Oqaluuserisassani immikkortoq 1 |
|
||
| Siullermeerneqarnera | Aappassaanneerneqarnera | Pingajussaaneerneqarnera | |
Ataatsimiinnermik aqutsisoq: Jonathan Motzfeldt, Inatsisartut Siulittaasuat, Siumut.
Jonathan Motzfeldt, Inatsisartut Siulittaasuat, Siumut.
Inatsisartunut ilaasortat aammalu Naalakkersuisunut ilaasortat tamaasa 2003-mi Inatsisartut immikkut ittumik ataatsimiinnissaannut matumuuna ammarneqarneranut tikilluaqquakka. Inatsisartut atatsimiigiaqquneqarnerannut Naalakkersuisut Siulittaasuata Hans Enoksenip ulloq 14. januar 2003-mi unnukkut saaffiginnissutaa tunngavigineqarpoq. Ataatsimiigiaqqusineq pivoq Inatsisartut Suleriaasianni § 37, immikkoortoq 3 malillugu. Naalakkersuisut Siulittaasuata saaffiginnissutaanut naapertuuttumik nunattalu naalakkersuinikkut pissutsit atugarisaat tunngavigalugit isummerpunga ilaasortat ataatsimiigiarlutik takkunissaat eqqarsaatigalugu sapinngisamik piffissaq sivikinnerpaaq atorlugu ataatsimiigiaqqusinissaq pissusissamisuussasoq.
Inatsisartuni ilaasortat tamarmik ullumi ataatsimiinnermut anngussinnaasimapput tamannalu nuannaarutigaara. Aamma nalunaarutigissavara immikkut ittumik ataatsimiinneq qularnanngilaq ullormik ataatsimik imaluunniit ullunik marlunnik sivisussuseqartussatut naatsorsuutigineqarmat, ataatsimiinnerlu taamaalilluni ullumikkut naammassineqanngippat aqagu imaluunniit aqaguagu pisariaqassappat ilanngunneqarumaarput.
Taama oqaaseqarlunga uummammik pisumik tamassi tikilluaqquassi.