Samling
UKA 2002/102
Ilanngussaq
Aalajangigaq nr. 2/2001
Nunat Avannarliit Killiit Siunnersuisoqatigiiffiata siulittaasoqarfiup siunnersuutaa una aalaja-ngikkat akuerisimavaat, 15-it akueralugu taaseqataaffigalugu, akerliusoqarani najuutinngitsoqa-ranilu.
Pisuussutinik uumassusilinnik atuineq pillugu nunat tamat ataatsimeersuartinneqarnerat.
Nunat Avannarliit Killiit Siunnersuisoqatigiiffiata Savalimmiut Naalakkersuisuinut, Kalaallit Nunaanni Naalakkersuisunut Islandimilu Naalakkersuisunut inassutigaa pisuussutit uumassusillit pillugit nunat tamat ataatsimeersuarnissaat aaqqissuuteqqullugu. Ataatsimeersuarnermi peqataasut tassaassapput qinikkatut aalajangiisartuusut, ingerlataqartut kiisalu soqutigisaqaqatigiiffiit susassaqartut allat, matumani nunat tamat akornanni avatangiisinik illersuiniaqatigiiffiit ilanngullugit eqqarsaatigalugit. Siunertarineqartoq tassaassaaq illua’tungeriit tamarmik akornanni ilusilersorluagaasunik oqaloqatigiinnissap pisariaqarneranik nassuerutiginnilluni ammasumik isornartorsiortumillu oqallinnermik pilersitsineq.
Nassuiaat
Nunat Avannarliit Killiit pisuussutinik uumassusilinnik pingitsuuisinnaanngilluinnarput - pin-ngitsuuisinnaanngittuaannarsimallutillu. Piniarneq Nunani Avannarlerni Killerni kultureqarnikkut kingornussarsiat ilagaat, Nunanilu Avannarlerni Killerni innuttaasut inuuniarnerminni tun-ngavigalugu.
Taamaattumik pisuussutitta uumassusillit nungusaataanngitsumik atorneqarnissaat Nunat Avan-narliit Killiit tunngaviusumik soqutigisaraat, taamaalillutik uumasuutivut kinguaariinnut tulliuttunut piuinnartinneqarsinnaaqqullugit.
Inuttusiartornerup aamma piniutinik angallatinillu ineriartortitsinerup nassatarisaannik pisarineqartartut amerliartornerisa, nunanit suliffissuaqarfiusunit mingutsitsinermik ilaqartumik, toqunneqartartut suli amerlanerulersissimavaat, taamalu nunat ataasiakkaat uumasuisa assigiinngitsut ataa-siakkaat allanngorarnerannik sukumiisumik malinnaaviginninnissaq pisariaqalersissimallugu, uumasut taakku piunerinut ilungersunartumik ulorianartorsiortitsisunut piffissaagallartillugu akuliussinnaaneq siunertaralugu.
Uumasunilli assigiinngitsunik ataasiakkaanik nungutsisarneq Nunat Avannarliit Killiit piniarnikkut ileqqutoqaannut kisimi ulorianartorsiortitsisuunngilaq.
Pissutsinik Nunani Avannarlerni Killerni piniarnermut tunngasunik paatsuuinerit ilisimasaqan-ngippallaarnerlu ilaanni Nunat Avannarliit Killiit piniarnermik inuuniuteqarnernik tunngaveqarnerannut aamma tamaatut ilungersunartigisumik uloriartorsiortitsisuusarput. Kalaallit Nunaanni puisinniarneq assortorlugu paasisitsiniaanerit, Islandimiut arfanniutaannik kivisitsineq Savalimmiunilu niisarnarniartarnermut akornusersuinerit tamakku pillugit alianartutut assersuutissaapput.
Piniarnermut nungusaataanngitsumik inuppalaartumillu tunngaveqarluni ingerlanneqartumut kil-lilersuiniarnerit, pillaaniarnerit akornusersuisumillu paasisitsiniaanerit pinngitsoortinneqartariaqarput.
Taamaattumik pisuussutinik uumassusilinnik atuinermi ileqqutoqqavut - taamaakkaluarlutik suli uummaarissumik ingerlanneqartut - pillugit paasissutissanik paarlaateqatigiinnerup qulakkeerneqarnissaa tamatumunngalu peqatigitillu uumasuutitsinnut assigiinngitsunut ulorianartorsiortitsinerit pisariaqarneratut eqqumaffigineqarnerisa qulakkeerneqarnissaat Nunat Avannarllit Killiit soqutigisaraat.
Pisuussutinik uumassusilinnik nungusaataanngitsumik atuineq pillugu nunat tamat ataatsimeersuarnerat tamatumunnga ilassutaasinnaavoq naleqarluartoq. Taamaattumik ataatsimeersuarnerup taassuma suliassaqarfimmi tassani ilisimatusaqqinnissat tunngavissaq pilersitseqataaffigisinnaavaa, kiisalu Atlantikup Avannarpasissuani pinngortitap pisuussutaanik nungusaataanngitsumik atuineq pillugu apeqqutinut ataatsimoortumik isummertarnissaannik pilersitseqataassalluni.
Nuuk, 12. september 2001
Hjálmar Àrnason
Siunnersuisoatigiiffiup siulittaasua
Ernst S. Olsen
Siunnersuisoqatigiiffiup allattaa
UKA 2002/102
Ilanngussaq
Aalajangigaq nr. 2/2001
Nunat Avannarliit Killiit Siunnersuisoqatigiiffiata siulittaasoqarfiup siunnersuutaa una aalaja-ngikkat akuerisimavaat, 15-it akueralugu taaseqataaffigalugu, akerliusoqarani najuutinngitsoqa-ranilu.
Pisuussutinik uumassusilinnik atuineq pillugu nunat tamat ataatsimeersuartinneqarnerat.
Nunat Avannarliit Killiit Siunnersuisoqatigiiffiata Savalimmiut Naalakkersuisuinut, Kalaallit Nunaanni Naalakkersuisunut Islandimilu Naalakkersuisunut inassutigaa pisuussutit uumassusillit pillugit nunat tamat ataatsimeersuarnissaat aaqqissuuteqqullugu. Ataatsimeersuarnermi peqataasut tassaassapput qinikkatut aalajangiisartuusut, ingerlataqartut kiisalu soqutigisaqaqatigiiffiit susassaqartut allat, matumani nunat tamat akornanni avatangiisinik illersuiniaqatigiiffiit ilanngullugit eqqarsaatigalugit. Siunertarineqartoq tassaassaaq illua’tungeriit tamarmik akornanni ilusilersorluagaasunik oqaloqatigiinnissap pisariaqarneranik nassuerutiginnilluni ammasumik isornartorsiortumillu oqallinnermik pilersitsineq.
Nassuiaat
Nunat Avannarliit Killiit pisuussutinik uumassusilinnik pingitsuuisinnaanngilluinnarput - pin-ngitsuuisinnaanngittuaannarsimallutillu. Piniarneq Nunani Avannarlerni Killerni kultureqarnikkut kingornussarsiat ilagaat, Nunanilu Avannarlerni Killerni innuttaasut inuuniarnerminni tun-ngavigalugu.
Taamaattumik pisuussutitta uumassusillit nungusaataanngitsumik atorneqarnissaat Nunat Avan-narliit Killiit tunngaviusumik soqutigisaraat, taamaalillutik uumasuutivut kinguaariinnut tulliuttunut piuinnartinneqarsinnaaqqullugit.
Inuttusiartornerup aamma piniutinik angallatinillu ineriartortitsinerup nassatarisaannik pisarineqartartut amerliartornerisa, nunanit suliffissuaqarfiusunit mingutsitsinermik ilaqartumik, toqunneqartartut suli amerlanerulersissimavaat, taamalu nunat ataasiakkaat uumasuisa assigiinngitsut ataa-siakkaat allanngorarnerannik sukumiisumik malinnaaviginninnissaq pisariaqalersissimallugu, uumasut taakku piunerinut ilungersunartumik ulorianartorsiortitsisunut piffissaagallartillugu akuliussinnaaneq siunertaralugu.
Uumasunilli assigiinngitsunik ataasiakkaanik nungutsisarneq Nunat Avannarliit Killiit piniarnikkut ileqqutoqaannut kisimi ulorianartorsiortitsisuunngilaq.
Pissutsinik Nunani Avannarlerni Killerni piniarnermut tunngasunik paatsuuinerit ilisimasaqan-ngippallaarnerlu ilaanni Nunat Avannarliit Killiit piniarnermik inuuniuteqarnernik tunngaveqarnerannut aamma tamaatut ilungersunartigisumik uloriartorsiortitsisuusarput. Kalaallit Nunaanni puisinniarneq assortorlugu paasisitsiniaanerit, Islandimiut arfanniutaannik kivisitsineq Savalimmiunilu niisarnarniartarnermut akornusersuinerit tamakku pillugit alianartutut assersuutissaapput.
Piniarnermut nungusaataanngitsumik inuppalaartumillu tunngaveqarluni ingerlanneqartumut kil-lilersuiniarnerit, pillaaniarnerit akornusersuisumillu paasisitsiniaanerit pinngitsoortinneqartariaqarput.
Taamaattumik pisuussutinik uumassusilinnik atuinermi ileqqutoqqavut - taamaakkaluarlutik suli uummaarissumik ingerlanneqartut - pillugit paasissutissanik paarlaateqatigiinnerup qulakkeerneqarnissaa tamatumunngalu peqatigitillu uumasuutitsinnut assigiinngitsunut ulorianartorsiortitsinerit pisariaqarneratut eqqumaffigineqarnerisa qulakkeerneqarnissaat Nunat Avannarllit Killiit soqutigisaraat.
Pisuussutinik uumassusilinnik nungusaataanngitsumik atuineq pillugu nunat tamat ataatsimeersuarnerat tamatumunnga ilassutaasinnaavoq naleqarluartoq. Taamaattumik ataatsimeersuarnerup taassuma suliassaqarfimmi tassani ilisimatusaqqinnissat tunngavissaq pilersitseqataaffigisinnaavaa, kiisalu Atlantikup Avannarpasissuani pinngortitap pisuussutaanik nungusaataanngitsumik atuineq pillugu apeqqutinut ataatsimoortumik isummertarnissaannik pilersitseqataassalluni.
Nuuk, 12. september 2001
Hjálmar Àrnason
Siunnersuisoatigiiffiup siulittaasua
Ernst S. Olsen
Siunnersuisoqatigiiffiup allattaa