Oqaluuserisassani immikkoortoq 7 |
|
||
| Siullermeerneqarnera | Aappassaanneerneqarnera | Pingajussaaneerneqarnera | |
Ulloq ataatsimiiffik siulleq,
ataasingorneq 20. januar 2003, nal. 14:59
Ataatsimiinnermik aqutsisoq: Jonathan Motzfeldt, Inatsisartut
Siulittaasuat, Siumut.
Jonathan Motzfeldt, Inatsisartut Siulittaasuat, Siumut.
Inatsisatut Suleriaasianni § 3
naapertorlugu maanna siulittaasup tulliinik sisamanik Inatsisartut
Siulittaasuat peqatigalugu Inatsisartut Siulertaasoqarfiusussamik
qinersissaagut, taavalu tassani malittarisassat eqqorlugit D’Hondtip periusia
najoqqutaralugu qinerseriaaseq tassani atorneqassaaq. Oqaatigineqassaaq
Inatsisartut Siulittaasuattut inissaq ataaseq siulleq partiip pissarsiarisassaa
taaseqatigiittarnissamiluunniit isumaqatigiissuteqartut pissarsiarisassaat
Siulittaasup pissarsiarissammagu.
Maannalu Inatsisartut
Siulittaasoqarfiani tulliisa atuuffissanut qinigassanngortitat sinniisussallu
nalunaarutigineqarnissaat qinnutigissavara.
Jørgen Wæver-Johansen, Siumup oqaaseqartua.
Siumumiit Inatsisartut Siulittaasoqarfiannut ilaasortassatsitut Per Rosing Petersen toqqarusupparput taassumalu sinniisussaa tassaassaaq Ole Dorph, taavalu Jonathan Motzfeldtip sinniisussaa tassaassalluni Jørgen Wæver Johansen. Qujanaq.
Ane Hansen, Inuit Ataqatigiit oqaaseqartuat.
Inuit Ataqatigiinninngaanniit Inatsisartut Siulittaasoqarfiannut inassutigaarput Aqqaluk Lynge taassumalu sinniisussarissavaa Henriette Rasmussen.
Jakob
Sivertsen, Atassutip oqaaseqartua.
Atassummiit siunnersuutigaarput Isak Davidsen
sinniisussaralugu Ellen Kristensen.
Astrid Fleischer Rex, Demokraatit oqaaseqartuat.
Demokraatiniit Inatsisartut Siulittaasoqarfianut siunniuppagut Per Berthelsen taavalu sinniisussatut Astrid Fleischer Rex.
Jonathan Motzfeldt, Inatsisartut Siulittaasuat, Siumut.
Taamaalilluni oqaaserisassaq taanna naammassivoq, tassalu Inatsisartut Siulittaasoqarfianni Jonathan Motzfeldt Siumumiit, Isak Davidsen Atassummiit, Per Rosing-Petersen Siumumiit, Aqqaluk Lynge Inuit Ataqatigiinniit Per Berthelsenilu Demokraatiniit saqqummiunneqarput, sinniisussaallutik JørgenWæver-Johansen Jonathan Motzfeldtimut, Ellen Kristensen Isak Davidsenimut, Ole Dorph Per Rosing Petersenimut; Henriette Rasmussen Aqqaluk Lyngemut Astrid Fleischer Rex Per Berthelsenimut. Aamma pilluaqquagut qinigaasut tikilluaqqullugit suleqatigiinnissatsinnut.
Aammalu ilisimatitsissutigissavara Inatsisartut Siulittaasoqarfiannut Siumup gruppiata silulittaasua Jørgen Wæver-Johansen, Atassutillu gruppiani siulittaasoq Jakob Sivertsen atsioqatigiillutik nalunaaruteqarmata Atassut Siumullu suleqatigiinnerminni Inatsisartut Siulittaasoqarfianni aammalu ataatsimiititaliani inuttalersuinermi taaseqatigiittarniarlutik isumaqatigiissuteqarsimasut.