Oqaluuserisassani immikkoortoq 32-2 |
|||
Siullermeerneqarnera | Aappassaanneerneqarnera | Pingajussaaneerneqarnera |
Ullut
ataatsimiiffiusut arfersaneq arfineq-aappaat, pingasunngorneq oktoberip 24-at
2001, nal. 13:16
Ataatsimiinnermik
aqutsisoq: Ole
Lynge, Inatsisartut Siulittaasuat, Inuit Ataqatigiit.
Ole
Lynge, Inatsisartut
Siulittaasuat, Inuit Ataqatigiit
Ineqarnermut
Ataatsimiitialiamit isumaliutissiissutigineqarpoq isumaqatigiittumik.
Qinnutigineqarsimanngilaq immikkut oqaaseqarfigineqarnissaa. Allanik
nappaasoqarnerluni. Aap, Ineqarnermut, Attaveqarnermut Pilersuinermullu
Naalakkersuisoq.
Jørgen
Wæver-Johansen, Ineqarnermut,
Attaveqarnermut Pilersuinermullu Naalakkersuisoq, Siumut.
Qujanaq.
Inatsisartut attaveqarnermut pilersuinermullu aamma ineqarnermut
ataatsimiititaliaanni isumaliutissiissut isumaqatigiilluni
akuersissutigineqarsimammat Naalakkersuisut sinnerlugit qujarusuppunga.
Peqatigisaanik piginneqatigiilluni inissiat pillugit Inatsisartut peqqussutaata
allanngortinneqarneranik Inatsisartut peqqussutissaattut siunnersuummut
allannguutissatut siunnersuut Naalakkersuisut sinnerlugit matumuuna
saqqummiuppara. Tassa taamaaliornissarput siullermeerneqarnerani aamma
ilimasaarutigereernikuuvarput.
Piginneqatigiilluni
inissialiornissamut peqatigiiffiit sanaartornissamut
taarsigassarsisinneqartarnerisa nutarterneqarnerata allaffissornikkullu
aqunneqarnerata eqaannerulersinneqarnissaata ingerlasup peqqussutissatut
siunnersuutip saqqummiunneqarnera kinguneraa.
Piginneqatigiilluni
inissialiornissamut peqatigiiffiit piginneqatigiillutik inissialiamik
sanaartorneqarneranni maannakkumut nunatta karsianit kommunillu karsiinit
ingerlaavartumik tigusisinnaatitaasimapput. Piginneqatigiilluni
inissialiornissamut peqatigiiffiit piginneqatigiillutik inissialiortut aamma
nammineerlutik sanatitsisut aningaasaateqarfiillu piginneqatigiillutik
inissialiortut kiisalu inissiat 40/50-imik aaqqissuussineq malillugu
sananeqartartartup akornanni maleruagassiap assigiissaarneqarnissaat maanna
siunnersuutigineqarpoq.
Taamaattumik
piginneqatigiilluni inissialiornissamut peqatigiiffiup imaluunniit
sanatitsisup allap inissialiortuunera apeqqutaatinnagu sanaartornerup
aningaasalersorneqarneranut aningaasartuutit tamakkiisut pilersaarummut
ilaatinneqartalissasut siunnersuutigineqarpoq. Allannguinerup taassumap
nassatarissavaa Namminersornerullutik Oqartussani kommuninilu ataasiakkaani
allaffissornikkut aqutsinerup annertuumik pisariinnerulersinneqarnera.
Naalakkersuisut
naliliipput piginneqatigiilluni inissialiat ataasiakkaat sanaartorneqarnerisa
nalaani aningaasatigut sullissilluarnerpaasinnaasut tassaasut nunatsinni
aningaaseriviit. Tamatumuunattaaq annertuumik ingerlatsinikkut iluaqutissat
anguneqassapput. Tamatumalu peqatigisaanik aningaaseriviup aamma
piginneqatigiilluni inissialiornissamut peqatigiiffiup akornani
tatigeqatigiinneruneq pilersinneqassalluni.
Taamatut
oqaaseqarlutik Naalakkersuisut inassutigaat allannguutissatut siunnersuut
saqqummiunneqartoq akuersissutigineqassasoq. Tamatuma kingorna Naalakkersuisut
siunnersuutigaat piginneqatigiilluni inissiat pillugit Inatsisartut
peqqussutaata allanngortinneqarnerani Inatsisartut peqqussutissaattut
siunnersuut allannguutissatut siunnersuut saqqummiuneqartoq allannguutigalugu
maannakkut ilusiligaanermisut iluseqarluni pingajussaaneerneqarnissaa.
Ole
Lynge, Inatsisartut
Siulittaasuat, InuitAtaqatigiit.
Qujanaq.
Allanik oqaaseqarniarluni nalunaartoqarsimanngilaq. Taamaalilluta
taasinialissuugut. Attaveqarnermut pilersuinermullu aamma ineqarnermut
ataatsimiititaliap inassutigaa piginneqatigiilluni inissiat pillugit
Inatsisartut peqqussutaata allanngortinneqarneranik Inatsisartut
peqqussutissaattut siunnersuut isumaqatigiittumik taamak isikkoqarluni
pingajussaaneerneqarnissaminut ingerlaqqissasoq.
Siunnersuummut
isumaqataasut qinnuigissavakka nikueqqullugit.
29.
Takusinnaasakka
malillugit najuuttut tamarmik. Taamaalilluni ilusimisut iluseqarluni
pingajussaaniigassanngortinneqarpoq.