineqarfiusumik taassuminnga
pisinnaasara tamakkerlugu isumaginninniarumaarama. Tassa malugisinnaavara
siulittaasoqarfimmi inuttaasut inuttaareersullu taakkua allannguuteqanngitsut
aamma neriuutigalugu soorunami suleqatigiilluaqqikkumaarluta.
Inatsisartut
siulittaasoqarfiat nunatsinni Inatsisartut sinnerlugit Inatsisartut ukiuanni
nutaami suleqatigiilluarnissamik kissaateqarluni inuulluaqqussitinik ukuninnga
nassiussivoq. Ataqqinartorsuaq Danmarkip Droninngia Margrethep aappaat
Statsminister Poul Nyrup Rasmussen, Folketingep Siulittaasua Ivar Hansen,
Altingip Siulittaasua Olafur Ejnarsson, kiisalu Lagtingip Siulittaasua Finn
Burge Isaksson.
Maluginiaqqulaarpara
ullormut oqaluuserisassanik nassuiaammi marluk naqitat agguaanneqarsimammata
ullaap tungaa saaffigineqarnerput partiinit arlariinnit najoqqutaralugu
imaluunniit
Siumut partiip siunnersuutigisimavaa ullormut oqaluuserisassani immikkoortoq una
2, ullormut oqaluuserisassanut nassuiaat ataasinngorpat 24-ni september 2001
oqaluuuserineqartussanngorlugu nuunneqassasoq taamaalillunilu ataatsimiinnermi
uani Naalakkersuisut Siulittaasuata ammaalluni oqalugiarnera ingerlaannartumik
aallartissalluni.
Ullumi
ataatsimiinnermi ullormut oqaluuserisassat taamatut allannguuteqarnissaat
akerlerineqanngippat inatsisartuni akuersissutigineqartutut isigissavara.
Akerineqanngilaq.
Tassa
taamaalilluta ullormut oqaluuserisassatut nassuiaat immikkoortoq 2
ataasinngorpat tigussavarput ingerlaannarlutalu immikkoortoq oqaluuserisassaq
1-mut ammaanermi oqalugiaat Naalakkersuisut Siulittaasuata saqqumiutissavaa.
Anders
Andreassen, Siulittaasoqarfimmii ilaasortaq, Siumut:
Qujanaq.
Tassa tulliulluni ullumi oqaluuserisassani immikkoortoq 1 tikissavarput. Tassalu
ammaalluni oqalugiaat Naalakkersuisut Siulittaasuat