Oqaluuserisassani immikkoortoq 09 |
|
||
| Siullermeerneqarnera | Aappassaanneerneqarnera | Pingajussaaneerneqarnera | |
Ulloq ataatsimiiffik siulleq, arfininngorneq 14.
december 2002, nal. 12:15
Ataatsimiinnermik aqutsisoq: Jonathan Motzfeldt,
Naalakkersuisut Siulittaasuat, Siumut.
Jonathan Motzfeldt, Inatsisartut Siulittaasuat, Siumut.
Aallartitsinnata oqaatigissavara sinniisussat
akuersissutigineqarnerat tusarallassagatsigu, tassa Inatsisartuni ilaasortat
Ruth Heilmann, Siumut; Simon Olsen, Siumut Johan Lund-Olsenilu, Inuit
Ataqatigiit, Naalakkersuisunut ilaasortanngornerminnut atatillugu Inatsisartuni
sulinerminnit sulinngiffeqarallarnissamik Inatsisartut Siulittaasoqarfiannut
qinnuteqarput.
Sulinngiffeqarallarnissamik qinnuteqaatit
Siulittaasoqarfimmit akuersissutigineqarput. Naalakkersuisunut
ilaasortatut atuukkallarnerminni sulinngiffeqarallassapput. Tassa
Naalakkersuisunut ilaasortaagallarnerminni sulinngiffeqarallassapput.
Naalakkersuisunut ilaasortat pineqartut pingasut sulinngiffeqarallarneranni
sinniisussanik pingasunik aggersaasoqarpoq.
Taamaalillunilu Ruth Heilmann
taarserlugu siunnersuutigineqarpoq akuersissutigineqassasoq Ole Thorleifsen, Siumut;
Simon Olsen taarserlugu Per Rosing-Petersen ilaasortanngussasoq Siumumiit
siunnersuutigineqarpoq. Johan Lund-Olsen taarserlugu Aqqalukasik Kanuthsen
siunnersuutigineqarpoq ilaasortanngussasoq.
Qinigaasinnaanerup
Misilinneqarnissaanut Ataatsimiititaliap sinniisussat pingasut
qinigaasinnaassuseqarnerat misilippaat, qinigaasinnaassuseqartutullu
akueralugit.
Tamanna akerlerineqarnerpa?
Akerlerineqanngilaq.
Inatsisartunut tikilluaritsi, qinnuigaassilu
Inatsisartuni inissassinnut ingeqqullusi. Takassa. Taamaalilluni aamma
ilanngulluni oqaatigineqassaaq Simon Olsen pręsidiami qinigaasoq, taarserlugu
maannakkut Per Rosing-Petersen taarserlugu ilaasortanngormat, Ole Dorph
sinniisussaralugu.